📌 無養過狗唔知大多數
共 44 條紀錄
無養過狗
唔知大多數主人其實鍾唔鍾意自己嘅狗狗俾人摸
話說早兩日喺𨋢口撞到隔離屋放狗
隻狗勁得意係咁望實我同跟住我
不嬲assume主人未必鍾意啲人立亂摸自己隻狗嘅我淨係笑住同佢揮手say hi
之後鄰居同佢隻狗講咗句：「返屋企啦，姐姐唔摸你呀。」
好驚佢誤會我唔鍾意佢隻狗 我就順勢摸咗幾下😹（開心）
不過嗰下太社恐
我諗下次可以問聲摸唔摸得跟手摸？😹
你講得好啱，我都唔鍾意人哋摸我隻狗！最好摸之前先問一問主人
完全理解呀 就好似啲爸爸媽媽唔會鍾意自己小朋友俾陌生人摸咁
你一定要問，我屋企隻博美見陌生人摸佢佢就想咬人😂，所以一定要問，係自保
其實你肯問，主人ok可以，就比個手背佢聞下，佢無退縮無露牙或者舔你手就可以試下摸
問！！！
真係睇隻狗本身
我自己隻狗好i ，唔好話摸，同佢講嘢都唔得
但我出街勁鐘意撩人地啲狗😂
問左主人摸得就狂摸😂😂😂😛
我諗我可以同你隻狗相處到🥹一樣咁i😹
有時遇到狗仔太e我會stone咗😹
唔係唔鍾意但唔知點回應😹
如果喺電梯入面, 就唔好亂咁摸,空間細會有影響佢哋情緒, 同埋唔好隻手擺喺前面, 另外主人抱住嘅狗仔都唔可以亂摸；其他地方就最好等隻狗主動去你腳邊, 咁都可以摸下個背脊；當然啦有啲狗仔好定好乖嘅, 主人同意就可以摸.
當然啦, 每隻狗性格都唔同, 如果你冇養狗但係又有興趣, 可以搵啲關於狗仔嘅書睇下, 學下點樣觀察啲狗仔
那位狗主不是畀說話你聽或覺得你唔鍾意佢隻狗.我覺得當時係佢見佢隻狗對你好有興趣,而狗係鍾意畀佢鍾意嘅人摸㗎,佢純粹係同佢隻狗講不要討摸啫.你下次見到佢想摸佢嘅話可以問主人可唔可以摸。
作為狗主人，我唔介意人哋摸我隻狗，但最好同我講聲先,我會定住隻狗畀個最佳及最安全位置畀佢摸.好多人行過見我隻狗就直接新手摸佢，呢個突如期來嘅舉動會嚇親隻狗
正常狗主都唔會介意人禮貌地問摸唔摸得隻狗
當然有啲狗有行為問題真係唔摸得
其實你有禮貌咁樣問嘅話好多都會俾你摸❤️❤️不過呢個主人有啲奇怪，會聽到人哋有少少唔開心嘅感覺。我通常如果見到人哋貌似驚，淨係企埋一邊打招呼嘅話，而我隻狗仔又好興奮，我會打完招呼，再同我隻狗仔講話冷靜啲唔好嚇親人，而唔係話邊個唔想摸佢，搞到好似俾說話人聽咁😂
又或者如果嗰個人個樣係好想摸佢嘅話，我都會主動問🤤
有啲人係別人同佢隻狗say hello 都唔alright, 放狗係抱狗多過俾隻狗行，美其名係驚自己隻狗咬人/狗，其實好多時都係睇主人性格啫。
我覺得你會諗個主人鐘唔鐘意人哋摸自己隻狗呢樣嘢好有邊界感超級好
我就通常會問咗個主人摸唔摸得先，試過有主人拖住兩隻狗，我問佢嗰陣佢答我話其中一隻狗嚟緊M唔方便摸，另一隻可以隨便摸😂
問主任同睇隻狗本身
我好想多d人摸我隻狗 等佢無咁驚人
但佢有時會避開
最好嘅做法係，慢慢走近，然後問「我可以摸你隻狗嗎？」或者「佢叫咩名呀？男仔定女仔？」試下拉近個距離，同埋比隻狗知道你同佢主人正常溝通緊然後先問「我可以摸佢嗎？」如果狗狗緊張，可以先比佢牠聞聞你手。我有養狗，覺得無養狗嘅人都值得同狗有多啲接觸！
其實禮貌性的開口問聲應該都可以，只是之前我遇過一位超級熱情的路人，問了問我可不可以摸，我同意了，結果那位路人摸上癮還直接又親又抱還貼臉😅
🙈我唔知其他人咩諗法 我果隻柴好有性格 鐘意去撩人 但人地撩佢佢又無感 不過佢唔會攻擊人 所以有人摸我隻狗我會好歡迎 只要你唔好嫌棄佢臭又多口水
無錯，開口問是最好亦最禮貌的方法。我見到最差的人是當我say no時，佢仲話“邊有人咁養狗，一定要俾狗social,”但你永遠唔知個context,包括果日狗既行為表現及情緒，training嘅階段。唔好成日assume太多嘢已經係最有教養嘅表現。
你可以問下主人先，因為有時有啲主人又或者狗都未必咁鐘意人摸，不過我隻狗就勁E會主動走去人腳邊示意人摸佢😂
我係主人，不過鍾唔鍾意比人摸我會交返比隻狗做決定，當然大前題下我會觀察同控制住我隻狗仔幾唔鍾意都唔會有攻擊性行為，我見過頂多只係頭也不回行走咗。
問係最好既方法
因為每隻狗同主人性格都唔一樣～
例如我隻狗係超級e(對人) 經常性見人就衝
所以我慣性拉住 驚佢嚇親人🥹🥹
但如果想（禮貌地）摸既話係ok的！！
我都會咁同我隻狗講，因為佢只要同人有眼神交流到就好興奮，我擔心佢會撲人整親人😂
完全明白😂
我養狗，其實問主人摸唔摸得最穩陣
但都遇過唔少狗主係唔想隻狗俾人摸
經過有隻貴婦狗撲嚟聞我
俾手背佢聞就吠我
主人：佢係咁㗎，自己搞人就得 人哋搞佢就唔得
💔💔💔
摸之前問一問會好啲，因為好多唔同情況都有機會發生，例如有啲狗望落好得意，但可能你一伸手會咬你，加上近日亦有摸狗碰瓷黨響狗公園搵食，所以問問會少啲誤會
其實好多時我都好友善好有笑容咁望住狗狗，因為好鐘意狗狗，也養過，有時會指俾男朋友睇，話好可愛，個主人應該聽到，但多數我都收到個主人黑面。。。。以後我都行過就算。。。
問下就好☺️如果狗狗性格冇問題，主人一般都唔介意😇
唔係太熱情/動作太大既我都好welcome.有時係怕隻仔嚇一嚇 唔小心整到人 佢又嚇親就唔好啦
正常狗黎講都會鐘意你摸 想你摸下佢
而你想摸就正常都問一句先咁