📌 由細到大，丫媽都教我
共 54 條紀錄
由細到大，丫媽都教我要嫁個有錢人，話要靠自己好辛苦，好toxic既關係，有無人丫媽都係禁？🙈
你話佢意思係咪一定要嫁有錢人我又唔敢講實，但最少搵個有志氣、務實肯上進肯捱肯做嘅人，呢啲人嘅成功機會高好多
好似上面有人提過，你搵着件工餘時間放曬響打機課金、連登同thread打咀砲爭一日長短，開口埋口賴原生家庭、賴出生時代、情願零收入食屋企或者另一半軟飯，你叫佢搵工就話冇幾錢唔做、唔係五天工作唔做，自己仙都唔仙吓就響網上侃侃而談點投資同被動收入、點樣低物欲、點樣不婚不生，跟住呢啲窮酸廢柒懶，會徹底摧毁你人生
其實冇錯既，嫁得好唔好，最後或多或少都係睇錢。雖然你會覺得聽起嚟好膚淺，但當你試過生活上好多嘅苦難，都係由缺錢造成，你就會知道點解阿媽當初咁樣講
始終女仔嘅基因本能，主要用喺照顧家庭，所以男仔要搞事業，恆心、體力、願意捱嘅程度，普遍都會優勝過個女仔。如果個女仔成日煩錢，通常都會都會家無寧日
不過咁樣講，始終都要努力讀書嘅，因為要向上接觸更好嘅圈子，或者為咗自己事業都好，都係要努力讀書
你可以嫁個窮既，再大啲有朋輩做對比，你就會諗點解自己咁on9朝9晚8做到隻狗，供樓湊仔湊老公，日日計住條數做人。人地朋友日日富貴做按摩做facial, 有包包有2個工人湊屋企，自己為興趣做下slash打發時間。
重點係，個窮既唔會因為佢知佢窮而對你好啲，而係同有錢既差唔多可能性，夠鐘都會出軌，人性。
當你身邊多幾個朋友生左小朋友，個對比會更大😂
唔關老公有無錢
係佢捨唔捨得係你身上洗錢
我表妹嫁左俾個so called金融才俊
一開始係幾好咁，又唔洗返工捱，有靚屋住
但係用咩錢都要睇佢老公面色，平時食飯只能叫外賣，貴過$100會俾人屌
去旅行都要坐廉航，人地睇佢以為佢嫁得好，實在係過埋啲妹仔生活
不過呢個表妹毫無揾錢能力，都係抵佢俾人食住
唉，米鬼嫁啦，啲男人要玩孝順，咁個老母孝順要包生，但生又唔係男人生，又無樓乜都無一日到黑叫你自己搵又要生咁不如唔好結一早自己搵錢自己洗好過啦，有啲仲要女家出首期+供+生，無事找事幹？有身理需要搵牛郎算啦，仲有個社會唔會讚你付出好叻，只會話返你傻閪，同埋而家好多白嫖男
首先，伯母有無諗過，你選擇有錢人，有錢人會唔會選擇你個女先，有咩外在內在條件選擇你個女先。。。學徐子淇阿媽咁精心策劃個女入豪門咁? 咁要投放大量財力物力law~奉勸伯母，要咁樣教個女不如教個女讀好D書， 將來有機會搵份好工腳踏實地搵多D錢好過la。。。
千祈唔好嫁嗰啲窮得嚟屋企又陀衰拖累佢，就算佢本人有冇本事都好，屋企一定要有！有啲人會覺得咁好條件做乜要揀你？冇錯，人哋係可以唔揀我，咁我可以選擇單身呀嘛，但嫁俾一個窮鬼，由其係屋企人又窮又拖累嘅，就好麻煩，之後嘅日子……
由細到大阿媽都教我要靠自己，婚姻從來都唔會有保障。
首先問吓自己有啲乜嘢過人之處，喺茫茫人海個有錢佬睇中你，而未來幾十年都唔睇中其他女人。一段關係從來唔會只得愛情，中間必然覺得你有利用之處，個有錢佬先至會留你喺身邊。
有啲男人成30/40歲，仲住喺老母間公屋，連出去租樓都無能力，但個個月就仲還緊打機課金d卡數，然後晚晚d時間就用哂係連登/threads叫春叫人唔好生仔唔好買樓，周圍噴負講到死人冧樓咁。
嫁到呢啲真係無乜將來，十個都無一個爬得番起身。
其實最好就係竹門對竹門，木門對木門，以前結婚講究門當戶對係好practical既，家庭環境、社會地位會影響一個人既眼界、價值觀、生活習慣等等，當然好多女仔都用婚姻完成階級跨越，但唔係人人都適應得到，睇下你自己係咩性格啦
我睇番以前中學嘅同學。嫁得好
成個人個水平高好多
唔會因為一萬幾千同老公嘈
連帶佢自身嘅工作都有提升
但嫁屋邨窮鬼老公。要做全職媽媽果d
都變到又殘又慘，一兩千蚊都話老公唔肯比
成個生活都好撚慘下，連個樣都變慘樣
下下都嫁嫁嫁⋯唔可以勤力讀書自己水平高搵到錢ga咩？
有，但我覺得睇能力啦！
阿媽嗰個年代冇乜點讀過書，資訊又唔流通，喺父權社會女人要向上爬係比較困難。
但而家都AI 年代，「靠自己」好多時候仲簡單，睇你有冇心做啫！
至於「嫁個有錢人」是否toxic, 大咗你就明㗎啦！
我阿媽都係咁教我，我細個覺得佢好膚淺😅但大個咗開始覺得佢真係為我好，因為佢本身屋企叫唔差，但我老豆好窮，佢下嫁，結果老豆對佢好差🥲佢同我講，男人有錢無錢都係衰，你有錢渣拿都好過佢呢個反面教材🥲🥲
真係好辛苦，同事放工攰到死都要做家務，想辭職休息下都唔得，一講辭職就同老公鬧交，因為屋企冇咗佢份糧就大鑊。有啲老公能力唔好，仲要一齊孭佢條債。一個女人/男人太攰脾氣就會唔好，咁點樣「家和萬事興」？
佢咁講好似好市儈，但係其實都啱一半，因為婚姻生活真係樣樣都係錢……
唔係話一定要搵個好有錢，但至少唔好拖累你。我諗個標準係：結咗婚之後要至少維持返做女嘅時候嘅Living Standard⋯至少唔好差過未結婚嘅時候
我阿媽都係咁，唔係話要嫁有錢人，係想個女嘅另一半條件差唔多或更好，佢知個女唔捱得，即係由細到大住私樓，在外國長大，對生活有一定要求，好難接受到嫁完令自己生活水平下降。而家做人阿媽都係咁諗。
阿妹，無錯啊！生活就是柴米油鹽，錢多你生活一定舒服好多，可以請工人、可以去旅遊、可以隨便做美容買買買⋯⋯窮人家為左一千幾百吵生吵死～～
我都係咁教我個女，一係自己有事業有錢，嫁人要嫁有錢人
咁佢真係冇講錯，除非你屋企已經有錢到你老公做藝術家乞緊食都冇所謂，要不然點都唔好搵個要同佢捱生捱死嘅，依家2026年，4、50年前個套一齊捱一齊發達已經行唔通。至少大家租屋住都唔怕搞唔掂條數先。
咁梗係唔可以完全靠男人啦，佢一個屈尾十搞第二個你要離開佢咁點啊？
搞分錢嗰啲嘢好煩，無謂啦，你自己都要養得起自己係最緊要
搵另一半梗係唔好搵窮鬼，樣樣嘢要就住就住，調返轉問你攞錢仲死
假如成功嫁個有錢人
- 即係佢忙於搵錢冇時間陪你
- 即係佢經常應酬陪老細陪玩多過陪你
- 大把女埋佢身，你要受得住
- 佢玩女人，一係你分佢身家；一係吞聲忍氣詐傻扮懵
- 最後陪你嘅係錢，唔係人
我阿媽相反，佢叫我揀老公窮唔緊要，最緊要對你好，冇錢咪一齊挨，仲話結婚之後要同奶奶住
佢都痴線🙄，我係社署咩，唔係話要嫁個億萬富豪，但至少唔好憂柴憂米，叫個外賣食杯雪糕都要諗
我細個時都唔明
到廿幾三十歲時就明媽咪點解咁講
但再到自己做左阿媽時
就覺得應該係教個女
要有能力照顧自己經濟同心靈
而家世界唔同以前
女人最好有能力獨立
世界同視野都會不一樣
我覺得唔使諗咁多，最重要係佢咩性格，如果佢又上進又有諗法，佢終有一日會有佢自己發光發亮嘅地方
如果仲要專一，咁無論佢而家係有錢定好窮，佢都會係一個好好嘅伴侶
我嫁了一個不算窮但也不太有錢，認真告訴你，錢不會厭多，能選至少嫁一個不用負擔家中兩老生活的人，這樣兩夫妻才有閒錢投資，而不是隨時要準備老人家未來的醫療費用。
我呀媽又無咁講，佢反而係叫我搵個同樣信仰？（因為我媽信基督教，就「諗住」我大個都會信基督教，但最後我係無信仰嘅）
所以我媽要求下降成對方對我好就可以了🤣🤣
你媽咪嘅諗法根本就有問題，佢係咪以為啲有錢男人都係白癡仔，你提升你自己自然你識到嘅男人就會越嚟越優秀，有幾可會話一個有錢佬娶個屋企窮相貌平平嘅女仔？
我阿媽冇教佢。但係我自己覺得係要嫁個有錢人。而家後悔🫠 之前讀書，全班最靚嗰兩個， 20幾歲就嫁咗比大陸有錢人 ，成班同學睇返，依家覺得佢哋啱
至少對方有晒基本野，唔洗憂錢銀
超超超有錢果啲好難服侍架，入去做工人睇人面色多過做少奶奶，壓力唔小
但媽咪應該勸埋個有錢人， 勸呀囡唔夠🤣
我教亞女，揀個靚仔嘅、有責任感嘅、唔正當工作嘅、氹得佢開心嘅，已經好好！
亞女一定要自己照顧到自己，唔開心都可以獨立自主，咁就冇問題。
你媽岩又岩唔哂
錯又錯唔哂
唔可以嫁個廢既
然後自己又要識搵錢
你唔可以 guarantee 個男人會愛你一世
但你自有能力，就一定可以照顧到自己一世
我媽細個都係咁講，而我細個覆佢「我會靠自己搵到錢」
到我證明到自己有實力做到時佢已經無咁講過
你努力讀書證明自己有實力佢就唔會咁講
唔一定要有錢
但唔會係屋又租唔到 自己都唔夠用
或者緊緊 因為你等於養多個
唔係要個男人養你 係唔好要負資產
你有錢另計 但小心比人算計
從阿媽既角度，無錯既，佢都係想你好想你幸福，因為貧賤夫妻百事哀，特別係呢個社交網絡平台氾濫嘅時代，大家都笑貧不笑娼。
個個都想嫁有錢人架啦。
邊有咁多有錢人會娶個灰姑娘？
就算埋到身，分分鐘連坐正都無機會⋯
最終係要靠自己先係最穩陣⋯
有呀！細個唔識轉彎，成日想說服阿媽唔同嘅價值觀。大個左就圓滑啲，佢講我就答：我都想呀，識唔到呀，你有無介紹？
一樣！ 我成日都答佢：個個都想識就識到有錢佬，唎個世界無窮人啦！🙄
好慘，我阿媽無教我，而家食緊屎
而家我做阿媽，同阿女講最起碼嫁個能自給自足既，唔好只靠父母蔭（除非係富豪級）
有錢人點解要揀你先得架 人地都會揀門當戶對 眼界一致嘅女仔
靚但係背景學歷唔夠出彩嘅話 只會俾人短擇🥲
伯友錯唔晒
不過唔駛好有錢
揀個有膊頭嘅就好，裙腳仔 aka 媽寶男都唔可以
仲有唔好揀個廢柴，男人真係唔可以廢
我就覺得唔一定要揀個有錢
當然都唔好同阿爸阿媽迫住一間好細嘅屋裏。
但係一定要揀個有上進心識得理財。
我曾經就係你，覺得呀媽貪錢，而家完全明白了，就算唔係有錢，都唔好窮到燶，人總要生活，生活總要開支
因為你吾可以為自己搵個有錢嘅爸爸媽媽 但你可以為左你嘅後代去搵一個有錢嘅爸爸 但同樣 你自己都要優秀
我阿媽由細到大叫我唔好嫁太有錢，話背景相差太多我會適應唔到，知道我個性格都唔係可以受氣嘅😂
我諗重點係背景唔可以相差太遠，太有錢唔得，太窮又唔得
係嘅，呢個世界都冇阿爸阿媽想見到個女結咗婚之後係辛苦過結婚之前。
我有個朋友好叻女30歲就已經搵10幾萬，佢阿媽由細到大都話要佢嫁入豪門，期間都出現過一啲質素唔錯嘅仔，都比佢阿媽Ban晒（佢阿媽話搵得嗰五六萬配唔起佢個女）結果佢無啦啦嫁咗個無業MK仔🙈🙈🙈🙈🙈🙈🙈🙈🙈🙈🙈🙈我由細睇到佢大，真係暈低
尤其如果打算生小朋友 ， 聽過一句說話
「你行入座山只需要一日 ， 但你既小朋友行出座山需要幾十年」