📌 無啦啦比男朋友老母鬧
共 59 條紀錄
無啦啦比男朋友老母鬧到狗血淋頭
咁大個女都真係第一次
返返下工佢無啦啦打黎
我以為有咩事咁我都聽左先
一黎當頭劈
「xxx（我個名），我個仔俾你搞到變曬」
「日日係度講電話 搞到佢夜訓」
「清明去大陸 佢為左返工(夜晚約你)搞到要第二日返黎」
「都係你搞到佢要提早返黎」
「你點解搶走我個仔？」
「你做TA算得啲乜？我個仔最辛苦」
「你日日霸佔佢全部星期六日(佢加班 我地冇見)」
「我真係睇錯左你，你都唔係啲乜野好野
解釋曬全部野 佢依然話
「總之就係你」
「係你搞到我個仔變曬」
「我唔想再同你呢啲咁既閪人講野」
之後cut我線
……
反正就係一直講一直被還擊
完全無理取鬧
依家都係心upup
我唔理解點解要將呢度氣發洩落我度
我都有屋企人錫 都係得一粒女
到底你憑乜野鬧我？
你係我邊個？
真係好委屈 我直接係公司喊到開水龍頭
唯一我知道既係
我需要盡快同我男朋友搬出去住
遠離呢個地獄Auntie
（男朋友對我好好 好錫我
所以比起因為呢啲家庭問題而放棄呢段關係
我會揀帶佢一齊走）
冇琳過咁多人睇到
但想講佢老母係一直都係咁
我地每日講電話老母已經係度嘈佢
嘈到我每次都聽到
我地會一齊食飯
然後就係係我面前不停講我男朋友
話佢唔上進 話佢掛住拍拖
係我前面佢都照咁講
佢個人怪怪地
平時我男朋友都會自動做家務
唔係乜都係佢老母做曬
就我所知佢絕對唔係一個媽寶
平時佢地都唔會text
只係得佢老母自己單機
佢妹對老母仲惡仲串 但去左大陸讀書發展
所以佢老母唯有將全部脾氣發洩落我男朋友
我地一齊一段時間 唔止見面一次
反正每次都係係我前面講我男朋友
講電話又係咁 真實都係咁
連生日食飯都係咁
所以其實只能說佢老母就係咁既人
尋日打俾佢同佢講
佢都氹咗我成日
仲即刻打去屌返佢老母
我同佢都有達成共識
就係我哋做乜嘢其實同老母冇關係
都唔關佢哋事 唔到佢地管
我地屋企其實都麻麻
不過因為都廿幾歲人
所以大家都plan之後一齊搬出去住
我屋企既唔好同佢都各有千秋
但佢都冇選擇分手 而係想同我一齊走
That‘s why我都決定咁選擇吧
🥲🥲🥲🥲🥲
Anyway都多謝大家既意見
我明白呢啲係真係好難搞
搬出去一定唔會講exactly係邊度住🙏🏼
起碼會有一定自由
祝你同男朋友一輩子手拖手跨過所有難關
（順手推歌同祝福😁）
期待共你以後一雙手
一輩子再繼續走
但求為了你絕不退後
若迷失 有我解開魔咒
⼈生很多關⼝
⼀抱住 再不顫抖
開一個宇宙 從此快樂漫遊
來日願每次遞起左⼿
可以碰到你右⼿
但求 遇上了什麼錯漏
亦能 一帶笑 不必深究
從今起 手拖⼿
走遠路 也不放⼿
人海中有理由 無悔在每天 努力奮鬥
https://youtu.be/xOOsXgIDrgo?si=ObKzJuPvgbX4depd
見大家叫樓主分手 我覺得個男友好無辜
唔通有個咁嘅老母 自己就唔配有幸福要等個老母死咗先可以拍拖咩?
因為我都有個每日情緒勒索我嘅老母 但係我老母冇咁嚴重 唔會直接搵我男友 淨係會話我
呢啲老母唔會聽人講野 佢覺得係就係
大家可能怪個男友冇同個老母好好溝通 但事實係溝通唔到呀!
除咗斷絕來往仲可以點?
我都好無助 又想做孝女 又唔想委屈自己...
有冇諗過呢位Auntie點解可以咁有恃無恐？點解佢有你電話？點解佢明知個仔有機會高興都可以直接打去咁鬧你？
因為佢心知個仔無佢辦法呀，如果你男朋友係發生完咁既事之後係同你講「我媽係咁，我都無佢辦法」，我勸你睇路，佢只會由佢阿媽繼續騷擾你同要求另一半包容佢媽，留意返，另一半唔止係講你，係範指將來會同佢一齊既人
Errrrr我只可以話俾你聽，我過來人嘅經驗就係他人，如果你屌鳩佢老母，佢第一下一定會企喺佢老母嗰邊
一係就講到自己好撚身不由己咁樣，始終嗰個係阿媽
當年對方同我講嘅金句就係「我激嬲你，我可以氹返你，但係激嬲我阿媽就好麻煩」
我表妹真人真事，佢個男朋友啊媽話佢哋搬出去就跳樓…🙂↔️
通常佢講得出呢啲嘢
你男朋友喺阿媽面前都係搵你做擋箭牌
: 阿仔啊，星期日晚食飯喎
: 唔得呀女朋友話要搵我呀
然後實際就係好似你咁講佢加班
我推論成個故事嘅背後起因
然後你話佢對你好好
只能夠講佢真係好好戲
條仔係咪同你一樣諗法先？
認同有需要大程度脫離原生家庭
先可以建立到屬於你哋嘅家
下次佢媽媽再打嚟鬧你。你記得錄音比男朋友聽返佢媽媽係咩語氣
然後就知道你男朋友究竟要唔要得過
唔好呀女😂
過來人同你講，呢種家庭要盡快放棄，呢種人一旦成為你奶奶，你係永遠唔會有好日子過
「對你好」呢件事連工人姐姐都可以做到，唔應該成為你忍耐呢啲垃圾人嘅理由
你都係你父母嘅寶貝🫶🏻❤️
我個ex嘅媽媽跳樓逼我哋分手🫣
我ex叫我忍吓，我果斷分手🥹
好唔捨得，我同佢都喊咗好耐…但無辦法
有時要對自己好啲，唔好受呢啲委屈
唔好咁天真啦
就算你男朋友同你搬出去住
佢老母咁黐線 肯定會有一啲好激嘅行為
你男朋友頭幾次可能會幫你
但呢啲事情發生多幾次 佢就會覺得煩架啦
到時都係會影響你哋感情
過來人身份 勸走一個得一個
我係比個ex老豆老母一齊鬧我八婆同仆街
一開頭同你一樣 話我帶壞咗佢個仔
真係只能說男方肯定絕對唔係無辜
佢哋心目中嘅乖仔可能只係「呃」出嚟
瞞住好多野冇講先做到呢個乖乖仔形象
希望你醒到 當初我戀愛腦同屋企人嗌交
又係同你一樣覺得嗰個男仔好錫我
但你試吓抽離 用旁觀者身份睇
可能佢對你真係唔止口頭上或者物質上嘅愛
但單單以事論事 呢壇嘢絕對係男仔出嚟帶你走
而唔應該係倒返轉係你諗要帶佢走
你仲想同佢搬出去住😶
咁你要有心理準備，佢呀媽咁癲，即使佢呢一刻企係你個邊，幫得你一次兩次，即使知道問題係佢呀媽到，第十次佢開始覺得煩，就會想你妥協，委屈你換佢一絲清淨
呢啲case10個有9個都係咁，希望你地係第10個啦
快啲止蝕啦，你條仔係你背後一定講埋做埋啲戇鳩嘢打你毒針，佢未必有心，但係佢冇用心用腦去幫你做好個人設，佢冇能力保護你
擺到明就係唔撚想做嘅嘢，乜鳩條乜撚柒嘢都屈鳩晒落條女度
每一段惡劣嘅婆媳關係背後都係因為一個無能嘅老公。
將條臍帶由一個插頭，插去另一個插頭，算唔算係一種無縫接軌？
男既識諗
自然會跟你走
呢個原生老母唔得
隨時係要個仔50-60歲
都要跟住佢果啲亞洲老母
孝順唔係咁
希望你條仔識諗🙏🏽
如果個阿媽對自己個仔咁執著
好大程度上係因為個仔縱容出來……
見到樓主話要帶走男朋友，我已經可以預見跟住落嚟個老母嬲到癲咗，日日發爛渣鬧樓主賤人，拐帶佢個仔，搞到個仔有家不歸。
跟住如果樓主唔同男朋友結婚，或者中途感情突變，個男仔就可以賴樓主：我為咗你眾叛親離，你居然咁對我？！
或者以此要脅樓主喺唔同事情上妥協，例如生仔問題、買樓問題等等
如果分手不愉快，可能樓主隨時變下一個社會頭條都唔定
祝福樓主遇到red flag就睇定啲，唔好俾男色迷惑
阿女，你都有爸爸媽媽，你係父母嘅寶貝女，佢地嘅掌上明珠！如果佢地知道你俾男方媽媽咁話，佢地會好傷心好傷心。你男朋友有冇企你嗰邊正面對抗佢呀媽叫佢尊重你？如果冇，就唔好諗住帶埋男朋友離開佢呀媽，你唔係、亦唔需要做英雄；就算佢呢一刻幫你講說話，同你一齊走，將來佢媽有咩事，佢第一個就會怪落你度 。感情係兩個人嘅事，婚姻係兩家人嘅事，未結婚就知唔夾都係一件好事黎嘅，免卻日後麻煩，任何情況下，都唔好、唔準、唔可以委屈自己
睇留言發現好恐怖😱 原來香港咁多「當個仔係老公」的癲線婆
最癲既係, 受阿媽控制的「媽寶/裙腳仔」一樣唔少!!!
唔一定要即刻搬出嚟，又唔一定要分手，但你男朋友一定要有擔當，願意帶著你同佢老母好好地講，1. 唔係你帶壞佢個仔，係你男朋友願意跟你去組織新生活；2. 請佢老母以後唔好喺你工作時搵你騷擾你。
如果佢肯為你去同佢老母溝通，咁就值得繼續一齊了。
記住你無得改變其他人，只可以盡量溝通，溝通唔到就不要勉強。含淚說再見，長痛不如短痛是必須的。
我有朋友都有個黐撚線老母，但佢會帶同佢女朋友（依家係老婆）一齊屌尻佢老母，叫佢唔好發癲。
我做人亞媽，如果亞仔拍拖，我一定會對個女仔好好（我恨有個女），同埋吾會同仔新抱同住（會住附近）
聽我講一句 果斷放手啦！
我以前都試過你呢啲情況
俾人單單打打 俾啲說話我聽 個仔冇出過一句聲
嗰時我仲年少無知 冇即刻反張枱
不過過咗一個禮拜 我一句嘢都冇講 出面租個單位
執晒啲嘢走咗
太一廂情願的諗法。
首先你要確認到你個排位高d先有戲唱。
妹妹，唔好戀愛腦，老母冇得換但老婆可以無限換，自己諗吓啦～
分手，如果之後你同你個男朋友結婚，冇得避，呢個世上好多仔，放生佢同佢老母一齊
如果你男朋友係裙腳仔就盡快分手
呢啲就係傳說中嘅控制狂父母
千祈咪撚上身 會搞到自己情緒
呢啲人都癲嘅嘢早走早著
但睇完內文你男友係正常嘅
「你點解搶走我個仔?」
「你做TA算得啲乜?我個仔最辛苦」
真心 講得呢啲 分手算了
To佢老母:個仔咁寶貝，鎖住佢吖嘛
To你條仔:好好做個媽寶
保護自己女朋友都做唔到，做乜要拍拖？
🙃🙃🙃好痴線，唔知講咩好，千祈唔好同住，無咩大時大節都唔好見…..婚都未結，就算結左都唔可以咁鬧
睇睇吓啲留言發覺佢哋講得啱
可能係平時佢唔返屋企嘅理由就賴咗落你度
所以令到佢阿媽覺得佢個仔唔聽佢指令係因為你
係要鬧返佢，唔洗俾面，唔洗解釋，你越縮佢就會越鬧得勁，你大大力吊返佢轉頭就仲有一線希望，唔鬧佢由得佢鬧你就永遠都被佢洽死
呢場戰鬥係你嘅人生課堂，趁後生學下試下。
呢個世界唔係老就大曬，更加唔係所有人都值得被專重。
呢件事就要睇你男朋友做化啦
婆媳糾紛自古都非常難處理 尤其呢type當咗自己個仔係老公既
你就算搬出去，佢老母都一定有你屋企鎖匙🤷♀️
睇路呀～sis
p.s.如果唔係佢點會有你電話打嚟插爆你