📌 漸漸明白，家境差太遠
共 55 條紀錄
漸漸明白，家境差太遠，其實好難做真正朋友。
有時你只係講緊好普通嘅生活，對方已經覺得你喺曬命。
唔係怪誰，只係世界觀唔同，好難互相理解。
記得有次小學嘅時候，成班男仔起晒哄，舉起本手冊週圍跑
佢哋大叫某個女同學手冊個地址寫錯咗唔肯認
原來女同學個地址只係簡單咁寫住：xx道xx號
成班同學大笑佢點解唔寫幾多樓幾多室，係咪成棟樓你住曬 ？
女同學好委屈咁講：係
所以有陣時唔好怪人以前老土嘅守舊思想。所謂木門對木門竹門對竹門，門當戶對係有佢嘅智慧，莫講話做夫妻，朋友都係。
事實,朋友之交淡如水,啱傾就來往,唔啱傾就唔需要揾....
以前識個舊同事，屋企有啲錢，未算富豪，出來打工純體驗生活，後尾無做，返去幫屋企生意，同親佢食飯。一定要食一千幾百，食唔飽但食裝修服務個啲餐廳，從來唔搭地鐵巴士，一落地就uber 的士，頭一年都仲keep 到friend , 之後覺得好攰，就慢慢疏遠
最慘係去旅行，自己覺得去旅行就唔好慳，住好食好。而朋友係慳到盡，帶杯麵去日本，洗浴中心過夜🌚 有時香港人笑中國人窮遊，其實好多香港人去日本窮遊
當年成班同學去旅行佢異常興奮
唔知做乜尻
後尾先知條仆街未撚坐過經濟艙 覺得咁樣成班fd一齊坐好過癮
舊公司嘅 summer students，都係大客嘅子女，佢哋並唔需要份工，只係父母安排佢哋嚟，當做攞吓經驗。有日某同事，有文件急住交畀客戶，路程好遠佢自己又忙。 Summer student 話，不如我叫我司機送去啦。講開又講，呢個男仔雖然有錢，每日司機車佢返工放工，但佢好友善 ，有禮貌有教養。
唔一定家境差太遠 就好難做朋友
只係價值觀唔同 其實好難傾到
一個家境較好 但唔好名牌 鍾意理財投資
一個家境較差 但成日買名牌 又呻窮
都好難互相理解
喺英國讀書，同一個都係香港嚟嘅同學講「坐長途機好攰呀」
同學：「一路瞓住點解仲會攰？」
以前中同隔籬位
邀請我上佢屋企，千八尺維港景．
之後搬咗屋企又邀請我去
獨立屋，前後花園前花園有錦鯉池後花園有老襯亭，銀線灣大海景
後尾又去咗劍橋讀書
之後我都知我同佢都係做唔到朋友啦，慢慢疏遠佢啦，費事俾人睇低我
真係家境差太遠，唔好勉強做朋友
可能佢並無睇低過你，我反而覺得佢真心當你朋友，因為我唔會邀請朋友嚟屋企，除非同佢好熟，屋企始終係我最私隱嘅地方，佢兩次都有邀請你去，而且同你分享，證明佢真心當你係朋友
以前識個有錢同學，但係佢家教好好，平時都唔大洗，同我地一齊食M記，佢屋企人都成日叫我地去佢屋企食飯。所以我諗係家庭教育方法唔同。
有啲人食個Lunch一千幾百，對佢黎講好平常，但如果講比其他人聽會以為佢吹水同埋晒命。
有一次個長輩帶左我去食Lunch 佢話間酒店佢fd開佢有VIP卡半價好平。😨
佢同屋企人親戚一齊包機去左冰島睇極光佢話細機唔貴。🤯
佢幾十年冇坐過地鐵平時司機接送但有時先生要用就局住坐的士，有次叫我教佢搭佢開心左好耐😂。
佢個女中學果陣同學仔有游艇佢又想要就買左部細細地嘅比佢，但因為搵船長開一次要$2000，但唔係成日搵覺得好麻煩船長就賣左，買返黎上左都冇十次。
人與人之間嘅資產差距係好大，內心思想差距一樣大，睇你點睇啲名流上層社會，攀附定係理九佢，我覺得人地有錢同冇錢只要唔影響到我根本唔係我同佢做唔做到朋友嘅最大原因，而係大家嘅思想相唔相似，傾唔傾到偈，佢都冇嫌我係細路女冇錢學歷低而唔同我做fd，我果陣十幾歲，佢話佢屋企最低學歷果個已經係菲傭姐姐…😂
反而我覺得係態度問題。有錢有教養嘅人唔會用語氣踩底人。唔關自卑事，係聽落去已經感受到人地唔尊重你，咁唔需要深交啦。
咪係 關咩自卑事 人地聽你講野既語氣同埋講個樣野既時機點 就知你係想曬命定純粹咁啱提到就講下
相反的情況，係咁：讀書時有個頗熟的中同 - 佢本身都小康嘅，自小習琴，又打波比賽。
後來佢讀u 入球隊，遇到個medic男仔，男方老豆都係從醫，家住kln tong house。佢畢業後第二年已結婚，生埋. 後來我地都斷聯。 （唔同lv 吧+自卑，grad後自己打份頹工，別人已揸砵砵車接仔出入)若干年，見佢個仔social media，英國uni 醫科畢業相。
真，唔知咁樣講會唔會好過份🙏
我而家仲講緊書身邊啲frd大部份返緊兼職賺生活費，但係我生活費旅行費……都係由屋企人負擔所以自己一直對學生返兼職嘅定義係賺吓錢買奢侈品或者解悶。痴線有陣時都覺得自己唔好意思💔
另外試過揾兼職填form寫期望薪酬$50我啲frd直接WTF？不過最後唔請我, sad
唔好講錢
有時候崩口人忌崩口碗
你認為好basic嘅嘢
對方可以覺得係好大件事
以前細個我都覺得好無辜，而家覺得係好事黎，篩走曬啲小氣/有問題嘅人。得返啲好大方嘅朋友。
食粒藍莓都被人話炫耀（後來先知道香港啲藍莓好貴），香港憎人富貴嫌棄人窮，競爭大成日同人比較，咁嘅環境造就好多咁嘅人。其實兩個字，自卑小氣。
自問家境唔算有錢，我啲同學有錢過我好多，成日行Harrods講名牌呢啲野我都唔識，又食米芝蓮餐廳（我到而家都未食過）。如果好似嗰啲人咁，其實都可以話佢地炫耀啦。
絕對認同。朋友也好，拍拖也好，都係互相分享生活的感受和事。但，當另一方完全無共鳴，分享唔到，對方又覺悶。以前細個唔覺得梁祝的故事中，他們家長好衰，但其實木門對木門，竹門對竹門是真係需要。溝通唔到到餘，生活習慣不同引起好多衝突，很難相處。
比梁祝結到婚
經過柴米油鹽後。。。
🤦🤦♀️🤦♂️
唔單止係家境
家境唔同 可能意味着大家父母嘅價值觀同埋性格都唔同
而父母價值觀同性格唔同 就會影響住父母教育子女嘅方式 which is 影響住一個小朋友嘅性格同埋價值觀
做唔到彼此理解 甚至普通傾偈都會因為唔夾而覺得尷尬
所以係幾難做到frd
但ks 即使有啲人 家境同埋父母教育方式同自己差唔多
兩個人之間都可以喺存在着好唔同嘅價值觀
可能可以做到frd
但好難做到好close 嘅friend
好似相處嘅時候 好多嘢都要就住就住 小心翼翼咁樣 相處唔係最舒服嗰種

(兩方面我都經歷過🫠)
90年代中後期讀小一，聖誕新年假後返學，老師逐個問放假時做過咩，我當時答「同爸爸媽媽去日本」跟住就被全班同學杯葛...
#利申 #絕不是有錢人 #自問連中產都稱不上
事實黎, 有時我俾啲好現實嘅建議人, 啲人覺得我曬命
小學雞年代放暑假同啲同學約好輪流去對方屋企玩，咁頭嗰幾個都係普通居屋同村屋，或者係小康私樓屋企，嗰陣我第一次意識到自己屋企原來係比較細同舊，但係又無好特別唔開心，直到某一次輪到去一個男仔同學屋企。
個男仔話約埋喺地鐵站附近等跟住一齊坐車去佢屋企，初初以為係一齊坐小巴，但點知原來係佢司機嚟接我哋，嗰次係我人生第一次坐私家車，（到而家都記得架車好香，張櫈又唔會好似小巴咁黐肉）
去到佢屋企樓下發現原來都要等𨋢，都安心啲，但係點建一出𨋢就係佢屋企？啲冷氣又好舒服，工人姐姐又好好人，而且唔止洗手間、連私人花園都可以加s？嗰日我全日都好confuse，原來個同學喺屋企個名會變咗叫做少爺，而且都完全唔知點面對下次就輪到去我，要屋企點先說服老母批准我哋開風扇
當年請過個大袋食雞蛋仔
佢話做咗22年人從未試過
條柒頭仲停唔到手自己畀錢添多兩底😧
對佢嚟講，喺街邊咁食放縱餐已經好壞😧😧😧
如果我係鳩吹，依世冇得食黑蒜油出前一丁🙂↕️
我以前有個中學同學，女仔黎好friend不過佢屋企住垃圾埸，之後鐵皮屋，我冇歧視佢，不過我覺得去佢屋企吾太方便
年輕時有好朋友，家境好差，但佢都幾樂觀，冇自怨自艾，我哋兩人得相處好好。我哋嘅朋友圈，都係起碼中產，呢位朋友，好少出席我哋大型飯局。佢話唔關自卑嘅事，而係好難加入conversation。大家講吃喝玩樂，講到興高采烈，但佢從來未去過，只可以坐喺到聽，覺得太悶而已。
家教同性格問題，有啲人本身係妒忌心態，無論睇到咩都會覺得人地係踩緊自己，愈係自卑仲要妒忌嘅人愈係無用。
我連買牙簽都比人話浪費，去快餐店拎就得🤦點解要買？！
有得拎，點解要買？
有得偷，點解去拎？
有得搶，點解要偷？
小學2年班有同學死都唔肯同我講佢屋企地址喺邊，初初以為佢只係同我唔熟
後尾佢同我講地址只肯係我耳仔邊細細聲講，原來佢屋企人叫佢唔好周圍講佢住邊驚佢俾人綁架。佢個時好似住半山干德道
咁其實智商/眼界/社交圈子/心地/政治立場etc差太遠，一樣都會有呢個問題。
諗起好多年前有個舊同事 當時大家都係得3萬蚊人工前後 有日放工見到有司機接佢 我哋喺度笑話 佢司機嘅人工會唔會仲高過佢😂😂😂
之前中學每次長假期返香港搭飛機，同學同我同機問我係唔係搭econ, 我話係
佢：太好啦第一次搭econ我好驚呀😩
我： 🫤（驚咩…..）
我自己經歷嘅，反而係長大咗之後由於學歷同埋自己嘅經歷增廣改善家境之後，同身邊嘅朋友嘅距離越嚟越大，最後造成咗好多價值觀念，或者係普通嘅做人處事模式上都唔一樣。
有時唔係你選擇離開自己嘅朋友，而係佢哋選擇離開你
識人係咁，佢細個屋企好窮，就算大咗都係自卑，其他fds冇做啲咩，佢都覺得人哋睇佢唔起，周圍講人壞話
同意 成年之後家景差太遠的朋友真的很難維繫
但係我自己有遇過幾個另類原因 背景差距很遠也能保持友誼的好友
如果成為好友的契機是共同愛好 反而變成互相無視背景差距的突破口
因為相處都在談論愛好 最無錢嗰個買得仲癲過做老闆嗰個朋友 養寵物 做模型 現在已經不流行的mmo遊戲(好似Overlord咁)
好有同感
本以為普通正常生活，但係同事眼中我係離地。盡量唔講唔提，保持距離，或許係彼此間嘅尊重。
當你見識到有人原來覺得uniqlo都貴，要返大陸買劣質衫
明知係A貨都貪平照買，收到貨之後又難以接受咁劣質
妒忌親戚擁有自己想要既生活
仲有好多個人及家庭爛事
你會開始接受唔到呢個係自己朋友
仲指責人睇佢唔起
但其實做過啲乜野令人睇得起呢
真係得啖笑
真，其實講到尾就係唔同expectation. 香港人忙，好多時一個朋友可能一年見真係兩三次，有次搵左個朋友食飯，係間打邊爐既地方，枱仔細細，大家覺得坐得唔舒服。之後果次就搵間靚靚地既西餐廳，靜靜地食野傾計好過。一年見得果幾次，都唔會差在果三幾百一餐啦，最緊要大家坐得舒服。
你話以前讀書，無錢使就話下下限住食一兩百啫