📌 焦慮症真係好慘，唔知
共 44 條紀錄
焦慮症真係好慘，唔知自己緊張啲咩，但就係係咁緊張，知道自己緊張咩既野，明明叫自己放鬆啲唔好緊張，但都係冇辦法又係會緊張，成日都緊張到個人好唔舒服，真係好痛苦。。
7年前經歷過，搞咗好耐先至知係焦慮症，睇到個啱嘅醫生，食藥慢慢好轉。
明！我係由細焦到大！無睇醫生，無食藥。我而家將擔心嘅事情推到去最盡，諗到事情最盡個結果都無乜大不了啫，然後就去說服自己唔好再擔心。咁囉。另外，自從我有一半時間唔喺香港住，第二個地方生活節奏好慢，地鐵出閘後面啲人又唔會jip 我，的士落車慢慢摷錢又唔怕畀後面砵，呢啲日常小小嘢夾夾埋，真係會令人無咁焦慮。
我驚自己會驚，然後就好胃痛/肚痛⋯⋯
一到重要場合/日子，我好驚自己會緊張到唔舒服，然後我就會唔舒服
我明，真係好痛苦
我個醫生話唔好覺得食藥係唔好
當食左藥既時候 你就會冇咁焦慮 你自自然然就會提到自己要放鬆
我食左藥之後 真係覺得有用 雖然冇得唔食 但我覺得情緒穩定左當贏咗
🫂記住唔好責怪自己 唔係你嘅問題
搵專業人士求助食藥 隨住時間過去
一切慢慢會好起來的
我以前都係咁 不過用咗營養 食咗supplement之後 依家已經改善咗好多
我每日都係咁，上年開始出現panic attack，影響到我日常生活先開始去睇醫生，醫生話我個性格好難改，我都唔知可以點算
睇醫生食藥啦，我阿媽退休後50歲確診焦慮症，食咗藥好返好多啦！
醫生話佢後生掛住搵錢，乜都頂硬上，退休之後就發作。幸好有藥食而家70了！
過來人，完全明白，食咗藥有好大改善，已經食咗4年…
好明。。。不過我係打死唔食藥，自己搵方法，你試下得唔得啦，每日食高量B+C，兩格純黑朱古力，上網揾原始點，叫屋企人幫你㩒背脊既氣管，肺，脾胃既穴位，飲多d脾胃，舒肝既湯水，寧神湯水，再每日做呼吸練習，唔好迫自己放鬆，因為情緒會影響健康，係一個惡性循環，調理身體會慢慢放鬆，同d情緒穩定，講野慢慢講既人傾下計，食清淡下一排，作息定時，慢慢會好d既，少食刺激性食物，最後。。。。一定要不斷揾番自己。。。。祝你早日康復。。。
we provide counseling service !
我都係，嘆氣同透大氣透到條氣管好痛。試下搵其他野分散下自己注意力，我覺得咁好少少。加油！🫂
見（有經驗的）counsellor 會幫到你。 用新的經驗replace舊的經驗，從新教返你既身體。焦慮是你的身心都想保護你，但你先係佢地既主人，你可以教佢地點做先幫到你。
啱啱經歷過，而家算康復咗
所以明白你，加油！
先搵原因，搵到嘗試睇吓可唔可以解決個源頭吧
🫂you are not alone
我分享下我嘅方法俾你，睇下你work唔work
我自己會list低自己憂鬱或焦慮嘅時候可以做嘅事，例如我自己有養貓貓，我會翻開我貓貓嘅相簿，等自己放鬆返先
或有時間自己會去泳水，因為喺水入面好靜，自己嘅心都會跟住靜落嚟
你可以回憶下自己做啲咩個人會放鬆，只要唔喺傷害自己同他人嘅事，you can do anything🤗
如果當下環境唔容許去做你嘅放鬆事，咁試下做 ‘盒子呼吸法’ （你可以上網search下），佢嘅呼吸步驟大概喺先 ‘用4秒吸，屏氣4秒，用6秒呼岀，用4秒停低，再重覆步驟’，建議做15分鐘左右，做到自己放鬆為止
每當自己一焦慮就做呼吸法，習慣做睇下幫唔幫到自己
最後，如果情況連自己都頂唔順，記得尋求搵專業人士協助，因為可以幫到你嘅就只有專業人士同自己
試下盡情感受自己既緊張，唔好排斥佢，都唔需要強迫自己放鬆。緊張感覺出現時，welcome 佢，慢⋯慢⋯感⋯受身體既反應。原來佢會慢慢失去力量⋯
緊張係保護你免於危險既機制，不過佢太錫你，有時會過分保護，做多左。試下接受自己既緊張，緊張唔係你既敵人黎架。某一刻你會發現，接受左之後，「佢」會慢慢冇咁緊張。
From 一個以前連續10年都不時緊張到會panic attack 既人，已康復99%😊
好明白 我以前都試過焦慮到會panic attack 講唔到嘢 呼吸困難😢 之後發現睇唔同嘅書 令自己可以識多啲嘢 / 平靜耐啲 之後慢慢就好好多。
而家焦慮情況時不時都仲會搵我 我就同自己講焦慮又嚟啦 可能好多野都未必做得咁好 但盡咗力就ok
真係要慢慢同自己傾吓計去等自己身心學習放鬆 過程可能會反反覆覆 但總會搵到一個舒服嘅方法同佢共處🫂
之前工作上做得唔好，我自己要承擔一半責任。雖然吾係全部責任係我度。
但由內疚到變成焦慮，日日擔驚受怕
好對吾住份工
係，好驚，但唔知驚乜，又控制唔到自己唔好驚，只可以不停搵啲嘢分散注意力同自己講好安全。吸氣個啲呼吸法對我冇用。
我都係，有啲嘢明明諗過都唔係自己嘅問題，但係就忍唔住好緊張，緊張到夜晚扎醒嘅時候個心好似跳得好快，有次直頭心悸以為心臟病去左睇心臟科。
明明係人哋婚禮又唔係我結婚😹
份工要上台表演最後一路胃痛咗兩個鐘🤷🏻♀️
睇醫生食啱藥會有改善🫂
我試過逼自己放鬆但只會更焦慮繃緊，反而搵到周邊可以令自己舒緩嘅人事物聲音等，就開始有幫助，加油。
我又係一焦慮就會做好多損害身體健康嘅嘢 我係體重焦慮🫠
辛苦之餘，仲要冇人明
但係我明！我都食咗藥3-4年，雖然食咗藥真係好好多
但有陣時都會俾人哋容易緊張