📌 真心想問下 一個正常
共 52 條紀錄
真心想問下 一個正常嘅人點樣可以係新蒲崗
然後攤喺張床 着住睡衣嘅人可以7:00收到通知之後8:10會到到銅鑼灣戲院
結論就係個我中心 永遠人地講咩都聽唔到
小至人哋已經講咗話出唔到趕唔切 但係自己認為趕得切要堅持
大至人地講咗好多次唔鐘意同唔開心 但自己認為係小事就會選擇性失聰同唔理
睇完評論大家係咪唔記得左仲有等車時間😂我當樓主真係hea出求其換件衫戴帽就出咁去到巴士站要等10/15分鐘咁坐車一個鐘既到銅鑼灣都要8.20or打後，除非call的 但係錢又邊個畀呢？當坐鐵了去到地鐵站都可能7.20了，btw點講都好反正畀我我點都趕唔到，加上又已經講過唔出，對方又好似痴左咁無啦啦去買😂買完調轉頭話人 好fun
我明
首先覺得今日唔會出街
頭又冇梳 面又冇洗 訓喺張床禁電話
突然7pm話睇戲 睇8點2
沖涼洗頭吹頭 執返啲眼口鼻
起碼半個鐘 再出門口碌去搭地鐵8點2應該唔得
8點半都還可以
不過重點咁趕急我係唔會答應出黎
係想睇戲晨早約好
女人出街確實唔同男人
半個鐘要執返哂有咩可能，淨係護膚化妝都唔止啦真係痴線～
睇完之後，我發覺你男朋友好了解你
你地之前應該試過佢買完戲飛你唔出黎？
所以今次好堅持你應承出黎先買飛
結果今次你應承左啦，佢之後去買飛
結果你又係唔出黎
？你有冇睇晒？我完全冇應承出去喎
由頭到尾都話趕唔切喎
同埋冇試過買完飛唔出嚟
但明明我由頭到尾都講話你出去買飛我就出嚟
但係佢死都要喺屋企係咁重複話總之我唔出嚟佢就唔買飛😅(但明明我同佢講話總之你去買飛我就換衫出嚟
咁到我睇唔明啦..
我講緊呢一句嘅時候係講緊
你出去買左本身約好咗嘅九龍灣(7:30場)
佢出去買我就即刻換衫出去
但係佢選擇喺屋企喺度嘈
然後都大概七點嘅時候
佢又無啦啦唔知邊度搵到話7:30叫我去銅鑼灣！
跟住我睇時間根本就唔夠 咁梗係話唔去啦
跟住點知時候原來我7:15先知原來佢嗰場係8:10 
但講真 佢肯好好溝通 我7:00都趕出黎
點知呢？由7:00去到7:40分都係到覆埋啲
你咪咪撚出 我就自己去硬嗰啲
點解佢會覺得我會信係去緊買😂
其實你地嘈到咁甘，出黎都冇咩意思
應該一早就鬧佢唔記得左你地個約會
今日冇心情唔見仲好
依家變左浪費左錢
佢做乜鳩一定要睇戲？仲要咁死心不息要你過海走去睇。
你條仔真係傻閪嚟，我就係嗰個住上水曾經喺新蒲崗（啟德落車）返過工嘅人，車程係就係45分鐘啊，唔使行啊？唔使等車啊？呢啲時間not peak hour，屯馬線走一架車要等5-7分鐘喎😅😅呢啲咁冇腦又低EQ嘅男人你點頂得順，吃點好的吧姐妹。
明 本身佢唔記得已經冇咗想出街個mood🙂↕️ 再加上佢個態度 出到嚟都係面阻阻
errr 睇完comment先明你講咩
我化妝梳洗就15分鐘左右 但以前有個朋友好興一個電話叫我出去 一收線就幫我call車 然後我就要係車到樓下前換好衫化好妝 所以我係可以5-10分鐘內執好自己
所以 一個鐘係有可能趕得切的！🥹
睇左好耐，單講你個時間問題我都覺得做唔到。
但你地點解出次街會搞成咁我真係理解唔到
睇埋前文補充 我估 佢個思維係
6點9你話趕去九龍灣都得
咁6點50 你趕到去銅鑼灣都得啦 8點開場喎
但其實 事實你就淨係想去九龍灣睇
我琴日銅鑼灣去啟德食壽司郎 差唔多15-20分入閘 56分先係宋王臺出閘 仲未計行路 點可能半粒鐘到
1粒鐘係可以但條友又唔一早講係8點場做乜9 佢叫你咪撚出個下就咪再覆佢啦😌 直接訓返
7點鐘Mikiki(對面馬路)坐巴士大約30分鐘內到SOGO
總之事緣就係本身約好咗7:30九龍灣睇
點知呢個人就係完全唔記得咗件事
然後我五點幾已經問佢今晚點？
跟住佢仲覆我話今晚有咩搞啲啲 完全唔記得咗呢件事
跟住已經小嬲 我就即刻check吓仲有冇位
跟住我睇嘅時候連最後嗰排都冇晒位
剩返頭嗰幾行有位 咁梗係唔去睇啦
點知條友就仲話仲有大把位喎(就係頭嗰幾行🙂↕️)
點知大概6.9嘅時候佢話九龍灣仲有兩個後排位
咁當時我已經嬲嬲哋 咁梗係叫佢買咗飛我先出啦 唔通我出到嚟跟住冇飛on99咩(佢嚟九龍灣大概最多15分鐘車程)
跟住如果佢6.9嗰陣時買咗飛 我新蒲崗過去加埋梳頭換衫7:30都趕得切
但佢死都唔肯買飛 又話我唔出嚟就死都唔買飛
但明明我由頭到尾都講話你出去買飛我就出嚟
但係佢死都要喺屋企係咁重複話總之我唔出嚟佢就唔買飛😅(但明明我同佢講話總之你去買飛我就換衫出嚟)
跟住去到時候我已經決定唔睇啦
跟住嗰陣時大概6:50分 7點右
佢又無啦啦叫我話7:30去到銅鑼灣😅
跟住我更加嬲 心諗你當我狗咩無啦啦叫我去呢又去路
你係咪要沖完洗頭化妝果啲type?
如果唔係 咁係趕啲既 但要去實去到
講真要趕實講到去到 咪戴帽戴口罩囉
但由6:15-6:50左右都係
我重複緊只要佢肯而家即刻出去買7:30九龍灣張飛 我即刻換衫出嚟 但佢係要係到撩交嗌
話你唔郁我唔會郁（但重點係佢嗰陣時已經換晒衫😅)
然後我都諗住冇得睇嘅時候
7,00左右佢又冇啦啦用命令嘅語氣同我講
你同我7:30出去銅鑼灣！
我梗係唔理佢啦(態度再加時間問題)
點知7:15分嘅時候佢先同我講話係8:10 嘅埸
Cls 你明唔明 點解唔可以好好溝通？
重點係佢本身已經唔記得約左我
然後再有咁嘅語氣同態度😅
終於明白條仔會咁講，佢只睇搭鐵時間，冇計埋妳D行路同出門準備時間🤣🤣
睇完晒前文後，你建議你哋唔好分手唔好出返嚟害人
不過男嘅問題大好多，本身自己唔記得咗有約會已經唔啱，跟住仲要唔肯認低威擺款，講嘢又唔好聽，擺款到最後時間趕唔切
其實女仔一早已經講咗趕唔切出
女都有問題，一齊出九龍灣，如果到時買唔到飛咪做其他嘢，點解一定要係睇戲有飛先出，兩個都企到咁硬，明白係因為男嘅無記性唔道歉已經心情唔好，其實一早就解決咗個約會，然後再解決個男人就OK唔使搞到自己唔開心
建議你睇吓佢中咗幾多樣
https://b23.tv/oCjOMeZ
如果係我，我會直接講唔去。
一個會會咁樣隨便約你，仲覺得你有叮噹隨意門嘅人，已經代表唔識計時間，同佢講同唔講最大分別係，講咗佢會覺得你無理取鬧。
所以直接話唔得閒就完。
一出屋企門口 即刻就跳上車
一落車 即刻就跳入戲院
點解要迫人出喎😖有啲人出街要化妝沖涼吹頭，揀衫揀褲襯鞋🤔🤔不過有啲人剩係換衫刷牙10分鐘就出得門，好睇個人😂😂但我就唔想出得咁急，9點10到就差唔多
都唔知拗乜
出唔徹咪名正言順屌柒佢
出得徹咪睇得成戲順利成事
而家戲又冇得睇又要嘈交戇鳩鳩
拍拖約出街都罵哂交真係好辛苦🥲
你哋平時係咪都會因為好少嘢都會咁樣嘈法？
啲人都CLS,人地一早已經話趕唔切唔出黎,你地仲咩仲要幫人兜 ?
我試過我話12點起床 條友叫我陪佢食飯 12點半屌我做咩仲未到鑽石山 著咗 我咪開頭第一句講咗我將軍澳啱啱醒
第二上午幫佢落單係日本官網買嘢 又屌我點解下午未送到佢香港屋企 直接已讀不回從此bye bye 懷疑同一個人
我覺得如果着衫化妝嗰啲快嘅話其實都要15分鐘
我之前有喺新蒲崗行過去啟德大概都係需要15-20分鐘
咁啟德搭過去銅鑼灣又要半個鐘
行過去戲院仲要10分鐘添
啱啱好咋