唔好灰心，我商用車都肥過泊車，轉入斜坡時被阿sir dup 停。
無論係二合一線定一開二線，都要打燈望鏡擰頭，因為都係轉換行車線。係繼續直行，不過都要做個姿態畀考官睇，你有留意交通情況。
培正道伏位真係多到無倫。乙部冇得入場練，掉頭個位又窄又有暗斜，我考咗兩次培正都見有人掉頭上石壆。
出門口又多車，出門口轉急彎又驚上石壆，之後啲路又多90度急彎，好成日要cut線。一路又多車，車又鍾意爬頭。出公主道（車速70）又要睇得清楚。成條路又多斜坡。公主道個古惑嘅黃格，又多人多死車嘅文福道等等。
培正道真係好考功夫，睇你練得夠唔夠，本身要識操控好部車，轉彎畀油同剎車都要做得好好。仲要反應快，有安全意識去面對突發嘢。
但老實講，考到培正道真係好大成功感。我最後考培正合格我都係好開心，好大滿足感🙂↕️🙂↕️
出公主道真係幾大挑戰，最慘想練多次要兜勁大個圈。 培正道真係好有挑戰性😆 小編考天光道，勁唔好彩去到路口邊轉燈，停唔切，車頭過咗白線，咁就衰左。
我最後一次考培正係考公主道嗰條線😂嗰時都等車等咗一陣先出到去。
同埋講起轉燈，培正道公主道嗰條線我覺得伏，係後尾返培正道嗰條大直斜坡，架車落緊斜又有咁多燈位，如果突然轉燈，架車本身太快會好難踩停，可能會踩唔切過界或者chok親阿sir。我後尾考都係長期踩實brake慢慢落斜。
點都好，希望你最後考咩線都合格💪🏻💪🏻
謝謝tips同鼓勵🥹 培正又難仲要背4條線真係人都癲，真係要操多啲先得。
Cut 唔cut 線你考車個陣都要大幅度望鏡架啦
我第一考都係both fail
與其話考車係表演，應該話係過份地小心。你應該諗下點解要/唔咁做。我可以講你知現實生活中100%人呢個情況係唔會打燈，keep 住挨左。但係駕駛考試要嘅係極度小心，呢啲位有機會有電單車攝上嚟，所以都要擰頭望左盲點。正等於過完死車，現實生活中冇乜人會打燈望鏡，但係小心嘅話，死車前面可能有人或者障礙物，畀架死車遮住咗你睇唔到，又話死車突然開車，所以都要望左觀察交通情況。由例如轉左/右入小路都有可能有電單車包頭，所以駕駛考試都要望鏡。至於使唔使打燈，從以上可見，望鏡遠比打燈重要，有車望唔到有機會撞，但係睇咗冇車唔打燈都唔會撞，所以打燈只係細剔，望鏡一嚟就大剔。所以我諗需唔需要打燈都係見仁見智。
一變二 或 二合一 考試時都當你轉換行車線
你覺得自己靠我好左行 唔等如架車真係貼住左邊行 假設有架電單車攝上黎點算
我諗你喺德蘭中學對出肥左
謝謝你哋嘅講解，我明白啦😄 我考試都有做足嘅，肥左天光道咪有組好易睇錯嘅孖燈，個到轉燈我停唔切而肥🫨 唔好彩🙂↔️
我一路都想考車，但係路痴無方向感真係搞唔掂，小編媽媽你下次加油
「如果喺單線行車,前面變兩線,架車 一直都係靠住左邊,係咪都一定要做齊打燈、望鏡、揀線?」 你問呢個問題我有啲驚
你下次加油啊，係出面搵個師傅補，學院一個師傅，我當年都係咁，之後就合格。。。泊位你要練習多啲 。。加油
無論你考咩車都好，總之你一線變兩線或者兩線變一線都已經係屬於轉換行車線，呢啲情況一定要打燈擰頭望鏡望盲點，而且望嘅望慢點個動作一定要夠大同明顯(擰頭望鏡最少要90度)，同埋擰頭望緊左邊或者右邊嘅時候唔可以同時扭軚，一定係要你個頭擰返直望返前面嘅時候先至可以扭軚，如果冇做到嘅話或者個次序錯咗嘅話，阿sir係一定直接判定為轉換行車線前未有查看交通情況(27)，係會直接判嚴重錯誤而即時唔合格
補充多句，其實考車只要你平常心，做齊嘢基本上已經ok，加油吧！
(利申：我考自動van都考咗兩次先合格，第一次考天光道全肥，15,16,25,27,34大剔，第二次考忠義街兩part全部合格曬)
問左兩個師傅，一個話打燈望鏡另頭選線就一定肥，另一個師傅就話如果架車一直行左邊，唔需要要特登打燈選左線囉，所以我都迷😂😂
單線你行緊，乜都晤使做照你要去方向行駛就可以，無謂想太多
我覺得考官係睇整體駕駛表現，係咪安全，流暢，佢批得個排俾你，就認為你喺馬路上可以安全駕駛，加油，再接再勵，我都要重考🥲。
搵多幾個師傅教，有得著。
無事無事🫂 下次一定pass!! 第一次考係超緊張的 >< btw如果想轉師傅 我有介紹^^
18年前上完十堂就係考培正道，斜路停車考文福道，培正道已經好好考無難度😅😅，不過前提係你基本功夠唔夠？