濕氣重嘅人，3個地方最容易臭到自己都頂唔順！
唔一定係你唔乾淨，
好多時係濕氣困住、濕熱積住，個身體自己喺度發信號
① 口氣重
唔係單純刷牙刷唔乾淨，
好多時係脾胃濕滯、食滯化熱，啲濁氣上泛，口氣自然重
通常仲會見到：口黏、肚脹、胃口差、大便黏廁所
② 腳臭重
明明日日沖涼換襪，對腳都仲係好大味
中醫會睇做濕氣下注，再夾埋汗出得多，焗住焗住就特別易有味
通常仲會伴住：下半身重、小便黃、大便唔爽、成個人攰
③ 頭油味重
朝早先洗完頭，夜晚已經油塌曬，仲有陣頭油味
呢種好多時唔止係油，
係濕熱上蒸到頭面，頭皮長期焗住，油脂分泌亂曬
通常仲會有：頭皮痕、頭屑多、額頭出油、成日覺得個頭焗
所以調理重點唔係狂噴香水、狂洗、狂用清潔力好勁嘅產品
而係要健脾化濕、清利濕熱，先將入面嗰股濕濁慢慢帶走🌿
好多時真係唔係你邋遢，係你個身體濕到開始出味⚠️