真係越嚟越抗拒呢份工，返到公司樓下直情唔想上去⋯
大家試過返工返到咁未？
試過啦
喺公司樓下唔想上去、返到個位會變得燥底，再變成焦慮抑鬱抑壓心情低落
但又唔係自己做唔掂，仲做得好過人喎，只係公司嘅有毒環境同人令你咁樣
維持咗成年幾，最後走咗
份工做咗10年🤡
勁有同感呀，近依五年返個既工都有依重感覺，職場變得超級恐怖，為咗保住個位，真係咩都做得出，以前都會放鬆啲同啲同事吹吓水，依家一定要封實個口…..
試過，要深呼吸先上到去
有時太辛苦要入廁所抖5分鐘再出返嚟
試過。入公司門口前要做一輪心理準備先可以推門入去。每日都覺得會俾人鬧🙈
但如果返工返成咁，不如離開，放過自己
係公司覺得頭暈作嘔拎佐半日假
結果一行出公司就冇事😇
試過坐車返工眼濕濕喊，被人罵就好容易崩潰，放假都被人搵做錯野搞到情緒唔穩定，做咩都開心唔到
當時就覺得再係咁我會頂唔順，後來轉工就解決咗情緒都好返🥹
試過，去到公司樓下個人已經想掉頭。好多時唔係你懶，係個人真係頂到太耐；如果連續一排都係咁，真係要留意下係工作內容、環境，定係身心已經透支。
有ar 因為好多野都唔識做, 反後又要開例會, 每個人都俾意見, 壓力大
勸你都係唔好咁快辭職住, 做多陣先可能會習慣, 出面而家搵瞓似樣啲嘅工都好難
又未必嘅俾啲信心自己, 我之前做咗份工返咗三個月就想辭職呀, 日日都要ot , 嗰啲英文好差, 但係成日都要同啲客開con call, 結果我做咗15年先搵到份工轉, 做嘢放鬆啲,做嘢淨係諗下一步好啦, 唔好諗多咁長遠, 做嘢係辛苦呀
我以前返夜工，每次返到門口，我都想走，都會同同事講，返工就好似返地肉咁。。。但返得夜工，多數都是走頭無了。每次肯返工，同事都會說肯返工了嗎？我都會說是跌落地肉。。。
宜家每朝早都係咁
之前食完就返上去好開心咁開工
呢個幾禮拜朝朝食完早餐
就好似要去行刑咁
同事冇嘢係阿姐病發搵我發洩
我有兩個病症：
- 拉開公司門想diu
- 見到老細返工想嘖
完全明白，已經見緊工，希望快d 有offer 可以辭職
有 雖然已經遞信，10日內就走，但係今朝轉彎大直路行返去已經想調頭返屋企😌😌😌
😞會發惡夢見到佢哋，訓5着，又早醒⋯⋯會耳嗚⋯⋯
但窮吖嘛⋯⋯可以點😞
要睇你公司日常係點
我公司好簡單，總之簡單又好做就炒你
多的是啦, 以前返官塘, 一出彩虹見到天日就心情轉差.
依家呢份 因為管理層轉晒毫無人性 所以已準備等佢炒 日日都好唔想返
係！我做咗唔夠2個月，有嘢唔識問trainer, 我已經係lunch time問，遲咗2分鐘返位都屌！仆街。點做呀？
我試過返一份工，收工就喊，發夢都係公司啲嘢，一放假就報復式購物，跟住果斷離職，心情即時好返哂，皮膚都靚返。