📌 白水事件簡直係香港社
共 45 條紀錄
白水事件簡直係香港社會性別輿論荒謬現狀嘅集中reflection，咁都畀人炎上簡直搞笑，大部分討伐者嘅雙重標準簡直令人髮指。原post得五句話就有2/5喺度暗指女人easy mode，多一根苦一生，近一半文字比例喺度講緊女人，幻想女人情緒好容易處理，而女人係不可反駁，因爲樓主宜家好「脆弱」。oh funny，我以爲呢度唔係threads添？入咗互助小組？平時睇咗兩三句就開始指點江山嘅香港人呢？以mean爲豪嘅香港人呢？男人講咗啲冒犯內容，連就事論事反駁同批評都唔得，因爲佢需要ungg啊，要照顧佢情緒呀？Wow！一個呻下呻下嘅post講到好似佢準備企跳咁大件事，我以爲係threads嘅新norm添！
前幾個禮拜，threads有個情緒激動嘅未成年少女，影低佢同爸爸喺港鐵上捉咗個非禮犯，有一大批男人衝入去，鬧佢喊嘅時候把聲好難聽呢！guess what，同一批男人過兩個月後，喺度like緊啲post話白水無視男人困境呢！點解女人捉非禮犯時個情緒又唔體諒啦~！以下係同一個人嘅真實留言：2日前「白水爲咗刷女人鞋可以幾咁無下限」3月27日「影下裙底少忽肉咩，你把聲成隻癲雞咁」！另一個人嘅留言
話，「好少人會關心男人過得好唔好，開唔開心」，跟住係「我一直唔明點解有啲女仔被偷拍後反應咁大……偷拍又唔會對你造成咩損失」。amazing！
更搞笑就佢地喺度用mansplain形容評論區嘅反對聲音，以爲自己識用「女拳term」攻擊返女拳好勁勁。我同你講乜嘢係mansplain：原樓主講「女仔一個眼神一個神情一張story一堆噓寒問暖」，that is not true，呢個係你嘅幻想，你連女人都唔係就唔好9up。
呢個先係mansplain，而當女人要講我自己做女人呢個根本唔係事實嘅時候，成班男人都要求收聲，呢啲先係mansplain。而個只係情緒唔好、只係confuse嘅樓主講開啲乜嘢呢？一個女性分享自己畀網友性騷擾問「你平時會唔會DIY」，佢覆「其實樓主想炫耀自己，我覆到咁hea，班仔都照R我傾計」；女網友分享自己同兩名好友合照，話3個都靚，佢覆「有孫未」；一個男人話要發明新手機殼，費事畀女拳屈偷拍，佢入去圍爐「佢話係就係，理得你有無鏡頭」；一個女網友講自己好燥底，因爲男朋友無端端話想生3個，但「生唔生係我決定，唔到你話事ok？」佢話個女網友「feel到狂躁症」。點解呢啲女仔
嘅post無得到佢嘅「噓寒問暖」呢？
喇，再睇返佢個post，大量男人喺度指控白水同其他人無回應樓主嘅情緒，長篇大論咁屌，而你睇返佢地大部分人自己post嘅相關所有嘢，有無一句直接回應返樓主嘅情緒，講一句兄弟你可以搵我傾訴呢？係無架。wow！
佢地根本唔care個男人有幾慘，男人無得呻，佢地最care嘅其實係，當佢地總結女人、判斷女人嘅時候，畀人反駁了。佢地要捍衛嘅唔係男人可以自由表達脆弱嘅權利，they don't even fucking care about that，如果唔係宜家個討論就會係點建立活動同空間畀男人表達，而唔係喺度鬧女拳。（噢，有個人share咗一個討論男人表達情緒嘅講座，跟住佢地話因爲嘅海報係粉紅色，所以一定都係嗰啲論述，係女拳嘅陰謀。但又唔見佢地自己搞個藍色海報嘅活動呢。）
佢地care嘅權利，唔想讓出去嘅權力，係男人可以講「女人就有一堆人噓寒問暖」「多一根苦一生」嘅權力，可以隨便評判女人所有方面嘅權力，引申得再深小小，係將女權論述入邊「父權社會阻礙男人表達脆弱」呢個觀點噤聲嘅權力。好多人根本講唔出白水嘅觀點有咩問題，只是因爲「時機唔啱」，所以變咗
mansplain，WLTF時機？？？佢地有情緒表達時，你唔可以講呢個觀點，因爲佢地「脆弱」緊，佢地無情緒表達時，你又唔可以講，因爲呢個係女拳嘅陰謀。最令佢地發曬癲嘅，係呢個觀點竟然由白水講出，白水！你係一個男人！而荼毒室，最諷刺嘅係，hahahhaha，荼毒室一直係個知名將輕視女性若有若無咁融入自己節目嘅boys club。呢一刻黎到呢度，白水/荼毒室簡直係完成咗對男人嘅終極背叛，你竟然將「男性脆弱」呢個陣地，拱手劃分畀女拳！佢地知道嘅論述成立，但你點可以就咁樣同意女拳！
畀人性騷擾、偷拍、畀男朋友叫生3個嘅幾個女仔，出po時都好脆弱，點解唔見樓主接住人地嘅脆弱？因爲大家都心知肚明，「我好脆弱無人想知」根本唔係重點，「女人就有得點點點，多一根苦一生」先係重點。然後當你指出呢個表達同事實不符，邏輯唔通嘅時候，一班男人衝上黎話：呢個時候你竟然同我講道理？！（咦？平時唔係最鍾意話同女人嗌交時女人唔講道理嘅咩？）
一直以黎，我都唔會好似一啲朋友咁，同意用「男人嘅脆弱不被看見都係父權社會造成」黎嘗試說服男人了解女權主義。唔係因爲呢個觀點有問題，而係我覺得性別批評者最好認清：對多數男人黎講，
父權帶來嘅好處，係遠大於「唔可以喊、無人畀我表達脆弱、唔可以唔追求更強」呢啲minor副作用。你唔好旨意你同男人講父權社會令你無得表達脆弱，佢就會反父權；佢地想要嘅係：喺唔改變父權社會嘅現狀下，再有人安撫佢嘅脆弱。麻煩你地認清，佢地已有嘅特權係唔可以再少架！如果要讓渡部分特權出去，咁佢寧願揀無得脆弱，寧願就咁偶然喺網上呻下，夠架啦！有好多bro會boys help boys咁嘴埋去架啦！
「男人無得表達脆弱」呢個議題唯一重要嘅時刻，就係喺同女拳大戰時，作爲情緒勒索攻擊武器嘅時刻。當道理講唔落去、連鬥慘都鬥唔贏時，「男人表達唔到嘅脆弱」就係大殺招。呢個時候，「男人無得表達脆弱」突然就係全世界最重要嘅事，重要到議題討論、對樓主暗諷女人嘅反擊都要爲佢停止。相對於「男人表達脆弱」嘅權利，「男人用『無得表達脆弱』黎反制女權崛起」嘅權利先最重要。所以呢個戰場係絕對唔可以劃入「父權社會造成」嘅，無論訴諸情緒還是唔承認論述，只要達到呢個目的就好，所以今次嘅輿論先至大發癲。所以開幾多live都無用架。荼毒室作爲
boys club（or call it復仇者聯盟模式：主角團：特色角色1，特色角色2，特色角色3，女人）認清下啲boys啦。完。
你打咗好多我observe到同本身都想講嘅現象出嚟，不過我已經攰到對呢個topic無乜興趣，唔覺得大家會solve到啲咩問題 👍🏻
平時：女人下下都淨係要解決情緒而唔去解決問題☕
白水reply 完：白水冇俾情緒價值樓主 冇人想聽你解構父權社會下嘅男性困境
係咁架啦，男人日日屌女人做雞、坦克、肥西就得，唔滿意就「第一日上網」？
男人俾人屌返轉頭就話要照顧情緒，就話男人有困境？？？
屌人地時就話要大度「係你小器係你敏感」，俾人屌就唔得，香港網絡蝻正常發揮啦。
你仲肯打咁多字嚟解釋俾唔肯聽嘅人真係好佩服🙏🏼🙏🏼
真
呢個星期睇到攰
明明解答咗，一係當睇唔到一係話扮嘢
首先我認為覺得唔係事實甚至被冒犯要指證絕對可以，但係咪應該用適當方法？係咪由細到大無人教過點溝通？見到一個表達沮喪既人（無論男女）先肯定對方痛苦安撫左再平和理性指出佢既誤解好難？正確理論、表述事實就等於絕對正確？連咁基本既野都理解唔到真係靠揸筆搵食？
其次原Post中為數不少女性鐘意用「男人都唔幫男人怪乜女人」論調，但到有男人出聲幫男人既時候睇下講乜？「入左互助小組」？你自己真係唔覺有問題？
我自問平時都Mean但見有任何沮喪既人都會慰問左先，包括今次樓主即使事後有人指佢厭女（厭女原因唔討論，純粹父權觀念影響定被女性逼害過而報復社會無人知）而我亦唔後悔有出聲，唔通安慰人都要爬文先？見到人企跳又唔通起左底先再決定報唔報警阻唔阻止？甚或佢真係作惡多端又係咪表示要放逐佢以後失去被關顧既權利？
好佩服你嘅行動力，當初我都有嘗試碌返原po樓主平時講嘢係咪咁，但碌兩碌就放棄咗因為我唔夠恆心
真心呆左
成班人炎上白水出聲道歉時機唔啱
呻男人多一根苦一生串女人easy mode 大家覺得OK
Call out呢種行為 大家覺得時機唔啱冇尊重男人感受要道歉wtf
哪怕輿論冇覺得白水講嘢係錯，只係時機唔啱
女人俾人串easy mode呢樣野喺成件事入面都係隱曬形
女人既感受亦都冇輿論理過
聲大夾惡就係啱😅
平時網絡輿論最鐘意性別定型女人好情緒化
而家就突然之間女人情緒我唔care男人情緒好重要
1）我哋最終目標應該係支持男女平等
2）指出網上有 女權/男權 的白痴言論好容易
但唔可以 justify 對方可以犯同樣錯誤
正如依家好多大陸人講美國缺點 去 justify 中共啲衰嘢
3）互相指出 男權/女權 的謬誤言論係 OK 而有益的
我都唔知點解我係咁見到呢啲post …
好攰好辛苦，其實只係令到一啲正常嘅男人更加辛苦。。。我都同情佢哋，就係大家幾時肯坐低慢慢傾咁樣互相攻擊對方其實大家真係有開心到咩？又double standard…
Click post右上角個⋯ 選擇「沒興趣」
Boom！Threads會推少啲呢類post俾你
最近例子仲有1. 女學生上莊就咁po咗本人張相乜都無講，成班畜牲衝晒入去坦克豬西咁叫
2. 有女user指男朋友嘅男性朋友淨係識叫佢阿嫂而唔叫佢本名，覺得無咗主體性感到不被尊重，一堆人衝入去鬧樓主kam，幾千人讚好
然後嗰啲關懷情緒撚靜晒，喺另一度繼續鳩叫「女人一個眼神就呼風喚雨，生為男性慘絕人寰」
講得好好呀！香港喺呢方面真係好落後，未有thread之前我都未喺香港聽過有人公共咁討論呢啲好基本嘅性別議題，如果能夠令更多人去重新思考同認識呢個問題，咁其實白水嘅勇敢係值得欣賞嘅
擺番係度先 呢個係其中一單我想講threads岩玩就玩 唔岩就唔好玩啦quit左佢 既原因😹🙏🏻
我都未有時候了解晒 但值得大家反思 女權呢單野我都未有時間發表 🙏🏻😹
佢哋問自己點解單身，但上天要佢地絕後就係呢個原因。
建議所有非同性戀人士，但對自己另一性別在社會上令自己感到受剝削，或打壓的人，都應該轉變自己性取向，而想要生育的人，抱歉，男性是比較蝕底，沒有子宮，現在已有不少女同接受試管嬰兒，好處是還可以自己選擇男女，只要你們選擇的性別是女，而且教導「自己」的女兒成為女同志，這個世界，男性就可以慢慢絕種。
相信這才是解決男女問題的方法，因為一日有男性，沒文化沒教養的蝻，只要在各個公共空間，製造或貶低女性的行為或言論，例如話女人係臭雞、坦克等等，就會dominant整個雄性種類是在侮辱、貶低或物化女性。
如果轉換性取向行唔通，建議一律單身到終老。
留友串文係咪全部都係女性，或者gay or les？純問。
多謝打呢篇文
我被洗版洗到以為自己入左平行時空，一度以為自己同社會完全脫節
「以mean 為榮」呢家嘢我只能講我唔認同，呢個絕對唔係一個值得驕傲的香港精神來
呢單嘢講到尾係值唔值得放到咁大來睇：
-原文樓主係 nobody（有錯請指正）
-佢喺 threads 呻
-游咗出公海
-引咗KOL 入來覆
-大戰一觸即發
發文者根本無諗過會爆成咁。我冇話佢啱，但咁樣放大法一大堆人言論都有問題，只係因為有KOL 覆就被成堆人批評然後直接忽略咗佢面對嘅唔開心，我只能說這是不幸中的不幸
有心推動女權的話，真的別再建基於該發文討論，對大家都沒好處
???
澳門人看了幾天，我知事件還未完，但大家可否諗下，點樣設立適當的空間，俾持不同意見的人反思同成長？
其實呢度就係個空間
至於有無反思同成長，就要視乎人能唔能夠放下自己嘅自尊心同面子，去接受一啲自己唔認知嘅事實
還有一點也很重要，成長不是一朝一夕達成。即使放下了自尊心和面子，都還需要一段成長的時間。
Threads 平台本身沒咩問題，但用戶之間，往往容易 assume 成長應該在醍醐灌頂的一剎那完成，成長真係沒咁易～～
歡姐果然係當代香港我最喜歡嘅性別評論家之一🫡句句到肉！
Adore max 😭😭😭🙏🏻🙏🏻🙏🏻
平時成日睇到佢地既雙標言論無cap低
樓主直情去起埋實際同一個人講過咩
唔洗俾佢地話打稻草人
💯💯💯💯
其實佢哋根本就唔係唔明，或者冇諗過要明，佢哋從一開始就冇諗住同你講道理。
算啦，網民都係鍾意喺網上批判吓呢個嗰個，捉住少少嘢無限放大。佢哋基本係無差別攻擊，反正又唔駛錢。好多時d comment莫講話共情，有時連基本邏輯都缺乏。幾肯定如果面對面同佢哋傾佢哋又會擺出另一副面孔講另一番說話。所以莫動怒。
好精癖嘅sumup💖
所以話 啲多一根苦一生嘅痛苦係由自己做成😌