琴晚我唔肯食藥，同我阿媽炒大鑊
佢就用送我入院嚟威脅我
差啲俾佢call白車
我爸爸就執埋「走佬袋」
跟住我俾佢夾硬塞咗啲藥落去口度，最後吞咗，跟住冇call白車
原來我都係鬥唔過我阿媽......
首先， 情緒病最忌自己停藥。 有時唔係你覺得有無用， 係你接唔接受自己病要食藥先? 就算傷風感冒都無可能一句覺得無用就自己斷藥喇。
病咗就要食藥㗎啦⋯⋯
精神科藥要食起碼一個月先至慢慢見效㗎⋯⋯
未搵到隻啱你隻藥唧，記得同醫生講，再試🙌🏻💪🏻 希望你都可以穩定下來同好返。 🫂🫂
如果你屋企人唔在乎你，理得你食唔食藥都好
或者你食咗藥真係冇好轉，可能唔食仲差啲，覆診時同醫生清楚表達狀況，先可以對症下藥
朋友，你要記住，你唔係醫生，你冇任何專業資格幫自己做任何停藥嘅行為，醫生開得藥俾你，佢係用緊自己嘅專業去治療幫助你，甚至乎佢見證過嘅病人同病例多過你。
如果你真係咁犀利，你認為你嘅知識專業過醫生，咁你應該將你嘅理論話俾醫生聽，而唔係擅自停藥，由醫生同你商量呢個病究竟點樣治療，都係嗰句嗰，人哋醫生開得隻藥俾你食，就一定有佢嘅原因同埋都係治療嘅過程一部份。
仲有，食藥唔係食仙丹，一食就可以好返，係一個長久嘅觀察同埋治療去控制你嘅藥物。
你既然炒得大鑊，即係你嘅問題其實都幾嚴重，絕對唔建議你因為話所謂的無效果就停藥。
請相信醫生開得藥俾你食，一定有佢嘅原因。有啲藥唔一定會即時覺得有用，甚至可能要等成幾星期先慢慢起效。如果呢刻覺得冇用，好想唔食，可以試下想像佢係一粒維他命丸咁，一啖吞咗落肚，習慣呢個過程就冇嘢㗎啦。
情緒病其實係一個長期病，未必好快醫得好，甚至短期內未必見到啲咩成果，但無論藥又好，康復進度都好，最緊要係慢慢嚟，唔洗強逼自己即刻好番㗎。
呢個病一定會好難捱，亦好難接受長期食藥。但只要接受到食藥唔係啲咩可怕嘅事，反而只係好似食飯飲水咁正常，咁已經係邁進咗一大步㗎啦。加油
睇你3月廿幾個po，我之前原來同你依家食嘅藥一模一樣，我依家就冇咗Xanax and remeron。我自己就覺得remeron好好，因為幫到訓覺。另外食幾個月後真係開心有動力咗。俾啲時間啦，試吓
食唔食藥兩會字都係去醫院醫生要觀察一時時間要入院。
憑咩你覺得自己嘅判斷係正確過醫生的判斷。比多少少耐性同時間先知隻藥係咪啱嘅
你覺得點解你父母一定要你食藥？
幾時覆診？ 有無諗過提早覆診？
咁下次同醫生傾吓
呢半個月，乖乖食藥.
每次食完藥都讚吓自己，今日好叻咁食咗藥.
你阿媽都係精神病者啦！精神病嘅源頭唔解決，食藥只係一個防止情緒問題！ 香港可能係經濟低迷，以致近年精神病千和情緒病人多咗，對社會安全造成隱患！