📌 真心好奇錫自己仔女
共 48 條紀錄
真心好奇
錫自己仔女嘅父母到底係點的？有冇人分享吓
想聽嚟羨慕吓
睇到咁多正面嘅comments 唔知點解心裏面覺得好舒服
My girls will kiss me on the cheek and tell me they love me.
I must have done something right.
1.）阿媽雖然會發脾氣鬧人，不過從來都照顧周到，日日水果切粒倒埋水比你飲，我到出去讀書先發現自己超廢，洗衣機都唔識用
2.）屋企只可以算係唔窮，但絕對唔係有錢，我想去外國讀書，我阿爸諗都無諗就按層樓中學就送我去英國讀
3.）每年一定成家人去旅行
4.）畢業返離未諗到做咩，我阿媽每星期比3000我使，仲要無催我搵工
5.） 到做野我比家用我阿媽，阿爸話佢唔使，比幾千阿媽，佢每個月買比我既衫同袋係我比佢既幾倍
6.） 到我病左要做大手術，我阿爸晚晚無瞓去睇醫學資料，拎左50幾萬出嚟找數，仲要幾次半夜聽到佢半夜喺廳到偷偷喊
7.） 到我而家準備生仔，我阿媽買晒所有補品，我阿爸買晒個孫床玩具cam，比我哋更加緊張
仲有好多好多，而家準備做人阿媽先發現要做到佢哋咁好難，我自己都未必有信心
我細個唔係一個好有錢嘅家庭
係一個綜援嘅家庭長大。
亦都唔係一個雙親嘅家庭長大
係我細細個，父母已經離咗婚。
雖然咁樣但係我父母都係好錫我哋每一個（4姐弟）
我記得細細個真係唔有錢，但係我阿媽會帶我去食元綠壽司
我仲會喺度睇菜單，睇邊樣壽司最平
但係其實我最想食係三文魚壽司
嗰時我媽咪見到我望住個菜單好耐，佢就同我講食嘢唔好睇價錢，最緊要食得開心！
我爸爸做地盤裝修，雖然每一日都早出晚歸
但係我永遠都會記得佢手上面嘅枕係幾咁厚
條竹君好毛巾，係沾咗出邊幾多嘅灰塵。
小學六年級中一左右，開始反叛期
我記得嗰時係樓下做村童，我阿爸都會半夜三更走落嚟同我講夜啦要返屋企啦。
佢哋雖然係我好細個嘅時候離咗婚，但係佢哋從來冇喺我哋面前講過對方嘅一句壞話。
媽咪
1）響飲食上照顧得我地三姐弟好好
2）唔打唔鬧講道理
3）物質上要咩都盡量提供俾我地
4）唔洗我俾家用，仲成日資助我學費學野，一講想讀書，戶口就會多左一筆錢
因為有佢，永遠唔洗擔心無錢。雖然好衰女咁大個仲成日洗屋企錢，但好感恩可以有咁大座靠山。
Daddy
1）細個同家姐追星，Daddy每次都會陪我地去，佢會響隔離等。
2）個個星期都會有一日同Daddy去買零食。
3）個個星期都可以買新零食
4）溫書想幾點起身佢都會做我嘅鬧鐘⏰。
天花板級家姐
1）去旅行永遠只係人出席就得，有時錢都唔洗俾。
2）所有Hermes,Chanel袋同銀包都係家姐送嘅，幾乎每一樣值錢嘅野都係家姐買俾我嘅。
3）移左民仲超錫我，每次去日本都買勁多我鐘意嘅鞋同衫，再寄俾我。
感恩可以響滿滿嘅愛嘅家庭成長，感恩因為佢地我遇到挫折都可以保持樂觀，感恩有一個可以治療一生嘅快樂童年🫶🏻。
爸爸媽媽都好錫我
爸爸會俾一切最好既我，同我去睇戲，食好野，周圍去旅行，佢雖然係惡，但家教好嚴，但到而家明白到身教既重要。
媽媽家中廚神，媽媽煮既所有食物我都好喜歡，湯水從來不缺。
爸爸媽媽多謝你愛我，希望你哋天上可以快快樂樂生活，好掛住你呀🥲🥲
依道我識答！🙋🏻♀️
1/ 由細細個開始我都知道自己係daddy媽咪嘅掌上明珠，幾歲人仔已經會係爸媽朋友面前，大大聲話自己係佢地嘅「愛情結晶品💎 」
2/ 感受到佢地凡事以我為先，所以由細到大兩老都完全比我食住，會尊重我 & 相信我嘅選擇 😌 （咁當然我都好錫佢地啦！）
3/ 精神 & 物質層面上佢地都盡最大能力富養我：係細個屋窮到就黎冇飯開嘅時候，但我仍然學緊兩樣樂器、1項運動 🥹🥹
4/ 細個屋企食蘋果，媽咪會批皮切粒粒浸鹽水先比我食（所以搞到依家搬左出黎，冇人整就唔會食生果 🥹🥹) 而每次食牛扒，daddy 就會幫我切好曬一粒粒 🥩
5/ 細個搭巴士冇位坐，個時仲係下層兩排對對坐嘅舊巴士，daddy會棟高一隻腳上梯級，隻腳屈住90度，整個私家位比我坐佢大脾 （打打下突然諗到，諗返起都有啲sweet💓）
6/ 到大個我讀完書出黎，未打過工就走去學人創業，佢地都完全相信我 & 100%支持我，係度要讚揚兩老嘅open-minded！
7/ 因為以前阿嫲拎老豆好大部分嘅人工做家用，老豆自己淋過雨，會開口叫我唔洗比家用（ps 依家就算搬左出黎都有keep住比！
暫時諗到咁多 諗到再講
由細到大，父母都係鬧多過讚，佢地太傳統同保守，屋企人唔會攬甚至錫去表達感情。但係我知道佢地好努力去返工養大我地幾個，盡咗佢地最大努力。
到大個咗嫁咗去澳洲，我畫咗一本書送比父母，去表達我知道佢地既愛藏係生活細節當中。送比爸爸果下我好緊張，又有啲尷尬，唔知佢會咩反應。原來佢瞇起眼好認真去讀我寫的字，又讚我的畫「真係唔簡單，畫得好好啊」 然後佢話要收起，慢慢睇。佢地既愛係含蓄，收係心底。
嗰下我同自己講，我都要好似佢地愛錫我咁樣愛錫自己。
由細到大，我都未見過老豆發脾氣同好大聲咁鬧人，有次我同我（ex)男朋友係電話嗌交，我喊晒口，然後老豆突然沖入房搶咗個電話，大聲到走音咁鬧佢：你咁嫌棄佢就分手啦⋯⋯我呆咗1秒搶返個電話，但嗰下我個心真係覺得我老豆好型，同無論發生咩事，佢都係撐我既。
自此之後，我更加明白要搵一個珍惜自己既人，如果唔係其實除咗自己傷心之外，父母都會傷心。
細個屋企都窮，單親，阿爸父兼母職養大我哋三姊妹，周末會帶我哋三個去食麥當勞、KFC，去溜冰，已經係小時最開心嘅周末活動，平日放工幾攰都會買餸煮飯，同我哋跟功課，雖然家教好嚴，但從來冇出手打過我哋，我早幾年做試管幾經辛苦成功左，我爸係唯一一個鄧我辛苦而流眼淚嘅人，坐月煲好多嘢俾我，到而家都成日買雞、買牛俾我哋幾姊妹驚我哋冇啖好食，一直都幫我哋儲金，最近仲一人送一條金鏈哄我哋開心，真係世上只有爸爸好，如果有下一世，希望可以繼續做一家人🩷
我細個屋企環境唔係好好，父母只係小學畢業，爸爸做地盤、媽媽中學時做保安。佢哋仲要金援大陸的親人。
細個住公屋，4姐弟細個都好少零用錢。三姐妹啲衫一齊著。
到我地出黎做野，定期俾家用俾屋企，佢兩個話會幫我學儲起，之後俾我地買樓俾首期，我以為佢地講下。去旅行自己俾錢唔會老奉要仔女俾錢。
當早幾年買樓，佢哋真係拎返啲錢俾我地俾首期，仲已經買曬嫁妝等我地嫁娶。
依家成日準備好湯水食物俾我地拎返自己度食。
當我以為我父母的行為好普遍時，發現係我地幸運。
1）由細到大 .媽咪會幫我同妹妹每個月捐錢俾慈善機構.以前東華三院.歡樂東華慈善節目會用-無名氏-嘅名義幫我哋捐錢 .身教［施比受更有福］而且不張揚（虛榮心/偽善）
2）無論我想學咩. 玩咩 屋企一定會全力支持. （露營.行山.單車.野外定向.獨木舟.風帆….）
3） 我屋企人除咗錫我哋之外. 佢完全做到愛屋及烏.. 中學同學可能有啲缺乏家庭溫暖. 冇屋企人煮飯俾佢哋食. 媽咪會叫我邀請佢哋上嚟一齊lunch . 又會專登煲湯煲多啲俾佢哋一齊飲.
4） weekend 會帶我地去新城市d餐廳度行街.食飯（雖然呢個年代已經係基本野）
————————————————
依家我做人媽咪 ..
希望 第一點嘅身教繼續維持落去..
除咗捐錢之外.. 仲要帶佢做好唔同類型事嘅義工..
雖然要做嘢好忙.差唔多每日都會用至少30分鐘時間同佢傾偈.玩數字牌.UNO.
放假會同佢行山.
呢個年代物質社會太豐富…
好多時大家會覺得用物質就可以彌補或者填滿對一個人嘅愛..
但係如果回歸本質…每個人嘅成長.處事態.價值觀..
最重要一定係 [陪伴］.[愛]
呢一種嘅愛真係無條件嘅愛
1）屋企人做錯會反思 例如脾氣大咗 會同我講對唔住
2）由細到大想要乜基本上都會滿足我（合理要求）
3）教識我 「我」係一樣世界上最寶貴嘅人 所以我學識咗愛錫自己 遇到不公我唔會吞聲忍氣 遇到唔珍惜我嘅人我會掉頭就走
4）用好多時間陪我 我可以直接感受到我係被愛的 呢樣嘢令我學識點去愛人
5）咩話題都會傾 唔會怕尷尬避而不談
6）尊重 支持我大部分嘅決定 重來冇強迫我做何嘢 即使細個好唔中意讀書
7）願意為我抵抗全世界 我知道發生咩事都好 我仲有屋企返
我覺得錫仔女嘅父母係能夠教識佢生存係社會嘅能力 願意用時間去教佢唔同嘅價值觀 可以成為成長嘅助力已經係好父母
睇完留言有啲想喊 我屋企人同大家嘅留言差唔多 好多謝爸爸媽媽俾咗個咁好嘅成長環境我🥲🙏🏻
細細個真係好硬頸 但屋企人都會盡可能滿足我 大個咗好似有自己諗法 就算屋企人唔知我做緊乜都會無條件支持我 成日都會同我講咁辛苦不如唔好做啦 唔夠錢可以問媽媽拎喎
由細到大都冇點做過家務 即使自己主動做 阿爸阿媽都會嫌我「阻住晒」 唔俾我做
阿媽會記住我鍾意食嘅餸 只要我話好食 基本上連續幾日都會係嗰樣餸 有好食嘅嘢亦都會留俾我 想讓返俾佢食就會話 「仔你食啦 媽媽唔鍾意食」 細細個又真係信…
由細到大讀書都唔叻 但屋企人投放咗唔少資源喺我身上 即是屋企唔算特別富裕 補習嘅錢從來都唔會慳 補完習又會俾錢我食餐好 仲記得放榜嗰日比想像中考得差 入唔到自己想入嘅科 屋企人第一時間都冇怪我 反而不停安慰我 仲話已經收貨 
其實仲有好多好多 原來好多睇落理所當然嘅嘢 並唔係真係理所當然 好多謝阿爸阿媽 我真係好幸運做到你哋個仔

1. 事事以佢為第一位
2. 無論佢做錯咩都會包容佢
3. 見到佢開心，就係自己會不期然開心
4. 食飯會將最好食嘅部位，最嫩嘅菜都畀佢
5. 希望佢一生順遂、平安、健康
6. 希望佢有夢想，能夠自由去追夢
7. 希望將來自己唔會成為佢嘅負責/累
8. 為左能夠盡自己所能，畀好嘅生活佢
1. 讀三年護理學轉讀商科自資都肯
2. 飲醉酒全家出車護送
3. 有個醫生仔女嘅frd 但從來0比較
4. 揀對象都係尊重我選擇
5.同住一個屋企但比足夠私隱 敲門
6. 去旅行到而家仲會sponser
7. 即使係病左 做完手術當日係醫院都安慰失戀嘅我🥲
8. 用身教我點去愛一個人 愛人係不論環境順逆/健康好壞
9. 0情緒勒索 比我做自己想做嘅野
10. 數唔曬 最後想講 多謝父母 白手起家 而且好好咁製造美好家庭比我好好咁成長 即使呢 我青春期都避唔過爸爸嘅人生轉折點 我仍然好好感激父母嘅奮不顧身同愛己愛人嘅父母精神 🥹🙏🏽 從來一切都唔係必然
路過
我睇曬以上留言
點解好似冇發生係我身上 🤔
所以 版主驚咩呀
靠自己最實際
哈哈哈
唔會情緒勒索
生到你咁大湊到你咁大好辛苦呢啲說話絕對唔會係佢哋口中講出黎（邊個父母唔係？）
正常既父母只係想你過得開心幸福
同時都借個地方比自己紀錄，我係好感恩我有呢個屋企/呢個爸爸媽媽，我亦好希望自己以後可以有能力孝順返佢哋。
1. 好細個屋企已經灌輸要比家用嘅mindset我，所以我22歲返第一份fulltime已經交家用，因為我都唔係搵得多嘅行業，所以只係每人兩千。
本身知道佢哋唔係要我嗰兩千蚊去生活，但冇諗過佢哋袋完兩千蚊，又會怕我唔夠洗，會搵辦法比返我，例如會話攞咗我比嘅家用去買股票贏咗錢分返俾我。
2. 屋企一向主張要去世界各地見識，典型讀萬卷書不如行萬里路。19年之前每年最少三個旅行，其中一個一定會係long haul，所以我未中學畢業已經飛過曬美加澳歐。依家長大後，我係好感恩佢哋帶我去過咁多地方 ♡
3. 從來都冇我得唔到嘅嘢。只要我開聲，佢哋都一定會滿足我。細個apple出親新機，佢哋年年都會主動話幫我換，最大Gb、有promax就promax。但對自己就好孤寒，連apple都唔捨得用。
4. 喺讀書方面，從來冇比過壓力我，只求我年年升班，入到大學。假如我話要溫書，就全家陪我唔睇電視/唔去街。佢哋仲話如果我想讀Master，佢哋點都會供我讀，唔需要擔心學費。
細個嗰陣已經成日話大個唔要結婚，廿幾歲果陣阿爸full paid買間屋比我話係我既姑婆屋😹
中學果陣好想要一部單反，屋企都唔係好有錢，只係提起過一次，過幾日阿爸放工返黎已經買左比我，萬幾蚊對中學生黎講都好好好好貴
1. 做咩都以子女開心幸福為依歸
2. 著重佢地既健康、營養
3. 父母自己不捨得洗，但會盡自己能力俾最好既嘢仔女
4. 不會視仔女為搖錢樹，佢幸福就好
5. 注重自己健康，不拖累仔女
以上係我父母自細養育我的方法，
依家我再以2.0version 去對我仔女
6. 按照子女的個性、能力、意願，培養他們獨立生活的能力
7. 管理好退休計劃，原因如5，也為自己
中產家庭，不過超級慳。
讀書嘅時候，可能心情好好好開心，返到屋企分享吓自己同童童同學嘅相處/做過嘅嘢，就會俾人話唔可以咁做，咁樣唔好，老師唔鍾意
喺任何情況下講任何嘢或者做任何嘢，都會relate到老師鍾唔鍾意同埋會唔會俾老師投訴
20歲前未試過有任何1秒自己留喺屋企。
去到小六日日親自接放學，全級得我一個係咁，行20幾分鐘返屋企，俾人笑到面都黃。
教畜帶頭欺凌，視若無睹，因為老師永遠是對的，老師針對我係因為我嘅錯。教畜亦都知道日日有人接我放學，所以每幾日就會見吓家長玩吓我，而個家長永遠都係鞠哂躬咁，唔會幫我出頭
逢親我鍾意嘅嘢，佢哋就會覺得唔好。
我鍾意踢波，不過完全唔叻，佢哋就覺得因為我鍾意踢波，所以踢波係玩唔係運動。學校支持跑步，所以佢哋覺得跑步先至係運動，但係我唔鍾意。跟住每逢有傷風感冒，就會屌鳩我唔做運動，所以會病。
總之鍾意嘅嘢就唔會買唔會俾，囈契弟咁囈都當你冇到，我行我素關人撚事
好撚大心理陰影，依家有咗小朋友，好努力咁同自己講，喺任何事任何層面上都要無限度咁支持自己個小朋友，千祈唔可以做一個自己唔鍾意嘅父母嘅形象
有冇人想羨慕吓？
抱抱你🫂
我好似冇點喺呢度講過自己嘅原生家庭
佢哋係我嘅壓力來源
父母情緒都唔穩定、郁啲就想趕我出門口
不過你嘅處境嚴重過我
見到你俾老師、同學欺凌
真係有少少忍唔住喊咗
當時嘅你一定好無助🥹
希望你依家嘅生活安好❤️🩹❤️🩹
傾訴師路過
1.因材施教，唔會迫個小朋友行一條唔適合或者唔想行嘅路
2.尊重小朋友嘅選擇，教識佢承擔自己嘅責任
3.畀小朋友知道自己永遠都係佢嘅後盾，屋企嘅門永遠都會為佢哋而開
4.唔會攞自己嘅小朋友同人哋比較
5.比佢一個快樂嘅童年
1） 大學學費佢地俾哂
2） 出黎做野俾家用會擔心我唔夠錢洗 會請返我轉頭食飯
3） 去旅行依然會sponsor 我
4） OT返到好多時都有熱湯 有時仲有埋洗好嘅生果
5） 放假會問我想食乜再煮
6） 係屋企從來都唔洗自己親手剝蝦剝蟹
我愛我老豆老母😭
蒸咗條魚，俾晒啲肉仔女食，我媽自己食魚骨仲話骨好味
唔同人對"錫"有唔同理解
我有兩個女，亦係我亞媽個女🤣
我嘅父母都覺得佢地好"錫"我😏
當然我唔認同啦，所以我都唔知我兩個女認唔認同我好"錫"佢地
我做老母嘅中指好簡單🤣絕對唔做我唔中意我老母做嘅行為🤣
例如：我老母會粒聲唔出直接息左我睇緊嘅電視，佢認為咁樣係"錫"我，因為夠鐘要訓，我係為你好，但在我角度呢啲叫"操控"😒
所以我認為愛子女嘅第一規則是
要有子女是一個獨立的個體嘅意識
1）讚你，就算唔讚都唔會講難聽說話
2） 有好野食同你分享
3） 你鐘意嘅嘢又唔過份會買俾你
4） 唔會叫你攞錢俾家用
5） 你一話唔舒服就關心你
6） 想你生活幸福健康
認真答下你：掌上名珠，以孩子優先，該教則教，該錫就錫。
唔洗羡慕，天底下冇父母先修班，都係邊學邊做😂有咩事最緊要雙方都要正確溝通、試下具體講出自己感受、睇法比佢哋聽，例如對佢哋沒收物品睇法，你亦都要聽下佢哋點解要沒有物品。
咁大個女未需要切過西瓜，永遠有爸爸媽媽挑埋核，切成可以用叉食。
利申：四十三歲。
大左諗返先覺得屋企人係錫我嘅
-細個叫老豆做黃大仙（有求必應，想要咩即買除左barbie)後期先發現次次同老豆許完願係呀媽課金
-長期夜晚瞓唔著會上老豆老媽張床瞓中間，呀媽會攬實我瞓
-一路鬧我曳，但只要我開口，佢地一定滿足我
-細個一陣以為屋企人錫呀哥多啲，但係有次登出失敗，隻手流左一個鐘頭血，我老豆老媽喊哂跪求姑娘幫我聯針先（咁大個淨係個次見到老豆呀媽喊，真不孝）
-老豆呀媽唔求我高學歷搵大錢，聽到我返工太大壓力第一句就話「唔好做啦，返屋企我養）個陣已經係35歲😭
唔知點解睇曬所有comment之後
好想喊 呀爸呀媽其實真係好錫我 好多comment講嘅嘢 佢地都有做
當然嘈交磨合一定有
但我有咩事 佢地一定撐我 非常護短 特別係爸爸
佢地成日話 有咩事隨時返嚟 屋企永遠都會有地方留比你
仲有仲有 就係我由細到大 都係呀爸剝蝦蟹比我 令我甚至覺得擇偶條件入面呢樣野係基本🤣
佢地係我最大嘅後盾 亦係我最大嘅底氣 I love my mum and dad!!!
最最最深刻係細細個爸爸媽媽兩個都要翻工、但爸爸只要放假就會帶我出去冒險樂園玩！
物質上咁講：以前細細基本上要買咩玩具都唔洗lur, 一講就會買～從來都唔洗羨慕其他小朋友o̴̶̷ ̫ o̴̶̷̥᷅ 到依家大個咗都成日驚我唔夠錢洗、比錢我... 下至買小廢物 上至名牌咩都會買•̥ ̫ •̥
學業上：從來唔會因為成績差而話我，唔會比壓力我！就算我包尾都唔會有說話聽，佢哋成日都同我強調只要我唔好學壞，開開心心成長就可以！
佢哋唔單止對我一個好、仲對我男朋友同埋身邊朋友都好好(> < )՞ ՞
雖然成日都會用粗口同我媽咪嘈交😹但其實係好小事嚟... 轉頭佢會因為鬧完我又買禮物比我氹翻我😹自我有記憶以來 爸爸都冇話過我 大聲少少同我講嘢都冇
我成日都好感恩有佢哋兩個、我懷疑自己上世救咗個地球先可以有佢哋꒰՞ɞ̴̶̷̥⩊ɞ̴̶̷̥꒱֯
近期啲就係佢哋嚟英國探我、我媽見到我住嘅城市好似有啲落後（其實一啲都唔落後🤣只係冬天太早天黑kickkick地）、我媽居然對住我老竇喊咗出嚟....佢：我真係好擔心我哋個女過得唔好😭 
暫時係咁多(ง ˙˘˙ )ว