發覺自己份份工都做唔長
一份9個月 一份2年
而家呢份3年 又準備想走
其實同事冇乜嘢返工地點都唔遠 只係好厭倦
究竟啲老屎窟點樣喺同一間公司做廿幾三十年
定只係我哋呢一輩唔捱得
利申 90後
其實而家個文化唔同往日
我哋唔應該再嚿屎嗰套limit自己
與其標籤自己abcde唔得
不如刪返埋對耳仔focus吓自己究竟擅長咩？ 不如試吓做啲大膽嘢？
哈哈哈 🤣 笑看人生 傻人總會有傻福
想做咪做多啲 唔想做咪做少啲 唔好勉強自己 我唔會同人比較每人有自己個timeline & path 去領受。 🪷 You only live once, nothing to lose!
環境,性格問題！年紀越大,越難轉工！其實打工為錢,搵到好工,才考慮轉工！
唔算短啦，做得長都唔一定好，有時靠轉工「加人工」，厭倦咪轉下環境囉，不過依家可能難d搵到工，睇邊行，想轉好快d轉，年紀越大越難轉
係，我以前間間公司每年都只係加$200-500，所以我經常轉，每次轉都幫自己加1-2K，如果無轉過工我諗自己仲慘
三年好長喎，我25歲前份份工都做唔夠一年，全部都係半年九個月，最長一份先係差唔多一年，不過好慶幸搵工都好順利，份份工都話請我，無因為短而唔請我
做到三年已經好長 再耐啲會好易定型
出面怕你無競爭力 & 魚唔過塘唔肥😆
我都有咁既問題，好羨慕00後做slasher、數碼遊牧
90後 一畢業做一間公司差唔多4年 但過左4年後開始想繼續 5年 10年咁做落去
你見到嘅old seafood 可能都jumpy 過🤣
只係年紀大咗難轉工
同為 90 後，第一份工 5 年、第二份工 2 年、第三份 4 年
考咗兩個專業資格，而家等經濟好啲就再轉
頂到一年到三年已經好勁 🥹
只頂到最多一年就搞唔掂😑
最快就三個月 都係90後
1年算長，我做左14份長工共14年，6年兼職，兼職係18-24讀書，最近做保安，夜晚訓覺日頭炒股
如果我搵到份我捱到嘅好工 我都會係做十幾二十年嘅員工
只係我每份工嘅老細都當我棄子/奴隸
所以先無一份工做得耐
如果你做果行係跳下唔同公司先會學到野/升職 why not?
而家真係唔同以前，我就係你講嗰啲老屎忽。諗返起都覺得自己逆來順受，天南地北公司叫到我都去。後生果批同事，唔捱得就梗㗎喇，不過我又唔覺得佢哋有乜嘢錯。幾年轉一轉工，轉得好咪冇問題囉。
但如果本身冇料又嫌三嫌四，又唔捱得就自己諗
3年算長啦！我以前份份工都係2-3年就好厭好厭，依家可能年紀大，只求安穩，心理調節得好，時間就過得好快，諗住做到退休🙂
做得愈耐發覺文職工作都係差唔多。身邊人不太差就可以了
覺得冇乜嘢，重要係開心，如果冇咩負擔，唔想做咪唔好做❤️
同一問題😖😖
其實可能唔係間公司好
係佢哋已進入化境😓😓