📌 煩惱一問，本人50+
共 47 條紀錄
煩惱一問，本人50+，公司改組，本來會俾人layoff，但公司夾硬搵返個位嚟請住我，個位要一年一年咁續，我本來打算提早退休，而家十五十六，究竟接受個Offer，定係叫佢俾個肥雞餐我呢？
本身長工轉contract 等於解僱，肥雞照食，請唔請返你contract 再算。
1) 自己計數，覺得夠就唔好做
2) 夠唔夠係一個好玄嘅算術(千祈唔好用現在生活水平去計）
3）公司layoff得你，恩情已絕(千祈唔好再感情用事)，任何offer都要舐到盡所有好處(例如:人工比以前高，更貼近你嘅價值，要有gratuity 等等)，呢個時候唔趁仲有利用價值叫到盡(公司炒完人，根本就唔夠人做嘢)，以後就冇機會(到補足番平價人力資源)
有冇計下退休金公積金及長期服務金先？變每年續約會吾會少咗？
冇小到，僱傭合約冇變，但只係每年都有機會被layoff。
咩工都可以隨時被抄。不過有肥雞餐我會食咗先。公司真係需要你嘅，之後一樣可以part-time請返你
你唔撚識就收聲，取消係針對25年以後，以前既係一樣
五十頭定尾？
計好數未？
真係冇打工收入，生活+消閒娛樂開支有冇大改變？
我50頭公司執，順便退休了 …. 退休前養開2老貓，老貓走後，只養1新貓，因為要預貓貓日後醫療洗費，但我嘅生活依然要有貓伴…
如果提早退休對慣常生活質數有影響，就要繼續搵$…
50歲好年輕，我贊成繼續做，外面環境好差，做新不如做熟，同事特性全部清楚晒。
如果做, 舊contract 有無得賠long service 俾你？ 會唔會對沖mpf?
你唔做呢間公司，出面揾唔揾到類似part time?
睇吓肥雞餐有幾多錢先＇如果成筆錢放喺低風險收息股票＇計下每個月收倒幾多錢＇先比較下＇如果每月都有收入可以頂住大部份開支＇其實唔駛打工受氣，因為合約員工更無保障＇可以即炒
50+，貿貿然走制唔過
既然公司肯留你，咪逐年續約囉
如果你家底足夠讓你晚年生活安穩
想做就當係過日辰
唔想做就同公司拜拜
等炒，會有遣散或拎長期服務金。仲有依家取消MPF 對沖，咁就越遲比人炒越好，冇得對沖嗰部份就越嚟越多㗎啦，本人喺公司負責處理MPF 的
抄得你再請番一年一年咁renew contract, 通常都唔會last 好耐,一年? 兩年? 比較番肥雞餐個package, 即係幾多年年薪? 我會咁考慮..
1️⃣如果你經濟能力許可，
同佢bargain，
先攞肥雞餐，正式layoff
再以contract形式請你，一年一年咁續
首先，佢要留你一定係你有價值，
不妨同佢講條件
2️⃣如果經濟能力稍遜
留低做contract亦無不可
唔知你乜post
不過出面揾工兵荒馬亂，
做生不如做熟。
3️⃣總結：好明顯你公司唔想俾肥雞餐
但又想你留低，
所以要以你自己意願為最優先。
你自己都打算退休就梗係睇下有冇得食肥雞餐先啦，有就食咗佢休息一下，做啲自己想做嘅事，到之後想做返嘢咪慢慢搵或者到時做下 Part time 囉！
不要自己辭職接受新職位。
公司“先”賠錢， 其他之後再説。
否則，萬一你一做新崗位，下個月炒你，你什麼也沒有....
睇你仲要返幾耐工同資金需要。如果你本身預起碼有十年工，好似有份工揸手，騎牛搵馬嘅議價能力點都好過無。如果你本身已經資金豐厚，隻雞盡肥就好。
50+退休，夠退休金嗎？會否繼續找工作？如果要找工作，就繼續做吧。一路做一路找。
轉咗合約制下年一個唔該唔續約，咪即係慳返俾你嘅肥鷄囉
食肥雞 一年一年簽 , 你handover 晒d 野就會唔簽你 變相一年貨仔
辭職係唔會有長期服務金，或者老細想你自己辭職，唔洗賠。
你要問下 咁樣轉仲有冇長期服務同退休金果d 喎 如果帶哂就逼佢炒你啦
有更好選擇就肥雞啦，如果無乜方向，就續住先囉，睇你有冇條件
咁你係普通mpf，定咗好耐有orso, 或肥雞公司有額外補？三種情況都有唔同嘅補償。