真係好想講未生嘅千祈唔好生
做人阿媽真係好難頂但又要頂硬上
又要返工仲有搵錢壓力真係好l辛苦
今日崩潰左忍唔住喺2個女面前喊住講我唔想做媽咪呀 😭

GG
竟然咁都會中流量密碼
我等陣會同兩個女講尋晚好sad嗰陣我出咗個咁嘅post，然後竟然有咁多comment
lol
瞓醒一覺情緒過咗又係要繼續捱頂硬上 🙂‍↕️
解釋ed攬ed錫返
等陣要再Filter吓邊啲comment可以俾佢哋睇邊啲唔適合 lol

我早幾日都係呀！
我姐姐辭咗職，我又要返工，然後我媽咪咁啱又病咗，我奶奶又71歲又要去飲茶又要去玩，所以佢平時都冇特別參與我湊小朋友，早幾日我個仔腸胃炎入左醫院，我仔佢開始好返，然後到我開始病，佢開始精神，於是不停撩得返半條人命嘅我講嘢，我當時係zoom meeting，要跟啲工作嘅嘢，仲要講故事陪個仔，跟住諗起屋企有好多好多衫要洗，污糟咗嗰笪地未抹乾淨，我就覺得好無助，欲哭無淚🫂🫂🫂🫂🫂不過其實都係階段性嘅，唯有頂硬上啦我哋😭🫂🫂🫂🫂🫂🫂

我見有個講法係，啲人唔係唔想做媽咪，而係呢個世代做媽咪係好唔容易。育兒同生活成本高，好多人都要做雙職父母，媽媽更加係面面俱圓。

家庭友善政策又係口號式，又有幾多家長可以享有家庭友善政策？唔返工專心照顧屋企，除咗經濟壓力，亦怕冇咗尊嚴，冇保障，更怕再出嚟做嘢會脫節，冇人請。

雖然我唔知點做可以改變，但係想講覺得委屈就要搵人呻，想喊就喊！抱抱🫂

湊小朋友真係好辛苦㗎！
仲要返工、做家務！
你其實已經好叻！

更叻嘅係，你敢喺小朋友面前展露自己嘅情緒！ 其實唔容易嘅！

唔好俾咁大壓力自己！ 冇人天生就識得做父母。 每個媽媽都係新手媽媽，因為隨著小朋友長大，每一日佢地都轉變緊，你都要學習，要適應。 呢個過程唔容易，會出錯，會煩躁，會不安，會頂唔順。 俾啲時間自己，爭取足夠嘅休息。

加油啦！

加油，我（單親）早段時間也在想，香港人真聰明不生孩子，陀到湊到教簡直攞命🥹又要上班又要湊小朋友又要做做家務同埋煮飯（間中煮，煮得多）

真係生小朋友真係要考牌。

由2個家庭再組成多一個家庭 三觀不同，真的好累好想哭🥺🥺🥺沒有家人幫助

我想個天在考驗我，上輩子使命還沒完成，這輩子繼續。我希望下輩子投個好人家，做個富三代😂甘就完美啦😝

當你承受唔到咁多事務同壓力時，理性啲去簡化一啲生活上嘅瑣事，無嘢一定要做足晒先生存到嘅。例如煮飯：搵兩日買現成或出街食，家務可以少做嘅就減少。小朋友反叛嘅，你更加唔使下下企係佢對面，好多時係因為青春期情緒需要搵出口，佢肯講你肯聽就得喇。最緊要保重自己先可以令頭家安穩，辛苦你了🫶

我兩個仔正在青春期階段
我日日都比佢哋激100次
佢哋把口真係乜都up得出
叫佢剪頭髮 佢話個頭喺佢嘅
佢想幾時剪就剪
叫佢幫手摺衫 佢問返你點解你唔做
我就快中風 😮‍💨😮‍💨😮‍💨
日日同佢哋鬥智鬥力真心攰 🥲
我真係唔夠佢哋把口叻
我唔想講後悔
但如果無生佢哋出嚟 我會舒服好多 😮‍💨😮‍💨

頂住呀媽咪。
我都試過姐姐走咗，老公外地工作
自己份工好多時放咗工仲有global night call.
仲有家務。
每晚祈禱自己唔好捽死……

但依啲都係階段性嘅
過咗睇番只係一個段辛苦嘅回憶。
你係囡囡嘅依喬靠。係佢哋嘅Hero.
Btw, 地下污糟用除塵紙拖把吖
好幫到手。

為做人老母 最後嗰句你真係唔應該同你仔女講
你兩個女可能會覺得自己係你嘅負擔，或者係我好疑惑，點解媽咪會咁講。
佢哋唔係大人處理唔到你呢啲嘢。

選擇做媽媽係真係你個人選擇你可以同朋友其他人哭訴，但係真係唔應該同自己嘅小朋友講呢啲囉

🫂🫂🫂以前我係在職媽媽，覺得好痛苦。而家係全職媽媽，覺得好撚痛苦，乖，在識媽媽都有自由嘅時間，千祈唔好走入全職媽媽嘅不歸路，共勉之🫂🫂 嗰個人都係第一次做媽媽，邊學邊做，呻完喊完，自然就會撐返上嚟㗎啦，加油🦾🦾

抱抱你🫂絕對明
我得18歲已經想像到婚姻同生育嘅恐怖
自己搵錢壓力大 仲要照顧仔女
甚至唔保證佢地一定會養返你
老公又好多時候不在場
好似自己休息時間都冇咁
唔怪得點解呢一代唔想生
就算覺得獨居無聊 養寵物或者打機都已經可以滿足到

我明白你感受，我生1個，要番工，有工人姐姐湊我有時都好攰🥲
佢唔痴姐姐，而家就黎3歲，最難湊既時候，我都係咬緊牙關，堅持落去，3歲讀全日班到時我就會好啲，你都要堅持✊，唔掂就請1個工人姐姐幫手做吓家務煮吓飯會冇咁辛苦自己

呢度真係多女人圍爐，得一個人屌鳩你，你喺啲細路面前講啲最撚唔應該講嘅說話。

做人父母係咪好難頂？真係要睇唔同嘅人，但係做人父母就係代表選擇咗你人生有啲嘢比你自己更加重要。

如果你唔想有呢個選擇就真係唔好做父母

有足夠資源先好生，真心，足夠既意思係你即使想做FTM都不會有經濟壓力，以及有人手輪流照顧小朋友，不會無時無刻都旨意你。有咁既條件，先好考慮生，否則你的生活質素會在做媽媽之後大大降低，到時又係得個怨字（經驗之談）

細個睇到自己阿媽日日呻，結果成為不婚友，佢都話有選擇都唔會諗結婚。

舊式女士學歷低依賴男生過一生，誤信甜言蜜語最後婚姻困苦，完全冇人幫手的育兒（長輩級早仙遊加豬隊友下的真實版，正常都唔想複製呢種人生）。

我當年生完一個囡之後，就知老公何其廢，所以唔會生第二個，就算當年奶奶猛叫我哋生多個都好，因為佢唔會認為自己個仔廢
我又要返份好demanding嘅工作，少d精神都唔得，好彩我媽平日肯幫我湊囡，囡亦易湊好合作

朋友握個手
又係衡量完我地屋企狀況
人力物力財力同最重要嘅陪伴時間都唔算好充裕之後，覺得生一個都已好夠

唔會生第2個，因為都9成肯定會變咗攞苦黎辛

雖然我好明2個有伴係好
但當生多個帶來嘅問題多過喜悅時
我又理性戰勝感性了

唯有帶佢識多啲朋友

我又唔會覺得有弟妹比較唔會悶、有個伴或互相有照應，身邊太多例子，長大後關係好嘅話就係兄弟姊妹仲有傾有講，唔好嘅就係仇家、負累、老死不相往來，呢d父母都控制唔到及教唔到，只能睇佢哋互相八字夾唔夾，唔想幫個囡招來仇家，而我又好難做，手掌手背都係肉🤭

有錢先好生仔呢句說話講得好啱
有錢解決好多問題
唔使有搵錢供書教學嘅壓力
請幾個工人幫自己手
同時間又可以輕輕鬆鬆繼續自己興趣
冇錢冇人幫
又要頂住搵錢嘅壓力
不如唔生過好自己嘅人生仲好

🫂🫂🫂人總有情緒。媽媽都係人，都會喊，喊完會舒服啲。唔迫自己太緊
照顧好自己情緒，先有力量照顧小朋友
小朋友 唔需要媽媽好完美。你愛佢哋，為佢哋日忙夜忙，佢哋已經感受到呀

點解咁唸呢
其實生左小朋友人生仲更有推動力
好似我咁，如果唔生應該hea住返工或者退埋休，hea下hea下咁過
反而而家有個仔，個人工作態度同人生觀都積極左
覺得人生唔只係為自己負責任

人有情緒好正常，但係你喺個女面前咁講會搞到佢哋有陰影，或者會令到佢有啲唔好嘅諗法，例如覺得自己害咗媽咪，快啲同佢哋解釋返啦 🙂‍↔️ btw, 考慮下請工人幫手

為母則強，好多人都係咁講，但其實無一個媽媽想咁強🙂‍↔️
我係三寶媽，真係挨下挨下，挨到佢地返哂學，我出返去做part time，個人開心啲！

感覺最差時，咪食一兩日外賣，一係煮粉加啲面包仔，買份水果就一餐，要比自己抖，回回氣，你唔會孤單，大家也明，辛苦了🫂妳是最好的

佢地都係無得選擇被出世，你自己選既，只可以盡責到底。我女醒呀，已經講左佢第時唔會生，佢知細路好麻煩，遇著佢呢種就十級麻煩。

Yes!!!! 我已經同佢哋講第時大個其實係可以唔生

攬下先啦媽咪!! 🫂
媽咪都可以攰，可以唔開心!!
祝福你之後的一切都慢慢慢慢變好!! 🥹❤️❤️❤️❤️❤️🫶🏻🫶🏻💪🏻💪🏻

後知後覺⋯自問如果無能力無時間無不厭其煩嘅耐性，點解要生？！你仲要生兩個⋯🫣
生命無take two, 回不了頭，攪唔掂，搵人幫啦⋯

唔知你兩個女幾大，我一個13歲一個9歲，好想講每個階段都有唔同嘅辛苦！
青春期嘅溝通都曾經令到我好迷惘。
大家一齊加油啦！

正正就係開始踏入青春期 😭 好辛苦成日俾佢搞到好唔開心
😭 人都癲

沒有後悔藥也塞不回去，人生大事需要慎重做決定。
你辛苦了🫂努力調整心態吧，相信生活中還是有很多和女兒們幸福相處的時刻

加油👏好明白你嘅心情，記住小朋友唔係你一個人嘅事，同你老公share 下現在的感受，同埋盡量唔好喺小朋友面前喊，堅強啲🫂

Oh no 但你生咗冇得undo
呢啲嘢真係唔知點講，你喺小朋友面前暴露脆弱都已經唔好，佢哋會驚、冇安全感，連大人都搞唔掂嘅事

以前我媽六天工作，返shift，養大我同家姐，仲有個唔生性老竇，煮嘢又好食，放假又帶埋我哋旅行，點解可以咁犀利

我生一個，都崩潰，羨慕人地d小朋友好乖，自己嗰個就….我都喺佢面前喊過，因為教唔聽，唔識教，有得再簡我會唔生

舒壓可以好多方法，
Even用毛巾塞住個嘴係廁所大叫都可以，

但點辛苦都好，
都唔可以係2個小朋友面前講呢D說話....

我經歷緊低谷時都好氣餒
每次諗返起佢出世時我嘅喜樂
我呢一世都唔會再有
無論幾辛苦我都會好好愛我嘅小朋友

本身冇一定經濟支撐去生係問題，你對住兩個女講唔想做媽咪有冇諗過佢地既感受，佢地未出世時都未必想做你個女

我自己都湊兩個孖女喎 即係咁講可能佢哋比較定啲 好又覺得冇乜嘢 我覺得佢哋好乖好聽我話 可能我啲威脅好過分

hughug🫂辛苦你
雖然我無生,都唔想生,未必好明你辛苦,但諗起細個阿媽話好攰,所以有d明點解自己唔想生小朋友。

明日瞓醒又係一條好漢。
我明生活好辛苦自己好想喊，但係俾小朋友見到你。
成日咁負能量都有問題出現㗎

地獄地同你講
呢個只係開始
青春期難受更甚
要時刻記住佢地細時嘅可愛百厭
每日同自己講100次我愛我仔女

🥲 就係已經開始青春期
人格分裂咁
我又難受，佢又唔知自己想點

我覺得不能勸別人不生小孩或生小孩，有機會就決定了別人的一生，有by 你的並且不後悔，那要是有後悔的聲音呢，每個人有獨立自主的思考和決定權，可以分享，但是建議...可以试着保留

我媽18歲做咗2個女媽咪，之後一直玩到…幾十歲！雖然唔係一個100分媽咪，但我知道佢係愛我哋！🤣加油

你唔係孤獨架🫂💓仲有好多同路人架～深呼吸 媽媽都要搵地方釋放下自己嘅壓力 照顧好自己情緒🫂

有時最慘係, 生左出來後悔無得塞返入去, 真係要500項 yes no question既問卷做下睇下生小朋友係咪唯一選擇

放鬆d，唔好自己俾壓力自己先。如果經濟上許可同屋企人幫到手呢，就自己同朋友去個短trip唞下氣

老公呢？ 真係乜都女人做哂呀？
冇錢冇資源，絕對唔會生。
既然生左，都要頂硬上，會捱過的。

我睇完啲comment都心諗 佢哋啲老公去曬邊 搞到偽單親咁

樓主畀人問先講😂
一講先知佢老公都咁辛苦😂
人真係永遠諗自己感受先

單親媽媽係辛苦d，保良局有兒童暫託服務

綜合家庭服務 - 常見問題 https://share.google/RRuXRNYmvzcNvQ150

其實就算老公吾廢（搵到錢又肯花時間陪伴仲做埋家務），有得再揀一次，我都吾會生小朋友。

見到自己老母就知生仔搵笨，放工行街食飯，得閒扮靚，想飛就飛。女人唔係得繁殖呢樣值價