📌 留言區原來有不少外國
共 44 條紀錄
留言區原來有不少外國人認同，
想知大家睇法，
或者有冇人細個都一樣咁樣練琴，
成長後有咩成就？還喜歡彈琴嗎？
而我…
高敏媽媽看着看着跟着流淚…
我剛剛跟個家長講開，今日補習，小朋友心情係好差，啱啱同屋企人鬧交，剛剛開始補習嘅時候木無表情。我問佢需唔需要休息一日？佢話唔使，可以繼續，補咗15分鐘，我再問佢使唔使休息，佢話唔可以繼續，然後狀態越嚟越好，變返正常，最後很開心落堂。如果小朋友係自己決定「要堅持落去」，自己講「我想做」，嗰啲叫做「自我效能」、「堅毅」，大腦釋放嘅訊息：我做得到。呢條片好明顯係逼佢，最後雖然佢冷靜咗，咁大腦裏便係咪有唔開心呢？係咪抗拒呢？小朋友先知。
在我來看，長遠嚟講，我唔相信佢係開心，我亦唔相信咁樣正常培養堅毅個性嘅方法。
會喊但唔願意放棄，先係最重要
喊到傻休息冷靜完都唔想繼續，呢啲就係強迫
這種多數考完8級／演奏級證書，以後就唔會再彈鋼琴。我不喜歡這樣迫彈琴
我都唔會迫我小朋友咁樣學樂器，音樂應該係要有enjoyment
我仔細個練小提琴都係喊，邊上堂邊喊，嚇死老師，好彩我在場，知道唔係老師問題🤣🤣🤣
佢自己覺得好難，又嬲自己做唔到。想放棄又唔捨得，樽頸位過咗就豁然開朗。
到11歲考到LTCL，14歲無諗住大學讀音樂，於是我提議停學，佢又喊🤣 所以到依家16歲仲學緊小提琴，再加鋼琴
依家佢遇到咩挫折，我都叫佢諗下自己當年學小提琴係點，難關難過關關過。克服困難嘅決心比一紙證書來得重要
哇彷彿見到自己，我有套一樣核突棉衫褲、個頭髮都一樣樣🐒
我4歲開始學，考琴每次都distinction 但一大左要學琴即刻想扮病，到夠大捉唔到喇上大學前直接唔學。
見到部琴有好複雜嘅情緒，因為以前一路練琴一路打，好準確咁識15分鐘25分鐘後搭幾係因為練琴，不停數住幾時完，試過飛蟻跌哂落膊頭都依然打住練…
練成左自娛，包括棟高一隻腳唔同姿勢搞笑地練、睇琴譜架反光睇電視…..
你問我，我對呢樣野又愛又恨，恨多啲因為真係好痛苦，但係咪唔完全唔鍾意又唔係，可能只係鍾意果份成就感？但都多謝屋企嘅栽培，長大後有教過啲鄰居小朋友試玩學下，就完全冇接觸，再老啲再彈返玩下係享受嘅，但唔想再練琴。
其實老母親嘅理論係：「唔可以半途而廢」，但長大左我又係度諗，每一件事係咪食哂屎咁都要盲目繼續呢？
多謝你分享！最鍾意睇呢啲輕舟已過萬重山嘅感想，我有位朋友和你一樣，到最後成長了，對鋼琴又愛又恨，但仍然會多謝家人嘅栽培，令我呢個初級媽媽，有時都唔知要個女學琴個條界線點樣拿捏。
如果明知係屎當然唔會再食，等於明知條路行錯就搵第二條路行啦！但可能以前資訊冇咁流通，上一輩就覺得行呢條路一定唔會錯，所以就要你一直行落去。
雖然睇落你都練得好辛苦，但同家人關係都應該唔差，如果為左考8級破壞親子關係，個人覺得係得不償失。
我冇同佢地關係特別好🐒但我都多謝佢，我有啲野「揸手」起碼都叫做有識少少有啲修養，最慘係攞到唔錯成績以致誤會大了，以為我音樂造詣好高，所以逼住繼續😂
長大左係知道嘅，知道果種「為你好」又知道「台下10年功」，而細路仔都係有時係要「逼」，可能係我冇天賦唔係好鍾意學琴嘅人所以咁辛苦。
雖然知道唔代表我接受，好多嘅創傷部琴有份引起，
我原諒左但我冇辦法接受繼續好好地相處，所以真係要留意，好多野真係會成世人一直記住，我就冇小朋友，但我做過果個叫救命都冇人理嘅小朋友🙂↔️
抱抱你內在個個小朋友🫶🏼多謝你提醒，我係反叛底，冇人可以迫我，所以我都唔會迫我仔女，親子關係我一直都係放第一位，不過無可否認我對大仔會嚴格少少，聽完你咁講，我會再修正一下🥹
記得細個有次心情唔好，扁住嘴學琴。Missy 叫我停低手，好有耐性咁問我今日發生咗咩事，聽我講完又開解我。心情平伏返先繼續彈，佢同我講：「彈琴係play the piano ，玩係開心」 我記到宜家🥹🥰
好老師！要同理感受，幫助疏理情緒，學習先會事半功倍
真心唔需要迫小朋友學樂器，多數人被迫考完試，下半世唔會再彈，唔係樣樣都要跟風學
我細個係彈錯一個音就藤條fit一下，學琴從來都冇開心過，最期待係老師臨時有事上唔到堂… 考到7級就冇再考，曾經有諗過考埋8級俾返個closure，但其實之後我無啦啦都唔會再彈琴，同我未來職業路向都唔會有任何關係，反而增加咗不必要嘅壓力，咁不如放過自己。
想像到你有幾唔開心，捱到上7級已經好勁，我後來明白其實人生係為自己而過，唔需要用別人嘅期望或社會嘅預設去行自己嘅路，去到成人階段，每個決定只有自己最清楚，明知行錯路及時回頭，都係對自己負責任嘅選擇
我見過無數「小時了了」的優秀琴童 被父母高壓出來的長大了自己可以話事後一次都不摸樂器
不應該是這樣 在本人願意的前提下音樂的學習應該是終身的事
那些需要孩子學音樂來honor自己的父母麻煩你自己去練！
對 能一直保持學習的熱情比by多少歲必須要考到什麼證書真的重要多了 人生這麼長 慢一點從容一點很好 細水才能長流
本身就係好多中層家庭的刻板印象
想自已成個所謂上流社會 貴族咁
18般武藝係身
我老婆係覺得唔可以咁易放棄，no pain no gain。
我自己就覺得人生時間有限，投入其他興趣仲好。
我覺得無人會知邊樣先係好
每個家庭都有唔同教育方針，我開呢個Threads都想聽下唔同意見，不過我會主張小學階段有多啲不同嘗試，張家朗都係中學先至由籃球轉為劍擊全職運動員
為咗想要嘅嘢
就要付出
有邊個人想練琴？
鋼琴家都唔想練
有天份人嘅人都要練
除非真係唔鍾意咁就唔好練
係要練，分別係自發練同被迫練，個個都考到八級，真係個個都想考到八級？
我地外人都幫唔到手㗎喎
我又唔知個小朋友個心點諗😬
郎朗李云迪小時候都是這樣的，或者說，他們是熬過來出到名的倖存者
你令我諗起周杰倫，即刻去問AI, 原來佢細個都係被做教師嘅媽媽邊打佢邊練琴，到佢而家做左爸爸，佢唔會再用同一方法教個女學琴，佢用提高興趣嘅方法、增加趣味、更關愛的方法教個女，呢樣就係我想講嘅
學琴學識耐性，理解trust the process
會學識只要做得多就一定會做到
對做其他事都有好影響
我同意，不過如果係被迫咁去做，都有不少成年人講述返，反效果會更加大
我冇咁喊哂，但長年累月冇任何刺激嘅幫助下彈琴慢慢變成苦差，考到8級嘅，再試埋聖三一唔得就真係封琴20年，到幾年前機緣到先彈返。而家用另一個心態去彈，好享受咁撚每一粒音，好想彈到極致。
所以我而家由得個女自己決定幾時彈，不過我自己會有時用高超技巧彈佢啲歌，俾佢知道其實啲歌可以好好聽。
係！我就係覺得你要個小朋友自己鍾意，自己想去學，想去進步，佢先會堅持，件事先會sustain落去，先再講咩訓練resilience
同埋我有同阿女講耶穌，問佢想唔想彈到我咁，佢話想。（其實我係用問題嘅方法去引導佢）
然後講佢知⋯⋯百鍊自得。但阿女想縮嗰陣，我會容許佢咁做。
我覺得我地呢代父母以前受過嘅苦，唔想小朋友再受一次，會搵其他方法或用更包容嘅心態去令佢地都可以做到件事
我見留言一半一半，我見有個用海豚表演嚟比喻，話”just like in the dolphin show, do you think the dolphins are happy in what they do”
“The audience are amazed in what the dolphins are performing, but how about the dolphins are they happy”
終於明點解依加啲外國人話自己國家啲teenage愈來愈廢😂😂
啲家長一見到小朋友喊就放棄走人離場
唔係比佢試下再行前多兩步
但講真，成長同突破自己係好痛苦
當然前設係佢本身著緊呢件事
想當年自己學畫畫、做project 做到喊，要不停諗嘢覺得好辛苦，但又好唔捨得放棄。加埋對自己要求高，都會想喊住咁做，但過左個階段又係成長咗
不過有啲人可能未做家長，呢個年紀小朋友係好鐘意扭下計，有一下唔舒服/覺得做唔到就喊，因為佢地詞量唔多講唔到，唔識表達就會喊，你係會分到佢係「真心唔想」定「只係發洩一下」
其實果個小朋友都唔算唔鐘意練琴，佢無搖哂頭，發爛渣
真正抗拒反應係超級大
留言取態的確係一半一半，我冇諗過外國人會認同呢一套，因為佢地養育文化本來同我地華人好唔同。
小學以後嘅小朋友有自己思想，要達到目的要成長的確要佢地面對困難，不過我講緊係片中小朋友幼稚園嘅年紀。
我心痛呢個小朋友咁細個就要咁樣練琴，我仍然覺得佢咁細唔會好明自己做緊咩，可能就係為左做到之後父母會讚佢，或者做唔到佢父母就會怪責佢，做到個目的唔係自己想彈到首歌，只係想取悅別人，得到別人認同，咁樣成長其實好唔健康。
另一樣就係，呢一套方法幾十年前行得通，但好多人成年後都覺得好痛苦有反效果，點解唔用其他方法呢？真係冇其他方法去教到小朋友？
Inefficient and unnecessary.
I’m surprised that quite a few of westerners agree this learning process