📌 琴晚我喺商場見到個細
共 57 條紀錄
琴晚我喺商場見到個細路仔亂發脾氣
仲整亂晒人地啲貨，個老母忍到爆就打咗佢兩巴
個細路即刻靜晒。旁邊即刻有人話呢啲係虐兒，話要用心理輔導慢慢傾…我真係唔明白，咁細個講道理有咩用？唔打點控制到呀…
其實我真係唔明白，點解會有人覺得「忍咗好耐」就等於有理由去打人？係咪只要自己情緒去到頂，就可以合理化傷害別人？小朋友唔係物品，唔係因為係你生，就可以有權去傷害佢。
打完佢即刻靜，唔代表佢明白，只係因為驚。呢種只係短暫壓制，唔係教育。如果真係有效，點解仲要一打再打？打慣咗，打得輕冇用，下次打到半死為止？
其實有好多方法可以避免成件事發生，平時巳經要有心機去教，應該點做。唔同小朋友都有唔同性格，應該去理解佢哋，有啲小朋友越打越反抗，有啲小朋友用輕鬆講笑嘅方法已經可以成功轉移到佢哋嘅視線做嗰樣嘢。又例如入舖頭之前同小朋友講清楚規矩，預先建立期望；佢忍唔住想掂，可以捉住佢隻手、立即停止動作，再轉移佢注意力，甚至帶佢離開現場冷靜一下，全部都係有效方法。
唔係冇方法，只係冇耐性、冇心機去學同去試。等到出事先用打，因為最快、最直接，但唔代表係啱。
😥⋯⋯呢個post解釋咗點解呢個社會咁多人有原生家庭問題，咁多人唔開心。又或者好多人都未見過識教嘅家長，所以冇辦法想像原來可以咁樣就成功控制到小朋友？其實真係一件好sad嘅事。就算係sen/adhd好難教嘅小朋友都唔會建議打啦….
如果全天下父母情緒同耐性都好似你咁講嘅
世界就和平喇
係呀，所以咪話解釋到點解呢個社會有咁多人唔開心，好多原生家庭問題，全部都係唔識教又要生，無耐性又要生，為生而生。小朋友真係好無辜好慘。家長係佢地自己選擇生小朋友，係責任嚟，但係小朋友冇得選擇，係無辜。
冇錯呀，小朋友有情緒嘅時候講道理係冇用㗎，所以道理唔係呢啲時候講，係平時已經好好咁教導，呢啲時候家長可以做嘅只有冷靜地帶小朋友離開呢個地方，慢慢俾時間佢冷靜落黎，我自己經歷過係好難㗎，都有發過惡（但從來冇打過！），但係只會有反效果，脾氣只會越變越差。
大人要明白小朋友前額葉仲發育緊，根本控制唔到先係正常，平時好好幫助佢地認識情緒，有情緒嘅時候可以點幫自己，大大吓就會好啲㗎喇，頭幾年係超難捱，但學識點同小朋友好好相處就會越黎越好！
仲有好想講嘅係，情緒特別波動嘅小朋友係非常超級需要一個固定嘅作息時間表同生活，充足嘅睡眠，你會發現做到呢點已經好左一半！
打細路真係唔好，打得一次就有第二次，我覺得個細路都會記住⋯⋯
係咪咁打一巴就去到「虐兒」呢個咁嚴重既罪名我又唔敢講，但身為成年人係應該控制自己，唔好打落個細路身上⋯⋯唔好講郁手打，有時衝口而出講句有侮辱性嘅說話傷咗小朋友嗰心，其實比冚佢一巴個創傷重大。

我有三個女，三個唔同性格唔同認知能力。大女從來唔搗亂，細女叫佢就會停手，二女脾氣最大難收科，越惡佢越反抗，但抱抱佢即收。做父母嘅要了解自己仔女嘅脾性，用啱嘅方法同佢哋相處，可能咁樣會更加好。🙏🏻
根本班人就冇耐性，平時又冇心機教，淨係識得以上壓下，好大可能佢哋個屋企本身就係咁樣，所以以為咁樣係正常，又或者係冇乜點見過其他人點樣可以冷靜地去教小朋友，所以印象中就一定係打打鬧鬧？其實都真係唔開心，見到咁多人覺得打小朋友又冇問題😢
利申 大仔曳到喊，好誇張，曾經崩潰無限次，但我唔會打，然後睇好多點樣教小朋友嘅嘢，小朋友嘅心理，搵到合適方法之後好好多，當然都有發顛嘅時候，但大部分時間都可以講做順利。
咁要睇吓個小朋友係幾歲，好細個要睇住佢唔好比佢攪人鋪頭d嘢，出街就係一個教育機會，如果個老母只顧自己睇嘢，又唔管實個細路仔，細路仔一定嫌悶周圍攪架，依家細路好矜貴唔似以前時代任人打了
同埋打佢可能令佢即刻停，但長遠嚟講會傷害大家互相信任的關係，關係破壞日後佢都唔會聽你話
最好小朋友識聽就同佢約法三章，佢知道發生緊咩事就自己諗點做去承擔行動嘅後果
ps:我有小孩，都經歷過小孩頑皮，唔好再用咩未經他人苦幫自己開脫，教養孩童不易，共勉之
啱啦，同世上所有小朋友講，老母打佢一下就係虐兒，捉佢老母坐監就啱
你都cls,就算講唔到道理都有好多方法可以控制住佢，可以捉佢埋一邊可以捉實佢，就算打都可以打下手打下patpat,洗唔洗一把打埋去？
同埋個小朋友會咁都係因為一直以嚟都無好好教先會搞到個小朋友點樣處理情緒，佢會用呢啲方式去表達佢嘅情緒。
用暴力解決問題，只會令個小朋友覺得第日有咩問題發生都可以用暴力去解決，如果唔識得教當初就咪撚生。
以前拎鐵衣架打落去條條紅印就話虐兒姐
而家去到用手打patpat 打手板都話虐兒真係痴撚線
根本有好多細路佢根本聽唔明你d道理 你用打黎保護佢 令到佢驚而唔做錯事/危險事先係當時最有用既做法
好多人將自己既一事無成/心理病情緒病怪落去細個比父母打 而無諗過其實自己真係廢 而你果d唔係心理病/情緒病 而係中二病🙂↔️
個細路掃冧晒人地d貨最多咪賠錢算數， 下下打個仔對成件事無幫助， 而且果度係大街大巷， 係公眾地方喝罵對兒童心理發展會只會有負面影響， 從而令個仔對你更加記恨
我地要語重心長同仔仔講"仔仔乖， 你唔好掃跌晒人地d野， 唔係要罰錢架， 媽媽無錢俾就要俾人拉去坐監， 所以一定要聽我講， 一齊企硬唔take野"
我認為好多細路無道理可講，打亦要睇點打，下下一打就虐兒，個仔喊到唔收算唔算虐老😂打兒方式同傷勢要規範，例如唔去到傷人罪程度ok，人類有項動物本能叫試你低線，讀幾多書都會試，如果過左底線有懲罰或痛苦，人就自然唔會過，又回歸返動物本能的操作制約，咁樣家長同細路先會有關係平衡
平時唔識教，咪會令到個細路容易發癲，咪淨係識話唔打點得啊 呢d 垃圾話。
唔比你虐兒，唔係話你佢個細路失控唔打咁簡單，係要d 父母平時要去諗點教養啊，平時教得好，咪有方法去對應囉。
虐兒都可以有藉口開脫，真係唔好諗生仔啦
好多人根本就冇心機去教，識生唔識教唔願意去學點樣同小朋友相處，一味覺得自己大人用權威去壓小朋友就得🥲仲有好多時候小朋友嘅行為問題都係一學過家長㗎咋，其身不正下樑歪。
根本所謂“虐兒”條例亂x咁嚟……為立而立，但又冇講明點樣為止虐兒同埋要去到咩程度先成立。如果咁嘅話，除咗打，語氣重咗少少又拉、拉佢行開少少又話會整親佢隻手又入你數……咁變相鼓勵人亂x咁報警，同篤灰冇分別。
我啱啱落街買嘢，有個女人帶住個小一左右嘅𡃁仔，個細路不停喺條路跑跑跳跳阻住其他路人，個老母就只係不停發出噪音叫個仔唔好跑，我心諗，拖住佢啦
如果個老母一嘢衝埋去，兜巴星個細路，我唔會覺得係虐兒
應該好溫柔咁講你睇下你唔乖攪到全部人望住你啦係咪覺得好醜怪呢？嗱快啲同大家講對唔住⋯
然後極速夾走個小朋友，最緊要同個店員say個sorry就留返個爛攤子俾個可憐的店員慢慢執。
咁成件事就夠晒文明啦🤡
班大愛左膠係咁
乜都係幻想粉紅泡泡完美解決
真係未試過比小學生鬧過「屌你老母」、「操你媽B🤗」
仲幻想有D怪獸可以溝通教化😂😂
琴晚我喺條街見到隻狗亂咁吠
仲整亂晒人地啲貨，個主人忍到爆就踢左佢兩嘢
隻狗即刻靜晒。旁邊即刻有人話呢啲係虐畜，話要好似馴犬師咁慢慢教…我真係唔明白，同隻狗講道理有咩用？唔打點控制到呀…
我係贊成適量嘅體罰，就好似你隻手掂到火，會知道痛嘅後果一樣，但我唔係指淋電油放火嗰種嘅程度。 不過你講呢個情況，我唔會郁手打佢，一嘢的走佢就算，去一個無人角落由佢發完脾氣知道係無用。
唔聽道理可以直接抱走 點解要打
而且小朋友腦部仲發展緊 確實係未完全控制到情緒
作為父母腦部已經發育完全都一下打落去既 有咩資格講個小朋友
成年人嬲起上黎都唔會聽人講 等佢冷靜返落黎自然會聽
根本網上最鍾意批評家長嗰班人絕大部份都未生過仔🤷🏻
基本上同青頭仔批評人唔識做前戲一樣
最叻就係一句「唔識教唔好生」
唔知仲以為有人可以生之前就知自己識教🤷🏻
打控制到只會令到個細路覺得打人有用
雖然我自己會覺得媽媽用錯方法管教，但我好欣賞佢肯去管教，每對母/子/女都係第一次做對方嘅媽媽/仔女，做人同學做人的確好難😅
啱啊，有一部份未成年人科生物根本冇自制能力，又冇溝通能力，呢啲生物只理解到暴力
祝聖母日日出街去旅行返工返學日日都遇到嘈生晒又暴力又失控嘅細佬
咁本身個小朋友會亂咁發脾氣都證明唔係一次半次
而其實我諗呢個老母用打佢黎嘗試控制個小朋友都一定唔係第一次
咁結論就係其實呢個真係唔算有效嘅方法
其實教老母都一樣…..
已經無限次畀足耐心用唔同方法調教講道理，一件事講足幾個月都有
但多數都係要用啲嘴賤難聽說話銀佢佢先知衰
只能夠話五行欠丙
根據而家嘅教育方向
問題背後成因係長期無用正確方式教，個細路一直無學識social norm（唔應該整亂啲街外嘅野）
到最後臨時抱佛腳要阻止先搞到要打
因為生佢哋出嚟啲人都唔識嘛🙂
分分鐘連啲阿爺阿嫲阿公阿婆都唔識架
將來小朋友長大成人後，遇到未能解決的事，就會用相同的方式去處理，打小朋友不是明智之舉，只顯得父母和子女之間溝通出問題。
既然小朋友咁難控制
有d時候係唔打就控制唔到
咁唔知各位支持要打既家長
係咪都支持學校係你個小朋友唔受控制既時候打佢呢？🤔
小朋友多數係蝦父母同熟人
學校同外人喝佢 佢會鵪鶉晒
如果老師出動到打
梗係算虐兒啦
一個好嘅阿媽，應該響佢出手整亂貨之前已經捉住佢隻手啦，生仔唔知仔德性？佢情緒開始唔穩定已經要抱佢出間店，洗乜打
要睇幾多歲，幾歲以下就可以輕微體罰，讀書後就盡量避免，係日常教導好重要。打面真係有啲過份，體罰係打囉柚。
呢個年頭又多巨嬰又多跳樓，部份原因係由細到大無人打無人鬧，抗壓力=0
不過算啦！細個唔教，個仔大左自己受番。
情緒咁唔穩定，帶走佢去人少嘅地方，呢啲時候講道理冇用，唔好講細路仔大人咁激動都聽唔入耳啦，由得佢自己冷靜
要去到最尾一巴西埋去，即係家長長期唔了解自己個小朋友，又唔識因佢性格去教佢，用到「忍」，都即係逃避咗教育
其實真正湊過小朋友嘅就知，真係唔係個個小朋友都會聽道理。。。有啲小朋友真係好似惡魔咁😅
所以咪就係會掃哂人哋啲嘢囉
大個啲掃冧埋個老母添呀
身教好重要
除非SEN
正常小朋友嘅錯都係大人嘅過
其實講到底你只係冇當細路仔係人。你篇文將“細路”轉做“女朋友/男朋友”，你就知你講既嘢幾撚on9。
打2巴得到即時阻嚇力係合理，冇理由細路玩火你仲同佢慢慢講大道理。
但當然持續暴力係不可取。
老實講，慢慢講有用個阿媽就唔洗咁，個d話佢虐待又可以慢慢講嘅請佢哋溫柔地湊一日睇睇😌😂
我想問下假設養狗，係咪都會選擇用打方式令狗聽話？
你可以選擇打，但係相對應該有法律後果
同情個老母，霎時之間管教唔到，動咗手嚟教仔係一回事…覺得唔打仔教唔撚到仔係另一回事…
星完兩巴就識靜，即係一般機件故障，即係方法有效
幾時都話方法唔重要，重要係有冇效
如果咁無耐性湊細路，覺得要佢收聲同乖就係要喺公眾場合咁樣打係啱，真係建議唔好生
唔打唔生性果時，又話虐兒。
講道理唔受教果時，又話慈母多敗兒。
媽～我好亂⋯⋯
係虐兒，因為如果每次都用暴力一巴打佢，佢知道暴力可以解決問題，邊個大邊個惡
家長性侵仔女係刑事、家長殺仔女係刑事，咁憑咩家長毆打仔女唔係刑事
所以要有耐性，佢唔明白道理，咁大個人仔都生得出，都唔明白咩？
唔咁，又俾人話個老母唔教影上網公審😮💨講道理個細路又唔理