由初一開始病，開頭淨係喉嚨痛兩三日，以為小事～點知之後開始喉嚨痕＋咳，夜晚瞓覺時勁痕到爆、咳到好似同氣管打仗咁。個菌嚴重到一日之內傳晒俾全家人。
以為係「氣管敏感」，點知過多幾日出現鼻水、黃痰，仍然keep住痕咳。反反覆覆，頂唔順去睇醫生，醫生都話係氣管敏感？
之後我飛澳洲，第二日竟然啲症狀即時消失，好返曬😳
返香港兩日，又開始痕返。
係咪有一隻超級隱形大病毒🦠？同埋普遍有咳嘅人都唔戴口罩😭
冇錯…… 依家健康嘅人先戴口罩，為咗唔好瀨嘢依然日日戴口罩😩
Same….病咗一個星期飛咗去澳洲，中間有兩日係好返，然後返到香港又嚟料😭😭
去睇醫生話其實係鼻水倒流 食咗啲超強鼻水藥之後又真係好返好多…好怪
身邊個個都中咗呢個病…
我有問醫生，最近係咪有隻病毒，
醫生：你係咪收錯風呀 🤨
好返1 2日 又病返.. CLS
個病好似唔識斷
個幾星期前問過，大量香港人中招，而且未好返
Ahh~個醫生就係叫我要認清自己氣管敏感嘅人，會比較容易觸發敏感🙄
我都⋯⋯三月頭病完 過日本台灣已好返 但三月尾又重復⋯⋯
不過真係左一個又咳右一個kamkamkam 要帶口罩
我新年前開始咳 中間有改善過 但未清
半個幾月前突然咳到仆街 喉嚨痛+鼻涕＋綠色痰
成個人四肢乏力周身骨痛咗幾日 勁迷（全程都無發過燒）
最辛苦係氣管收窄到呼吸唔到
仲會咳到反胃作嘔 咳到橫隔膜痛
半夜咳到瞓唔到 我不停咳醒好多次 每晚無覺好瞓
睇咗兩次醫生轉過唔同藥
但Covid流感全部都唔係
醫生淨係話感冒＋上呼吸道感染
其實我年年春天都氣管敏感發作 一咳又好長時間
但係我覺得今年真係有啲唔同
中間試過咳少咗 但仍然有痰+喉嚨仲痛緊
依一星期喉嚨唔知點解又好痛
痛到食嘢呑口水都好痛 有時又咳多咗 好反覆
近幾日連我男朋友都喉嚨痛 但無咳同痰 齋痛
我人生從未試過喉嚨痛咁耐 已經幾星期
仲有你話你去澳洲就無事
我想講我中間都去咗轉越南 頭兩日都仲咳得好勁 又係第三日開始好
返香港繼續咳過同痛過😂😂
我真係好想知咩病
未必係
只係香港太人口密集，啲菌無處不在
我都係返香港會唔同嘅病，離開香港就好返嘅人
如果瞓覺時喉嚨勁痕咳,9成9係鼻水倒流,要止咗鼻水先會唔咳
我就嚟病咗一個月啦，都仲未好返啊，咳到個肺都出埋嚟啦
聽過太多一出國啲鼻敏感就好返哂嘅事
最誇張係聽過住開郊區嘅外國人到香港一落機就要call白車
二月流感，近期應該係COVID ，復活節假期係各國交換病毒嘅時機，假期前後帶口罩防病
我1月中前病，病到2月尾先好返，又係咳到嘔，咳到唞唔到氣，又綠痰又鼻涕🥲依家3月尾又咳返☹️
美國前個排好多人都係咁，公司真係一個傳一個，佢地更加無戴口罩衣個概念。
香港潮濕又熱更加容易中招
我都以為清咗。。。間唔時 唔知抽到邊條筋就會喪咳。。。。