真係唔明白，琴日幫個婆婆搬屋
上上落落都要三四次
嗰屋苑該樓層有兩部lift，我哋用其中一部
當有人等𨋢嗰時我哋都禮貌同佢講，請佢可以用另外一部。因為怕我地搬嘢嗰時，撞到佢或者令佢哋等得耐。第一二轉都遇到啲居民，喺度小蝦拆蟹。
第三四轉，我就粒聲都唔出，見將啲嘢搬去個lift度。由得啲人企喺裏便。
反而啲人乖乖哋企喺裏面等我哋搬嘢，真係等唔切就自己過去搭隔離lift。
我真係想問，究竟呢個係乜嘢世界？

你諗嘅係盡量安全啲，佢哋諗嘅係你有責任唔好撞到任何嘢包括人或𨋢
你諗嘅係其他𨋢快啲閂門上落，佢哋諗嘅係快啲入到𨋢就係快咗
你諗嘅係明明有另一部𨋢照樣上落，佢哋諗嘅係你哋霸住一部搞到2變1

人係犯賤🤣🤣

我只不過覺得我哋阻住人作出一個禮貌提示
都唔知係好似你咁講犯賤
定係欺善怕惡？

欺善怕惡！