男歌手蔡俊彥上完Edan舞台即想入樂壇
學唱歌原因超低能：「挑戰下點樣飆高音」
寧棄比賽揀衝擊叱咤新人獎？欲為粉絲取名「壞人」

花劍世界第一、最近正式進軍樂壇做男歌手嘅Ryan蔡俊彥，出咗新歌《我最討厭的男歌手》，日前接受商台節目《叱咤樂壇》訪問，大談由劍擊台跳上音樂台嘅心路歷程。Ryan坦言做歌手前內心掙扎好耐：「究竟做唔做？因為自己運動成績啱啱開始好好，有諗過好唔好安守本份唔好搞咁多嘢。」佢諗深一層，六年前決定做運動員都已經係好任性嘅決定，六年後又面臨同樣抉擇，「我覺得自己係真係好鍾意唱歌，亦都好享受喺舞台嘅時候，點解唔做？」佢覺得既然六年前都任性過一次，不如秉承呢個破格擊敗傳統嘅精神，希望做一個好嘅運動員，同時做到一個好嘅歌手。

圖片來源：IG@ryanchoiiiii、YouTube@商業電台

#Ryan蔡俊彥 #花劍 #世界第一 #我最討厭的男歌手 #Edan #壞人 #Viu1娛樂新聞 #Viu1 #Viu #viu煲劇平台

講到令佢的起心肝唱歌嘅催化劑，就一定係舊年上過Edan嘅舞台之後。其實之前佢好鍾意唱歌，但只係喺沖涼同唱K時唱。佢仲自爆跟老師學唱歌嘅原因好低能：「我成日都想飆高音，但飆唔到，就要搵老師挑戰下點樣飆到個高音。點解咁鍾意飆高音？我想喺啲friend面前型吓！」雖然奧運之後同Edan開live合唱，啲人話幾好聽，但Ryan覺得好難聽，之後先決心努力練歌。

Ryan自言偏愛慘情分手歌，唔知點解每次聽到慢嘅抒情歌就鍾意。佢覺得廣東歌嘅慢抒情歌係數一數二最好，獨一無二。最得意嘅係，佢打完比賽唔開心嘅時候，需要聽慘情歌令自己更加唔開心，攞返啲共鳴，有人明白佢嘅感受。唱歌嘅時候，佢唔係諗自己有咩經歷，而係諗「我打比賽輸咗好慘」，靠呢個emotion去抒發感情。

講到多嘢諗，Ryan承認自己好易鑽牛角尖，而家做埋歌手，當見到攻擊佢嘅comment亦會唔開心，佢話做運動員經歷過好多低潮，每次都係選擇相信自己，望住塊鏡都覺得仲係幾鍾意自己。Ryan又指成日覺得「人紅是非多」，一出名就好多煩嘢，唔想冇晒私人空間。但後來諗深一層，喺巴黎奧運做旁述嗰刻，已經半隻腳踩咗入娛樂界，所以做唔做歌手都冇乜大影響。

至於fans名，Ryan話未confirm，但諗緊叫「壞人」，佢解釋話好難開口講我愛你，但講反話就容易啲，好似首歌咁，「我好憎你」其實就係好鍾意大家。至於會唔會衝擊新人獎？Ryan話經理人講過呢句令佢多咗個目標，但做音樂同打劍唔同，唔係one on one battle，而家隨緣，只要每首歌做好就滿足。如果將來叱咤頒獎禮撞正重要賽事，Ryan表示今年會揀頒獎禮，因為後年就奧運，下年要主力爭奧運，但今年係最好時機喺樂壇衝多啲！

佢個樣好似大鼻猩猩