發現而家喺香港生活真係好容易down app已經down到部機冇晒位-_-
除左Yuu之外
每間銀行一個app，AMEX, BOCHK, HSB, SC MOBILE, HSBC…..
然後HSBC又分多左個HSBC REWARD+，仲有Payme….
仲要未計每次去商場食完飯及個車飛又要app-.-
“請問有冇新鴻基會員？”
“係咪k11會員，可以多一個鐘頭泊車喎？”
其實而家啲app會唔會太氾濫呀？
最黐線係食碗米線想自助落單都要人download app! 然後舉手搵人落單舉到手都軟，因為成個樓面得2個人要做曬收銀、包外賣、執枱同上菜。而其實我一個月先至食一次米線
其實用個website可以做到嘅嘢 唔明點解一定要人用app~😔
雖然知大家應該唔用，但微信就有呢樣野好，所有第三方的app都可以係微信入邊開，不過代價就係個啲app都會攞一你微信的資料（如電話，用戶名）
只要你吾貪小便宜出賣自己 data，好多app 可以避免
所以我哋平台堅持做website版，因為user journey真係簡單好多。一條link或QR code就可以direct去個webapp，自動做埋登入，唔駛download app，用戶體驗直接好多。
不過商戶通常都想擁有個自己brand嘅app，除咗用戶資料，app會支援push notification (其實wallet membership card都做到)同其他自訂功能。無論大定小商戶大部分想擁有自己app，主要原因係覺得by default要有，同埋公司自我感覺良好。好多時product feature、requirements都未有時，佢哋第一句就係話要整個app，我哋好多時都要用啲時間同客戶了解，係唔係app先做到佢要嘅result。
本來 Apple wallet 其中一個用途係做積分卡。但係咁就攞唔到你資料，咁商家就梗係唔用。
一向都最憎down apps
冇咩硬性需求寧願唔要優惠
Yuu 可以cap screen qr code 就儲分🙈🤟🏻😏
家長既仲要有 eclass, 字詞表，raz , koobits,… etc
跑馬除左HKJC 仲有 「 iHorse Mobile 」
😨打錯一粒字會係Apple Store Play Store 搵唔到 咁多App
仲有唔同餐廳都一個app, 大家樂大快活m記kfc牛角譚仔…..
你地喺香港住都話啦，可憐我呢啲唔喺香港住諗住話返嚟旅行食碗米線、係U記/GU買件衫都要download就真係... 重點係咩？我個ios address 唔係香港 我直頭連喺app store連個app都搵唔到...
魚與熊掌不可兼得呀，
要攞着數（mall)就犧牲吓吧.. 
而家我調返轉，開始刪app刪會員，少用嘅太癈嘅都開始淘汰
app 多唔代表佔位（儲存空間），用得最多既肯定係相/影片，Whatsapp/平時既通訊軟件，因為入面佔有大量相同影片無刪。
銀行app依家可以一個app連去其他銀行 原來係聽左你訴求
仲諗住邊個會用
真係好一次性/幾個月先開一次 (對我黎講yuu同某幾間銀行係)，我會用完就delete... 或者根據你自己生活習慣，睇下有無得精簡件事。例如我叫外賣通常都係公司同屋企，所以我電話係唔會有外賣app。又例如轉數快覆蓋範圍多過payme（對我黎講），我就直接用銀行app嘅轉數快，又可以少裝一樣
有時覺得大陸支付寶、微信，裏面小程序仲好，唔駛搞到部手機亂七八糟。
本來一個微信搞 L掂 99%提過嘅 app！
點知班港燦阿吱阿咗，又私隱又風險又要兩制。香港 IT有幾廢，淨睇下'智方便'、'八達通' 就知！
大陸 wechat日日十幾億人用，真正秒秒鐘幾 mil上落。阿爺睇 L到實一實。
香港？真正犯賤！唔抵可憐
大快活我覺得人性化d 叫外賣自取係web 唔係app🙏🏻🙂↕️對比大家樂 三哥真係方便好多 試過見到大家樂要我download app 即刻唔買佢
每間舖頭/品牌/公司 如果諗marketing嘅話 好多時就係「整個（會員）app囉」🫠