發夢見到走咗 15 年嘅嫲嫲。喺夢中我知佢已經走咗 👻 不過好多謝呢個夢，畀個機會我攬多佢一次 (夢中攬)

諗返起都非常慚愧，非常後悔，因為嗰陣同嫲嫲住同一區，佢個個星期五晚就會打電話嚟，問我同家姐聽日得唔得閒飲茶。一個月飲一次又冇所謂嘅，但個個星期都飲，就有啲悶，甚至煩。我同家姐嗰陣一見來電顯示，就會話你聽啦你聽啦，然後老作聽日唔得閒、好忙有嘢做，最後有時索性唔聽

其實佢係個孤獨嘅老人家。一星期見孫仔孫女一次啫，熱鬧下啫，又差唔多次次都塞利是，點解咁都咁難？

嫲嫲病走嘅，我仲記得喺醫院探佢最後一次嘅模樣，因為嗰次係臨飛去美國讀書，我深知道經此一別，已成永訣。果然，嫲嫲秋天時份走咗，我仲喺 common room 偷偷匿埋喊，因為有 roommate，廢事騷擾到佢。可惜返唔到去奔喪，但嫲嫲生前係好錫好錫我(同家姐)嘅

而家想再飲茶都冇機會嚕。啱啱我同嫲嫲講咗句，sorry nei nei，你幾好嗎，希望你唔好怪我，以前細路仔唔識

跟住我自言自語：「細個又唔識，大個又唔識，咁幾時先識」

跟住就淚崩

因為，上年連婆婆都走埋

今次有回港奔喪，卻冇機會喺醫院見婆婆最後一面，因為當時喺泰國。Again 又係好慚愧好後悔，點解之前冇多啲 facetime 婆婆

同婆婆嘅故事，喺 Patreon 講過晒，在此不贅

而家你叫我每日同婆婆嫲嫲飲茶 facetime，我都絕對非常樂意做。可惜，真係真係再冇再冇機會

成日話唔識唔識，咁幾時先會珍惜？

連婆婆都走埋之後，感觸特別特別深

冇喇，對上而家淨番父母家姐，上年紀嘅親戚就係啲舅父舅母伯伯伯娘。華人一般好難開口講 I love you, but I really wanna let them know

I love all of you

見字者，請相信我，不要愛得太遲

嫲嫲以前電話好似係 27646038

做得好…..🥰😘

做得好…….🥰😘

I did it I did it!!! ✌🏻✌🏻👏🏼👏🏼