📌 真係好唔明白，亦都冇
共 47 條紀錄
真係好唔明白，亦都冇辦法理解，
有啲父母明唔明白咩係朋友聚會？
朋友聚會，同朋友家庭聚會，係兩樣完全唔同嘅嘢。
朋友間嘅家庭聚會，就係一家大細、老公老婆仔女，一齊出嚟玩；
但如果係朋友聚會，就係大人之間，仲要係朋友本人，唔包括其配偶同小朋友。
我自己都有小朋友，但我從來未試過帶小朋友去「朋友聚會」
朋友難得出嚟傾偈、吹水、甚至傾訴心事，有小朋友喺度，基本上已經抹煞咗朋友聚會嘅意義。
如果你需要家庭樂，就唔好出嚟見朋友；
如果你想見朋友，就唔該放低配偶同小朋友；
呢個我覺得係基本嘅尊重。
無論朋友係單身、結咗婚冇小朋友，甚至結咗婚有小朋友，都唔會想朋友間食飯嘅時候，有小朋友出席。
如果一定要帶小朋友，請有自知之明唔好出嚟；
帶住小朋友，其實唔止影響氣氛，直情夾硬逼其他人一齊要應酬你個小朋友，變相阻礙甚至浪費咗一個本身好珍貴嘅朋友聚會。
已經一而再、再而三，
朋友聚會嘅時候，有人突然間帶小朋友出嚟，有啲誇張嘅甚至仲會帶埋配偶
我老公去朋友聚會，從來都係單拖。
如果其他人帶小朋友，佢不如留返喺屋企，同自己嘅小朋友玩
事先講明好ok
無啦啦帶就無咁好
不過都唔會特別嬲啦
對朋友無乜要求
大家出嚟見吓咪好囉
搞到要出post嚟講
睇嚟你都真係好唔鍾意小朋友
AGREE 100000% 有時難得諗住girls talk又變湊仔大會 （如果冇人睇住冇辦法另計） 帶配偶不如唔好出啦
睇吓你哋約嗰陣時有無講明。如果你好想齋girls , 應該提出，我自己唔會assume 人哋會有一樣睇法，特別係一啲自己湊小朋友嘅媽媽，無工人、無長老幫手嘅朋友。睇吓你約嗰陣時有無講呢個係「朋友聚會」，唔係「朋友家庭聚會」，定係你覺得「佢應該明㗎啦」，佢可能唔知你有呢個區分。
你嘅想法都理解，因為每人都有「優先次序」，你唔想將資源、時間放响朋友嘅小朋友身上，係OK的。不過你朋友可能覺得「見面就係見面，我見到你、你見到我」就達到目的。呢個就係差異點。我有朋友約我去旅行，話明adults only, 雖然我都想去，但我唔想放低小朋友幾日，又唔想要別人遷就我，所以我最後揀唔去。我覺得我朋友開宗明義說明係好好啊，好過我話帶小朋友，但其實佢心底又唔想。佢有人幫手湊，我無，而且我都唔想因為旅行而放低小朋友。唔係我唔重視朋友，而係大家現實考慮唔同。咁我哋可以做其他嘢，係朋友就會搵到共同點。同埋，如果大家約，我都會問聲帶唔帶小朋友嘅
我講嘅重點唔係話有冇人幫手湊，或者應唔應該帶小朋友，而係「朋友聚會」本身嘅性質。如果一開始係約朋友聚會，Guy's night/Girl's night 就唔好帶人
我同老公冇工人冇屋企人湊小朋友，但我哋從來唔會自己帶住小朋友去朋友聚會，所以我哋亦都從來冇同朋友去旅行
咁我估你朋友無呢個覺悟，唔清楚兩種聚會之間嘅唔同。假設你約去酒吧，佢應該會知girl’s night. 食飯我諗佢未必知，要你提一提佢
你嘅睇法inspire到我
我一直都覺得，呢啲人嘅問題係強人所難，對朋友都冇基本嘅尊重，變相要大家配合佢個人嘅家庭安排
但我冇諗過，有啲人可能係不自覺地完全冇咗自己，分唔清原來唔需要24小時都係一個父母嘅身份
Can’t agree more. 完全無興趣識佢另一半，有必要咩
『無論朋友係單身、結咗婚冇小朋友，甚至結咗婚有小朋友，都唔會想朋友間食飯嘅時候，有小朋友出席。』
唔同意，如果個小朋友又乖又得意，唔會唔想朋友的小朋友出席喎。
認同你我講法，可能我係以目標為本聚會的人。大家約出來主要是朋友交換近況，可能會作深層討論之類，就算我幾喜歡他們的小朋友(5歲下)我都唔想他們出席，因為作為父母的朋友定必要分心去照顧，成個聚會就好易將焦點移到小朋友身上，而本身我出來聚會的目的就達不到，我出來就變得毫焦意義及浪費時間，成個聚會比小朋友騎劫，試過一齊玩board game最後朋友都分晒心完全掃興！
最不爽的是他們在約好後聚會日子，到前一日或即日才通知會有小朋友出席。他們會認為我因xyz原因而帶小朋友到來，希望大家體諒。但他們又有沒有體諒我們的感受呢？我個人認為這位朋友是有點自私，因為他又想出席聚會但又沒有辦法放下小朋友，最後破壞聚會氣氛及目的。
自此之後我學懂了，一開始就要說明規矩，以免聚會被騎劫！
Exactly!!! Very true!!!
有小朋友在場，就一定要睇住、就住，結果幾個朋友一邊傾偈，一邊又有人要去廁所、照顧食乜飲乜、飽未，成個節奏完全斷晒。Board game我都試過，明明幾個人鋤dee，突然有人話教個仔玩，叫啲uncles「侵」埋佢一齊……大佬，你想教小朋友就返屋企教啦，本身朋友局變咗教學班，真係好掃興。
如果係突發情況，當然可以體諒。但好多時根本唔係突發，而係約好咗之後，為咗自己方便先臨時帶埋小朋友出嚟。
例如費事特登送返屋企、個細路都想食、個細路都想去(睇戲、去打波）、或者另一半突然話你要湊埋個細路去，咁其實你應該處理好先，而唔係影響成個聚會。
仲有啲係唔係詢問，而係直接「通知」我今日會帶埋個小朋友出嚟，甚至仲會帶埋配偶……
最怕帶埋小朋友，我連家庭聚會都唔想，傾唔倒計，好掃興，有啲家長係好重視小朋友架ma，出到黎又話唔比玩手機，同佢傾緊計，個小朋友係咁媽媽媽，個阿媽又好尊重佢咁打斷我應佢，咁有冇尊重下我呀？
我自己如果一定要帶小朋友出席，我會比佢地screen time，如果小朋友係咁叫我，我會同佢地講媽咪傾緊計，因為我好珍惜同朋友吹水既時光
同樣地，如果要親子時間，我會選擇返同自己一家人一齊親子
同埋好多朋友只係想玩下bb，4歲以下好得意咪想見下，小朋友大小小開始走黎走去，男仔跑跑跳跳，會有好又厭童既朋友會背後指指點點講壞話，就無謂啦
真 個小朋友都想有人同佢傾計
你估佢又好想出席老母啲「老人大會」飯局
（係佢眼中都係一班uncle auntie)😂😂
我覺得下次你一定要強調Girl‘s talk唔帶小朋友呀！！！可能要講到咁明佢哋先get
我覺得可以公平啲，如果一班男人聚會，可以單拖出現，如果有小朋友又老婆一齊，朋友都可以帶埋老婆仔女就冇問題🤣事先夾過先囉，明知單拖又帶個老婆出現成件事好kam,出黎玩就住就住
睇吓啲小朋友幾大。 不過講真細嗰啲未必明白你大人講啲乜，大嗰啲你比部iPad或者俾本書佢，佢哋都應該冇問題。（講緊乖嗰啲）我之前同班friend 出嚟，帶埋小朋友，我哋完全乜都照講，粗口照講。 其實諗返以前，我嘅父母都係帶我我哋嘅兄弟姊妹出去食飯，冇話留低俾工人。其實小朋友係要適應同其他大人相處。
但帶左小朋友就會就住就住，特別係我做阿媽既，冇得飲好多酒，冇得食煙，冇得傾到半夜三更
我自己係媽咪，我分得好開的，朋友聚會定係家長聚會？
我最怕有friend 當日突然話要帶埋個細路出嚟，有時話老公唔肯湊兩個，點都要帶一個…. 成個vibe 唔同晒，講嘢都要就住，唔想喺小朋友面前講粗口，食嘢又要照顧吓小朋友口味🙃
Same!!
而且好多朋友本身冇小朋友，人哋自己都冇打算生，更加唔可能想應酬其他人嘅小朋友。
我都聽過好多呢啲朋友呻，話朋友聚會總有人自把自為帶埋小朋友出嚟。
其實就好似一個人冇拍拖，只係約朋友食飯，但對方無啦啦帶埋男／女朋友嚟一樣 🤡
有時好耐唔約一次，唔係什麼講心事都想聽吓大家嘅近況，你帶個小朋友嚟，仲要應酬吓佢，講嘢又要就住，唔通係佢面前講爸爸壞話咩？🤣🤣
最慘係臨到出嚟前兩小時，佢先講話帶埋細路，成個mood都唔同晒
就係咁！根本就係好耐先約到一次，好難先夾到時間出嚟，
朋友之間約食飯，本身就係朋友局，點可能好似有啲人challenge 唔講清楚點知唔係闔府統請？
好似你話齋，點傾偈？
Girls night / Guys night，多數都係出嚟呻吓、傾吓心事，唔通個個報喜？
「係囉，呢排好攰，唔係... 梗係唔係因為湊住小朋友啦～
老公...好，6299...更好！
好啦，大家應該update完，我哋可以散啦！」 😆
女人聚會，難免講吓老公同99啦😏
唔通專登出嚟讚佢哋咩？🤣🤣🤣
明呀！
唔係介意見小朋友，甚至對方配偶。
但真心，
同我 friend 嘅係你呀，
約得見面就梗係互相霸佔對方嗰段時間去吹水架啦！
帶埋唔緊要，
講聲等我有個心理準備。
事先講明囉- 今次剩係girls talk 或今次可以帶小朋友.
Agree, 有時我同朋友出去食飯，佢地叫我帶埋阿女，我都say no, 喂難得出去鬆一鬆可以吹水，唔係仲要出去湊女呀？
完住明白嗰種感受~
仲有一種朋友聚會，話題會比其中一個朋友騎劫咗，全場聽佢分享佢個仔/女嘅嘢，OMG 明唔明咩叫朋友聚會？
朋友緊會中仲有啲係單身同冇仔女人嘅😪
知你仔女圍住你轉，但唔好聚會時開口埋都係講你仔女嘅嘢囉! 冇人主動問，即更本冇人有興趣聽啦~~~~
呢啲人之所以一定要帶埋細路配偶，係因為佢哋已經冇咗自我，只能夠靠家庭呢個殼嚟定義自己
其實如果有小朋友嘅朋友，講明話因為某種原因，例如姐姐唔喺度，老公臨時有事唔得閒幫手湊唔介意嘅話先至出現同帶埋小朋友，咁樣會好啲。反而男人聚會好唔同，男人聚會大阿B，好似會比其他男人歧視咁，大家會唔會覺得呢？
如果你留意我最後一段....
我講嘅情況其實係頻繁出現喺我老公身上😌
我其實明ga，但係無人湊仔我只可帶埋我仔去。。
不過而家佢都大大地，可以幫我同frd 影相。
睇化妝品會幫我揀色。睇衫會靜靜坐低等我。
其實如果真係當對方係朋友，你唔想咪出聲囉，人地點知你心入面係咁唔想見咩，又唔出聲又要擺上網鬧，friend極有限
帶埋配偶真係難以理解，有時啲朋友帶小朋友出嚟我都算啦，可能小朋友細而屋企係冇人幫手湊，但既然另一半都得閒咁點解唔由配偶湊小朋友，自己出嚟同朋友聚會呢？
個人比較唔鍾意帶另一半果啲，小朋友易氹，帶佢去公園玩，俾啲野佢食，你就可以繼續同你個朋友傾偈，老公就多數痴到實，同埋成人會比小朋友明傾偈內容，唔想多個人多個意見，仲有小朋友都體諒無人湊被迫帶出嚟，但老公都成年人啦，識照顧自己啦，仲喺度聽女人傾偈真心唔明。🙂↕️
講中晒我心聲👍🏼👍🏼，成日都冚家出嚟連體嬰咁樣，好鬼煩。然後所有注意力或者話題都落晒小朋友身上，悶到抽筋
我絕對明白你呀明明想 girls talk
但突然間大家一拖二一拖三一拖四我勁無奈。
雖然老友個女都係我契女，而我都好錫呀女~~但係有時我都好想同我老友二人世界。 咁所以有時就約喺阿女返學嘅時間 我哋食個晏咁樣囉。
然後有啲時間就同埋契女一齊去玩，都開心嘅。
完全明，我都有小朋友
最驚係無啦啦又帶一家大細出嚟
特別仲係bb時期
成日好想人地睇到佢個小朋友咁
除非真係搵唔到人湊，咁就自動唔去，
如果佢地好想我都嚟，講明細路仔真係要一齊出席，無辦法，問清楚大家介唔介意
下次落酒吧啦 一定帶唔到😂😂😂😂😂
帶出嚟預左要比手機佢睇
你估個細路又好想出席老母啲「老人大會」飯局
（係佢眼中都係一班uncle auntie)😂😂
其實可能唔想應酬你哋，但又唔想推，所以先帶埋配偶小朋友🤭
如果呢位朋友每次講明係朋友聚會都仲帶哂成個family 出嚟，考慮下次唔好再叫佢🤪
其實兩樣都冇所謂
事關啲小朋友大家都識嘅，可以幾個自己一齊玩，大人照樣做自己野傾計飲酒，有時仲會大人細路一齊玩下board game
當然喇，識得耐嘅朋友係比較容易做到嘅
不過講到底，最緊要係大家見到面，享受當刻
要睇下班朋友點諗，有時候個個都想帶小朋友，係得你一個咁諗，同埋小朋友既年紀都有影響啦，夠大個個小朋友都唔想跟來。
咁你哋約聚會時，有無講明係「朋友聚會」，not「朋友家庭聚會」，小朋友和另一半不歡迎？
我有時同朋友出去，都唔想帶仔，想舒舒服服傾計，反而係啲friend 話想見我仔，不過我都係唔會帶，除非朋友既仔女都出嚟aka你講既「朋友家庭聚會」，咁我先會帶埋個仔出去。