真係激死我
前日收工我買咗半磅曲奇返屋企食
淨係食咗三塊 同屋企人話唔係咁好食
結果 我第二日瞓醒已經成包唔見咗
以為呀媽比咗工人姐姐食啦
問姐姐又扮晒嘢 話唔知借啲易走咗去
即係比佢食都唔係問題，平時啲零食我都由佢食
但成半磅曲奇生積都冇可能一晚食晒掛？
咁我問咗幾日都問唔出下落
頭先再追問 話佢以為過期成包掉咗
掉咗？ 我幾時話要掉呀？ 七十幾蚊 你同我掉咗佢？
我想試真啲個味都唔得😡😡😡
你話食咗我都冇咁嬲丫 嘥晒我啲錢！！！！！
激死我啦！！！！
真係有一下著咗
呀工主 我搵錢好辛苦架
唔好咁嘥我錢
收埋左比同鄉卦
佢地蠢，但點會蠢成咁
買返黎一日就過期咩
唔知佢邊句真邊句假
但我都好明確話佢知 你係屋企拎嚟食ok
但我要知真相 唔可以咁樣唔問我就掉咗佢
我唔係成日係屋企睇住啲嘢 但唔代表我乜都唔知
我老竇冇問我食咗最後一條我喺日本買嘅Royce chocolate bar 我嬲到傻
最後我媽要佢要賠返一盒俾我🤣
所以邊個掉就邊個賠😮💨🙏🏽
你工人可以自己揸主意去掉嘢嘅？
我啱啱係個朋友谷度問咗，無個人畀權工人掉嘢，就算發晒霉都要問過我哋先🤨
何況你包餅琴晚先買，佢係第一次見，點解會以為過期！？
就唔可以呀嗎 呢個先係重點！
個個都錯重點話錯食晒
係唔問我就掉個下最唔ok
其實應該佢拎左出去比人食掛，有咩可能扔食物唔睇日期
食咗就算起碼冇浪費，但係揼咗要扣人工或者買番等佢長記性
員工過錯照價賠償（有上限）呢個應該都可以適用於工人姐姐🙈 一係你叫佢用自己錢去買番包一模一樣嘅返嚟🙈 （勿插我話我係刻薄工人姐姐嗰啲人，我哋屋企以前有工人嗰陣我哋不嬲係秉承住我對佢好、佢對我好嘅宗旨，不過嘢食俾人掉咗我真係不能接受😭 回想我當年10幾歲屋企有工人姐姐嗰陣如果遇著啲咁嘅事，可能會喊到佢買番啲零食請我😂）
冇問過你就掉真係唔得。除非係佢諗住掉，然後你屋企人話ok啊難食掉得咁樣🙈
又其實會唔會係你屋企人覺得難食，借工人姐姐之手處理咗一件佢哋眼中嘅垃圾😭
唔會呀 呀媽食都冇食過
不過 嬲還嬲 要鬧嘅我都鬧咗
佢都有道歉 就算
屋企有老有嫩要人幫手 呢啲都係要硬食
都唔係好唔好食問題
問題係我唔鐘意我啲嘢由佢決定
要分莊閒
擺明偷偷攞去送比人再講大話啦，買完第二日就覺得過期？
半磅曲奇咪得廿塊左右
食晒有咩出奇
諗住你話唔好食都唔要架啦
點知你第二日又諗返起想再食
幾廿蚊嬲幾日 你做人都幾辛苦 好味都話 難食都要嬲 🤡