琴晚訓訓下覺俾蚊係耳邊嘈醒咗 開冷氣19度凍住訓返
今朝同工人姐姐講有蚊叫佢要諗諗辦法搞搞佢
點知今晚4am幾被啲蚊係耳邊嗡醒咗 成隻手都係蚊癩
右邊眼都腫埋 試過開冷氣 隻蚊都未走！
點解我講既野 姐姐到底係覺得無野唔使理
定唔記得咗處理 而家訓唔返 成臉腫 腳板底都痕。。
去咗沙發訓 又聽到耳邊有蚊聲
心情唔多好 唉😔好眼瞓🥱
啲蚊識匿埋架，你話打就打到？同埋，你以為全世界得一隻蚊？
咁都可以怪責姐姐呀？！
有蚊係咪應該全屋裝蚊網啊？呢個係你嘅責任唔係姐姐嘅責任。
霸氣啲同姐姐講：今日你乜都唔洗做，淨係搵隻蚊出黎隊冧佢！
大癲 po主嘅所有reply都係滲透緊覺得自己好可愛 所以冇辦法啦我係咁kam都要姐姐頂
保險界真係廣納百川🙏🏻🙏🏻🙏🏻🙏🏻
我無覺得自己好可愛 不過各行各業的確咩人都有 唔係剩係保險🤭🤭
你係咪想姐姐訓向你隔離幫你俾蚊咬
定等你訓著左mon 住有無蚊埋身？
笑4我姐姐同你姐姐一樣咁廢
做咗卅年唔好話咩水電唔識整連中東局勢都話搞唔掂
我工人姐姐份工好他條 不過我EQ可能真係唔係好高😣🤭
睇留言個個都話佢係西老闆，但佢啲回覆「做我姐姐要EQ好高」、「做我姐姐真係苦差」。仲要理直氣壯而唔係檢討自己🌚
😂我真係好難想像呢個post係一個成年人寫的… 工人都唔係萬能嘅😥
姐姐係有專業滅蟲技能？ 你都做唔到嘅嘢 想一個5千蚊人工嘅人攪掂佢？
瞓前身上噴蚊怕水，早上點蚊香趕蚊，就ok ，唔使搵工人姐姐😞
請問有咩方法不夠廿四小時內可保證完全冇蚊？唔係密封空間喎？
試陳述家中有蚊跟外藉傭工的關係？
好彩你唔係痾屎唔出，唔係姐姐都唔知點搞。
你都痴痴地
實拍得死隻蚊架？
即使拍得死 唔會有另一隻架？
你自己比錢姐姐買個滅蚊機就可以解決嘅事，但就唔比錢人買同人地講
上YouTube search Anti mosquito frequency 將佢連咗去speaker 就瞓覺 就好容易發現隻蚊會暈咗喺啲床邊啊 牆邊 人類未必聽到聲的 但可能會有少少身體反應
如果訓之前做可能對健康好啲 因為唔知道個頻率係咪對人體有害？我次次用呢個方法呢。 啲蚊就會暈咗。 可以同佢say bye bye 🙏🏻🙏🏻🙏🏻
做你姐姐有啲慘😓
建議你臨瞓前叫姐姐坐喺你間房餵飽啲蚊先呀嘛
最簡單方法買支花露水噴手腳或屋，當然吾可以噴太多，臨瞓前噴吓，就無蚊
工人姐姐未必有思想，佢只係按你嘅意思執行，你要清晰話俾佢聽你想點！
要工人凌晨係你隔離mon住你訓+standby幫你拍蚊？
我就想問有咩滅蚊措施可以一做就即刻屋企咩蚊都冇晒