當女朋友睇完都插白水，我仲話，你唔覺得多一根苦一生有問題咩？
佢仲話，呻下炸嘛咁認真做乜？況且現實真係男人老狗呻，整個黑色story，真係冇人想理你囉
平時大家呻大家鬧人，唔通每句literally去學術討論咩？
聽完之後，我都係覺得，threads真係少用為妙，太多人冇獨立思考，人云亦云
女朋友係好有主見，所以我哋久唔久都會有啲討論，都唔少係有唔同角度，唔同意見
而完全忽略influencer 留言既權威性同影響力，都係好多人既blindspot
隔離阿強話我唱歌難聽我還好，張敬軒走入嚟話我難聽，相信唔會係同一個維度。Tyson亦都印證咗呢樣野
如果呢類人可以同普通人暢所欲言不慎言，咁呢個世界唔使搞公關，唔使評估風險
我反問翻佢: 咁如果我好似白水咁黎對待你既不滿呢
女朋友: 我會嬲到核爆
我感性上絕對認同“呻下咋嘛咁認真做乜”，但我亦無法否定白水嘅道理。如果夾硬要話一邊錯，我都同意主要係白水低估自己影響力，但同時白水有佢嘅道理，太多人亦過度解讀白水。
首先，將“兩性”同“公海”拉入討論嘅係原po，雙方都有將維度提高。我認為喺網上公開發表意見(尤其開post)，心態上應該要接近做民調/街訪，expect唔同角度嘅意見，每個個體冇必要全面考慮正反感理各方面。如何考量/平衡結果，主要係諮詢方嘅責任，呢種多角度交鋒可以話係公海嘅獨特優點。你以情侶角色講同一番話，當然等跪玻璃。
關於獨立思考，threads係個討論區，各方意見一覽無遺；白水一事，threads都呈現曬感性理性多方意見。我認同冇獨立思考嘅人要減少接收被動同單一媒體，但threads唔算。雖然帶風向係真實現象，亦都要小心唔好將大部份同你意見不合嘅人都歸類成「冇獨立思考」，好容易變相抹殺討論/反思空間。
留意以上只係討論緊言論發表嘅方式，冇討論過白水最想帶出嘅哲學問題。白水想帶出嘅問題同你女朋友“黑色story”嗰part尤其密切，佢就係想提醒男性唔好因呢類思維而歸咎於女性，避免增加兩性對立。
所以宜家啲人越嚟越講感受，越嚟越唔講logic。其實感受同邏輯可以同時存在，有情緒唔代表可以中傷其他人。唔想用腦就係唔想用腦，有乜可辯？總言之，懂得哲學嘅人同人相處係辛苦啲架啦
有班人講對自己有利嘅事可以唔講道理淨係講感受，對自己無利益嘅時候就好似跳晒制咁同你講長篇大道理
人哋覺得聽到多一根苦一生唔開心
就係人云亦云無主見？
啱呀大家都係你屌下我我屌下你姐
都無滅你聲
咁有咩叫不能暢所欲言
你都係照講緊
我都係照講緊
你女友係個正常女人，喺threads就變唔正常嘅threads女人
PS正常threads女人係雙標女
Threads比啲 無咩腦既人用黎網上周圍屌人發洩騎劫哂，大型圍爐區
Common sense not common，個句根本唔係重點，重點係原post呻吓 感受。但有啲人 閲讀理解 0 分，就算見到有人呻，見佢用字 有一句 一隻字 唔夠準確 就有位入，就可以忽略context，仲係到話自己係邏輯思考，事實係 低 EQ 嘅表現。
女朋友又點。女人都可以厭女第一日知？另外，啲唔符合主流審美嘅女emo未一樣冇人理。慘啲直頭被欺凌騷擾㖭。毒就毒啦關佢條撚叉事。自己post d on9嘢上公海搏屌。
Exactly my thoughts!
個KOL所謂道歉都係虛偽地包裝，延續緊原本引起衝突嘅立場，而唔係真正承擔責任。
你女朋友真係難得嘅正常人我亦都祝各位及早遇到
基本上已經係邏輯死亡
請好好珍惜
但係如果見到自己唔同意既野（價值觀上）
唔想周圍瀰漫着呢個風氣，
而令人覺得呢個係主流思想而發聲有咩問題？
雖然好似話呻下，但係咁既諗法可能影響到其他人開始咁諗都係問題黎
至於身份既影響力，我覺得大家都可以想表達意見
就好似你都唔同意佢一樣 有獨立思考架麻
路過見到講下
佢基本呻既都係mentality上同mindset上既野
第一問，佢有無自我強化先
第二問，佢有無反思個mindset係咪應該要咁先
後者好多時都係人云亦云建立出黎，或者約定俗成，咁…係咪得閒要多啲用下個腦諗下啲約定俗成係咪應該跟，係咪只有呢個角度睇先？
平時懶用腦，呢啲呻根本係無病呻吟
如果一個真係好清晰既人，唔係無病呻吟，個帖會唔會咁出咁general?
邏輯是個好東西
無論如何有主見係好事，現實太多人將思考外判比人，就連食咩都唔想諗