📌 當你發現自己美貌最大
共 56 條紀錄
當你發現自己美貌最大化咗（即係睇個底好唔好）都未到可以用外貌換取實際利益嘅時候 你就會發現容貌焦慮係冇撚用💀
極主觀意見：我身邊容貌焦慮通常都係啲靚靚哋嘅女仔先有 有感受過靚帶嚟嘅好處 先會驚自己唔靚
因為好似我呢啲真係唔靚嘅人焦慮嚟都浪費時間💀✋🏻 化晒妝set頭都係普通都冇得再普通嘅樣 完全沒有焦慮嘅意義💀 根本不知從何開始焦慮✋🏻
呢個世界哪來咁多特別嘅人🚬 連特別醜都唔係容易嘅事🤣 普普通通先係最少嘢煩🥰
你好叻，超脫呢啲世俗焦慮最舒服。
其實好多靚靚地嘅女仔都得唔到真正意義美貌紅利，大部分都係性騷擾，無實質作用甚至只係困擾。例如會係街上被跟蹤，其實寧願直接say hi，都唔好咁樣痴漢跟蹤，係有啲恐怖。
每次有所謂焦慮我都會問自己2個問題
1. 你有無錢整
2. 你夠唔夠膽整
1無，2都無，ok，結束焦慮，完
無膽做，姐係都唔係好焦慮，真係嫌自己嫌到咁，1/2變靚機會一定會搏盡
無錢做，咁講經
又無膽又無錢，返去訓，夢裡甚麼都有🤪
即係咁講我以前焦慮嘅程度係立志要儲錢整容的 因為柒得滯有俾人冷待過
應該慶幸自己係一個會做research嘅人 俾啲失敗案例嚇到個人睇開咗💀✋🏻
化妆真心对我没啥屁用，所以很久都没化了，有男的敢问我干嘛不化就可以归类成sohai 男
對的底子唔好化妝都無得救，最多拉返去正常水平😵💫已經接受咗盡力後嘅天花板。不過依然堅持化妝，唔係為其他人，而係為自我感覺良好，至少打理好自己都會自然覺得可以處理到其他難題。
真！越靚女越焦慮，反而我生得普通（化妝會有啲紅利），但我好自信😹😹
屌…冇紅利過…成世人都冇俾人抄過牌（呢個我覺得係外貌吸引力指標嚟）
以前自卑過 但依家有種你鍾意點就點啦嘅心態然後就自信咗😂😂😂
我都無比人抄過牌，但追我嘅人都捨得使錢，追到手都會使錢，同無AA男，我覺得呢種算係？？
我細個都無自信，自從好樣左啲，有人追我會送禮物先開始有，同埋對方不停讚我靚，而家就算有人話我樣衰，我都會覺得對方係審美差🤣吾關我事
我覺得係因為你有比外貌更珍貴嘅優點😋 我細個好撚醜 大個好樣少少變返個正常樣但still唔靚嘅人 偶爾都會有人善心大發讚我 但真係唔會太take it serious 自己知自己事🤣🤣🤣 我冇乜care使唔使錢但鍾意過我嘅男仔通常都係啲比較善良比較單純嘅好男仔嚟🫶🏻 即係好似窮人唔會有賊想打劫咁（
多謝你><！！！遇到係好男仔都好好！！因為就算使錢都唔一定會一直鍾意我🤦🏻♀️🤦🏻♀️還是會變心～～不過無呃我錢就得😹😹
成日睇中日韓嗰啲化妝tutorial
包括身邊嘅靚女 我發現
其實佢地化妝係為左 靚 —>放大美貌
我化妝係為左 唔靚 —> 掩蓋缺陷+變得冇咁樣衰
🚬🚬🚬焦慮都已經冇能用了
焦慮真係冇撚用 我依家化妝係偶爾想自己似返個人先化 平時唔化其實咪一樣 化妝個過程自己開心就得 因為化妝對好多人嚟講其實唔係真係咁大分別 有幾多人咁好技術😂😂😂 同埋我已經接受咗自己素顏嘅瑕疵 有瑕疵又點啫✋🏻 鍾意你嘅人唔會因為你有嗰啲瑕疵唔鍾意你 唔鍾意你嘅人點都唔會鍾意你😂😂😂
真係，已經躺平咗🫠已經接受咗自己係「與眾不同」🙂↕️
化妝依然會化，純粹只係自己鍾意🙂↕️
係又唔係咁🤣🤌🏼 同你一樣自知唔係傳統美學上嘅靚人，亦都無因為外貌得到過咩好處（ok都有嘅，最盡係燒味叔叔/姨姨斬雞髀食吓🤌🏼✨），所算係安份守己咁做個普通偏醜嘅存在，躺平到唔會特登買嘢扮靚，衫都無咩興趣買
之但係我曾經都有過容貌焦慮，我唔係為咗想靚同獲得利益，而係唔想再受傷（日日都被人話醜樣肉酸、喺職場上受差別待遇、客人歧視、喺感情上被欺凌、信任程度偏差 呢啲）
為咗避免世界對醜女人嘅惡意曾經都好焦慮 🙃🤌🏼
即使而家無咁容貌焦慮 但係我屋企都係無鏡🙃🤌🏼
我都係因為醜過俾人冷待過所以焦慮 但我係有努力變靚過的 然後先發現其實冇用 雖然啲人態度係好咗 但青春期過咗之後會發現呢啲嘢不至於值得我焦慮😂😂😂 唔再太care人哋點睇😂 然後自然會愛上自己嘅缺陷 認真我覺得成日照鏡係會越照越自戀 因為睇慣咗😂😂
Sis咁細個就睇得開！同你相反，我係喺青春期嘅時候見過太多天生靚女嘅同學所以都唔介意自己係醜，係到大咗要面對社會同拍拖先開始有壓力🙃🙂↕️ 屋企人同當時男友都會當面話我肥矮醜柒毒、腳短、矮肥、皮膚差、手毛多、有虎牙etc🙃🤌🏼一兩句都當廢話，但日日都係咁係會意志力崩潰😂 到而家就算已經遠離咗個環境好多年，就算好多人話虎牙、細粒=得意，濕疹亦都好返哂，但我都愛上唔到呢啲缺陷🙂↕️ 頂多係唔再介意🙂↕️
Sis你係好堅🙂↕️🤌🏼✨真心堅🙂↕️🤌🏼✨❤️
師姐你呢啲真係環境問題 我依家離開咗香港幾年 呢到啲人乜鳩都讚（雖然都係冇俾人讚過靚） 至少冇人批評 個人自然會自信😭✋🏻 拍拖呢啲嘢係如果一個人真係鍾意你其實真係唔會太care呢啲 我屋企人都好鍾意喺我男朋友面前講我壞話… 唔止係樣
即係要靚到可以賺錢嗰啲 就算係整出嚟 十個有九個本身個底都係好好😵
個底普通嘅你揼舊錢落去整容 難啲回本🤣
令我諗起Tvb以前一套劇無頭東宮
陳妙英俾魏駿傑暫時變成佘詩曼樣
感受到唔同樣貌時所受待遇嘅差别
I use my pretty privilege.
未必要自己靚先感受到 識啲靚人已經知靚真係大哂 冇副作用 無敵嫁啦
？我呢篇文係由柒頭角度出發的 我唔係靚人我唔知佢哋真實諗法的 你講呢種靚人確實存在 但我識嘅呢種靚人通常都係因為佢哋有比靚更大嘅優點（通常都係屋企有錢）
我講緊嘅係擔心自己唔夠靚嘅焦慮靚人都確實存在 因為佢哋有啲係靠美貌搵食的
中心思想係醜人再靚都靠唔到樣搵到食所以可以慳返🙏🏻
認同🧎🏻♀️接受 >改變
但希望唔好太失禮
到嚇走人嘅程度☠️
自認審美幾好👐🏻
而現實門檻太高
唔投資落去👄
自身其實點提升
都好難追得到🧎🏻♀️
花錢用好多時間
令自己冇咁樣衰
其實冇乜意思🧎🏻♀️
正常人保持基本衛生好難可以醜到嚇死人… 我覺得樣都係bell curve嚟 醜到嚇死人同靚到嚇死人嘅人數應該差唔多 所以都係稀有品種嚟 我都鍾意扮靚 但有時真係要有啲自知之明😂
化唔化妝都一樣樣, 無人讚靚又無人話樣衰,已經接受咗自己係普通人樣🙂慳返D時間瞓多陣好過
冇醜到俾人恰已經算係咁 普通is not that bad✋🏻 瞓多陣個人健康啲心情都舒爽啲
呢個真 我都係咁
從來無靚過就唔會焦慮
然後都唔覺得呢樣野有咩咁特別😂😂😂
唔知有無人試過因為靚反而受到職場性騷擾或者隱性歧視（例如覺得你靚個老細先請你但份工同樣無關、覺得你靚所以唔識做嘢等），喺呢個時候反而會開始唔打扮……
明，去專櫃化完全妝都係一樣樣🥲
平日遮吓毛孔氣息好啲唔好太似鬼就算
去到一定要化妝嘅階段就唔會有焦慮啦。例如頭髮咩色都唔重要，最緊要遮到白頭髮。仲會焦慮表明你仲好年輕，好事啊！
我已經唔焦慮好耐了 因為我已經喺焦慮嘅時候審視晒身上嘅每一條毛 發現晒自己嗰啲整容都冇得救嘅bug
頭髮白可以染 但係我呢啲頭髮稀疏髮線高扁頭嘅直接冇得救 已經完全冇焦慮嘅必要✋🏻
我基本上冇一定要化妝嘅場合😂 我返工從不化妝的
同埋講起老呢樣嘢我覺得其實20歲後已經開始明顯老緊 at least 我本人係 根本冇得擔心咁多 人又點可以同時間抗衡🚬
你心理健康過有焦慮嘅靚姐姐啊，咁樣真係好好😄人活得簡單啲係最好。
可能我係靚女嘅時候都一樣會焦慮 呢篇文主要由一個唔靚嘅人角度出發✋🏻