📌 男朋友話想買樓，佢可
共 61 條紀錄
男朋友話想買樓，佢可以俾首期，要我一齊供分擔財政壓力，但係唔落我名。佢話反正租樓我都要俾租，而且第時結咗婚會變咗共同資產，離婚嘅話都有得分，唔需要加我個名。我覺得我有份俾錢嘅話就一定要有名，呢個係對我嘅保障，更何況我哋未結婚。
我話我可以一齊俾首期一齊供，咁落兩個人名。不過我人工低過佢冇佢儲到咁多錢，比例大概係佢出到首期三份二，我淨係出到三份一，佢話首期佢比大份我俾細份，兩個名嘅業權比例點分？我話佢好計較，佢話返我又何嘗唔係計較，如果唔係點會唔肯無名咁供。
講到呢到，我唔係太想像到第時結婚點樣計，點樣一齊生活。中間仲有講到如果佢單獨買樓啲裝修費我會唔會一齊俾，生活費點樣分等等。

補充返，我哋有諗住兩年內結婚，不過未求婚。我自己其實覺得結咗婚先一齊夾錢買樓會比較好，或者最起碼求咗婚先，未買之前可以租樓住又可以試吓同居生活，唔想咁急，但係佢想趁樓價啱就今年買，租樓晒錢，最近已經提出去睇樓。
再補充返：
1. 我地本身無租樓，各自各喺自己屋企，有買樓嘅念頭係因為之後結婚長遠都會一齊住。
2. 我係主張結婚先買樓，起碼求婚之後，再一齊比首期一齊供樓落兩個名，我唔介意買細少少嘅單位，咁就可以一人一半首期，如果結婚前想同居就可以租樓先。但係佢想買大d，同埋想今年內買，亦都唔想租樓，所以佢提議佢自己今年買佢比首期，我地一齊供。
3. 我嘅角度冇諗過謀佢任何嘢，如果佢俾晒錢當然淨係落佢名，只係我有俾錢我一定要有名，有份比錢買一樣野有擁有權好正常？其實我本身冇諗過業權係可以分%，只係唔想自己比左錢乜都無。
4. 我覺得佢都唔係想謀d咩，只係唔想蝕底，不過計到咁足我好意外，同埋無名要供樓，呢樣我會覺得有啲委屈。
5. 我認同嘅解決方法，（1）佢俾晒所有首期供款，淨係落佢名，佢想幾時買都得，（2）結婚之後一人一半首期一齊供樓，落兩個人名，公平公道。的而且確解決到買樓嘅問題，但坦白講呢一個討論，令我諗到好多衍生嘅問題。
多謝大家意見，我睇晒每一個comment，其實我無諗過呢個post會咁大迴響，始終未結過婚未買過樓唔識得處理，同埋唔知咁樣係咪合理。依家我哋唔會買樓住，我自己都覺得無論係信心定係溝通，大家未ready去下一步，而我都會再認真審視呢段關係。

希望呢個post有建設性嘅comment都幫到面對緊相同問題嘅情侶。
一定要落名先一齊供
身邊已經有3個朋友
女仔幫男仔供樓
分手咩都拎唔番
清醒下先😆
當佢講得出呢句「佢話首期佢比大份我俾細份，兩個名嘅業權比例點分？」
證明佢呢句「佢話反正租樓我都要俾租👉🏻而且第時結咗婚會變咗共同資產，離婚嘅話都有得分，唔需要加我個名。👈🏻」
係撚化你‼️
你一蚊都唔出 只係負責分擔供樓，離婚佢會分比你？（你信佢會分比你？）
但你幫手出首期 寫埋你名，就要分比例☺️？
矛盾到咁🤭唔覺得好笑咩🥰
親愛的，呢個人咁樣計數，佢岩自己一個人計數🧮
對住呢啲人，佢買樓佢既事，
你要知道，佢買樓係諗「我」，唔係諗「我地」
呢啲投資 唔值得
女孩子 自己努力儲錢 也可以買屬於自己的
佢買左樓 嗌窮 千祈唔好扶貧🙂↔️
「男朋友話想買樓，佢可以俾首期，要我一齊供分擔財政壓力，但係唔落我名。」
法官大人我哋開始結案陳詞：
唔 L 供。
多謝法官大人。
未結婚一律唔好有任何錢銀轇轕
你男朋友都幾識搵你着數
呢啲男人嫁唔過
其實我唔覺男既有咩問題
你出去住唔洗交租？
如果有人比首期 我供哂全部唔落名都係 你出去住都要交租點解唔交比你熟既人😅
佢咁叻數口又咁精，佢有本事自己買。阿妹，未結婚都咁，佢同你求婚你都要好好諗下。
見過好多類似post,我嘅結論係：唔好叫一齊供，而係租，但個金額要計清楚
Eg.層樓月供20000，上下層類似租盤嘅月租係13000的話。你唔應該比10000，而係比6500。咁嘅話我會接受到唔落名，真係當租樓
On 9， 根本租客同幫手供， 筆數唔同、 責任唔同。 啲人成9 日拉埋要齊講， 係要混淆視聽
無話岩定錯，只係唔同立場有唔同睇法
我算係經歷過差唔多既情況，純粹作為真實例子分享比你
1.首先我係男
2.我決定買樓既時候已經求左婚，係我提出先，但行動前已有共識
3.買層樓時首期全部我比
4.層樓無女朋友名，不過佢係擔保人
5.供樓夾好左我比大佢比細（比例大約係按各自收入及可負擔水平）
6.雖然之前無講出口，但如果結婚前有咩意外結唔到，我係預左會比返女朋友
7.女朋友好信任我，就算未真係結婚，佢都願意做擔保人兼且一齊供
8.層樓唔落佢名係考慮到交稅、以後有冇機會買另一層、佢屋企人公屋有佢名等等眾多原因而決定
9.我地兒加已經結婚
我個人睇法係，如果雙方都有共識會一世（至少「計劃」行一世，將來發生咩事無人知）
邊個賺多d邊個蝕底d，又有咩所謂
就算唔用合約白紙黑字寫低，有心既都會自覺保障對方，就算不幸行唔到最尾，至少唔會損害對方利益
我諗你唔係介意比錢，而係男方既初衷好似冇打算保障你，你先有hard feeling
咁既情況，不如自己諗下/互相傾下，大家係唔係真係願意無條件為對方奉獻所有？如果唔係，或者你地根本未到結婚既階段？
用「分權共有」持有業權，按出首期既比例持有；比如70%及30%。
當年我同我老婆，財政狀況同你地一模一樣，我行個方案就係首期供樓一齊比，但我大份佢細份，但層樓我淨係落佢名。因為我覺得我唔會垃圾到一層樓就係我副身家，要留返我個首置買第二層。你自己諗下你條仔有幾廢。完
你两位都係謀緊對方
佢出三分二, 你出三分一, 但你要一半業權, 公平嗎？ 除非供樓你供大部分, 但你自己又唔夠人工
佢就諗住既然你要租樓,你當交租俾佢,我覺得呢個反而有小小邏輯, 如果結得成婚, 他日你如離異, 其實官都會判你有份,因為呢個係marital home.
我覺得,最好係公平,一人一半
首期供棵都係
係囉， 所以真係要搵個門當戶對，大家有返咁上下身家先好結婚。
睇黎大家都相唔過大家 一係結左婚先 再買
一係搞到一半一半 唔好咩三分一
一係分手唔好計
我同老婆自己第一次買樓 當時未結婚
首期我出大份 一齊供 我都寫我老婆一個名
因為我信佢
之後結婚 到換樓 都係老婆名 而家生左一仔一女
未結婚就唔好搞咁多嘢，尤其涉及金錢。一係佢即刻求婚，咁可以即刻結婚買樓。一係保持原狀大家住返自己屋企。不過你男朋友都搵你笨7，你試下話要有樓先肯結婚，先肯應承求婚。十成九飛咗你，佢只係想搵一個支持到佢金錢嘅人。
咩叫反正都要交租，我租樓自己交租可以揀自己鍾意嘅地方自己話事，依家幫你供樓仲要睇你面色，講呢句嘅人真係唔經大腦，想攞著數。
雖然未結婚，但愛你個陣都咁計較，唔愛你離婚個陣仲會分比你？咪傻啦。我個客當年因為政府雙重印花稅，個老公叫佢將半層樓轉名比佢之後用佢名買多層大啲既樓，點知轉完之後就失蹤兼賣樓，男人唔愛個陣，錢銀方面真係可以做到好仆街。
依家係佢有能力供但唔想降低生活質素要搵人搭把手。我唔會質疑佢愛唔愛你，因為有啲男人真係唔成熟亦唔夠體貼，有啲男人都會受身邊人影響，正如你係度問，問完你多多少少都會受我哋影響。
你自己諗清楚想唔想同佢過人世，除咗錢銀方面佢值唔值得你付托終身，唔係純粹你想嫁人，而係你想嫁比佢。如果想，你先參與佢買樓，當然要保障自己。層樓真係可以安排業權比例，例如佢70%你30%。 裝修同供樓都可以按比例。
但當然running cost，有份住就50:50。
不過呢個安排會對將來賣樓同埋遺產繼承有影響。因為不是平均業權，不能聯權共有，其中一方可以就咁將自己既持份賣出，唔需要其他業主同意。 死亡後會變成遺產，多人承繼會將業權複雜化。
BTW，建議你結婚前傾埋將養小朋友是否50:50。如是，記住要求對方一次性支付懷胎10月勞動費同埋補品費，工作進升機會延誤補償，還要A埋人奶🤪😏
最公道呢個comment. 呢啲男人都嫁. 攞苦嚟辛. 食完飯你用過隻叉我冇用你自己洗返. 出街食菜心炒牛肉我淨係食牛肉冇食菜你又計返. 女人要先自愛. 唔好因為年齡趕住結婚. 好明顯呢啲仆街係搵人幫手供樓. 叫佢冇錢唔好學人買樓
呢件事我都發生過。婚都未求就計劃呢樣果樣，但其實我好介意。因為覺得對方冇誠意。然後買樓首期我出大部分，仲出埋裝修錢，另一半供樓，佢話要落佢一個人個名。我話可以，出一封法律文件講明我出咗幾多錢。佢縮沙，層樓寫我名🤣老實，而家好後悔嫁咗畀佢。一嚟我其實都唔愛佢，如果唔係唔會咁介意求唔求婚。二嚟呢個人好計較。我自問失業都傾家蕩產去畀首期，平時啲錢都係使喺頭家度。佢反而唔信我，唔想落我名。然後仲一直瞞住我自己有幾高人工，畀人工17%我，負責哂水電煤，柴米油鹽，管理費，差餉等等。所以呢種男人真心嫁唔過，太計較嘅人唔適合結婚生仔
呢個經典，佢咁都講得出口，既然唔愛點解唔離婚
我哋有小朋友，我係FTM，自己做吓小生意。我其實都有提出離，不過佢堅持唔想，我覺得佢係唔想改變而且唔想我分佢身家。咁我覺得大家做室友都仲可以客客氣氣，咁就暫時做住室友先
笑死
我EX都咁講呀，然後分開嗰時我$1都拎唔返😂
感情幾好都好，層樓係邊個名就邊個供，供唔起計唔掂數就唔好買，有壓力即係未ready買樓依件事，唔好勉強
結婚唔會變「共同資產」，聯名先會
叫佢睇少啲大陸短劇
呢度係香港
出去租要錢，但出去租有合約
身邊曾經有情侶鬧分手，有份供但無名嗰個被人趕咗出去
業主都可以趕人，但起碼會比通知期
感情好嗰陣梗係無嘢，有矛盾嗰陣有啲人咩都講得出
你男朋友已經謀緊你啲錢
重新考慮呢個人啦
「業權比例點分」都講得出
銀碼係數字，有幾難計
佢係呢啲事咁計較度住度住，
以後婚後生活費點計都好難搞
點解既？ 一定要男人出錢？ 唔買樓，租屋大家出一半啦。
「唔落你名」+ 「一齊供分擔財政壓力」 +「租樓反正都要比租」 =💦🐟
聽唔少人拍拖比一半一齊供，散左又搵律師樓又搞呢樣果樣甩名洗多6-7皮。唔想煩就又要賣左佢分錢又搞一大輪。
你呢個情況其實男方又合理，又唔可以話你錯，主要睇男方幾愛你同幾信任你。
感性例子：（因為都有fd未結婚正係寫條女名，但首期一齊夾一齊供😂）
理性原因：你地如果本身都係租緊樓，佢比首期搬去，你當比返合理半租，當平時夾租其實算公道，反正結左婚都係同共財產，即使分手你都冇蝕抵。
但按你想法正係比到1/3首期，其實公道計人地又冇理由比一半業權你，因為你假設散左，你有權食返人地層樓一半。
所以最終解決方法都係一係你比一半首期，一係唔比，只係當夾租
利申：我自己都係供樓裝修一人出一半
佢自己買，自己供，租俾人。你地再自己去租一間，AA。一係唔好同居
咁咪唔好一齊住😂佢自己買樓自己供，你唔住入去點解要交租？？
咁其實你想點
1. 比細份 但有名
2. 唔比唔供 免費住
Omg其實都寫得好清楚，想婚後一人一半首期一齊供。更何況俾細份唔係錢？又無話要一半業權😓
其實我覺得係女方根本係嬲緊點解男朋友唔只係寫佢個名，但又要說服自己都未結婚，要理性去計，但計完之後發覺對方可能唔夠愛自己，變相其實對對方無信心；如果租樓，其實筆數都係差唔多，反正女方唔洗俾首期；我反而覺得，男方呢次醒目，試到女方真面目
我覺得邊個俾錢咪寫邊個名，佢自己俾晒所有錢當然寫佢自己一個名，一齊供錢咪兩個人名，更何況係我提出一齊俾首期一齊供，有咁難明咩？
真愛你的人唔會咁計算
他巴不得快點加你的名，咁你一定會有信心一定會結婚。
他咁計算方式，只是想自己利益。
其實業權都可以用%計，唔一定要50%，但係咪住先，唔好淨係focus 係加個名落去就係有保障有著數先，加個名落去一切同樓既開支管理費差餉保險維修所有傢電都要夾你係咪ok? 如果只係想同居，咁你每月固定夾一份租金或者開支，係唔同概念，唔好理第日結唔結婚，夾份擁有一個咁貴既資產將來要分就係複雜，你留返自己個名同首期第日仲可以有彈性自己買，唔需要將置業同結婚綑綁，如果要婚後有生活保障，可以要佢俾家用你、聯名戶口儲錢佢儲大份你儲細份、買人壽保險寫你名，好多方法，前提大家自願同意，講錢傷感情
婚姻中的計較： 供樓唔落名、裝修費一人一半、水電煤計到足。這種男人不是在「理財」，他是在 「止蝕」。他在結婚前已經做好了「隨時離場且不虧損」的對沖準備。男方連裝修費、生活費都要精算到這麼細，這代表他把這段關係看成一場 "Joint Venture"（合資公司） 多過 "Partnership"（伴侶關係）。
「反正租樓都要俾租」：
這是一個邏輯陷阱。租樓是純消費，供樓是**「資產增值」**。如果妳幫他供樓卻無名，妳實際上是在幫他進行「資產去槓桿（De-leveraging）」，而妳自己卻沒有任何資產增值的份額。
如果他連「名都唔肯加」，卻在那邊算比例，這代表他已經在預算**「分手後的清算」**。這種 Risk Mitigation（風險對沖） 做得太露骨，完全沒有婚姻的信任感。
祝你好運
你男朋友就擺明搵你着數㗎喇，但你出細份就想要一半都唔弱
唔知你邊隻眼睇到我想要一半😓 更何況我係想買細單位一人出一半錢
要你夾一份供但唔落你名係唔均真，你夾細份佢唔肯聯名話業權難計你就覺得係計較，如果你兩個都係咁嘅性格最好大家就清清楚楚一人一半
出首期落名
唔出首期就連租都唔好交，剩係上去玩
我覺得咁樣最公平，唔貪任何野
其實要搬出去租樓些左先，如你地雙方唔肯行呢步建議唔好買樓 大把交嘈😹🤣. 買層樓上車盤400左右 。其實無想像中甘大件事 。
買完反黎唔掂可以賣， 前題係業權
如果佢名 咪每個月交差向地租水電煤囉 。 其他佢自己攪掂 。 結婚後先要加反名 。 唔肯就分開喇
一定要落你名，這個是你對自己的保障。可以搵律師寫返份證明佢三份二，你三份一
另外仲有，未結婚好多變數唔好咁傻。
1） 宜家買樓就係佢個人婚前財產，佢都好識計
2） 佢比大份首期，你比細份首期⋯原來業權比例就唔識計？ 大把人幾個人夾錢買樓，業權可以你38.2% tim啦，佢唔識計但律師一定識計⋯
3） 其實你都唔使咁驚，你最緊要係keep好晒你過數record, 最好過數時remark 埋for xx 大廈X 月供款
4） 唔好結啦，佢咁識計數，咁識拿你著數，就算講到結埋婚再離婚，佢都有本事要你淨身出戶啦⋯人品差就唔好嫁，唔好幫佢諗藉口咩平日會扶阿婆過馬路，所以人品品差，你睇佢算死草拿你著數咪人品差lo