我宏新閣 收到社工嘅相 我屋企連鐵閘都冇埋 牆都冇 得幾條鋼筋 地下只有灰 沒有雜物 我想俾個擁抱你 大家都要一齊加油 努力撐住 
除咗袋，真係要帶埋勇氣上去…如果見到一啲唔想見到嘅嘢，希望大家都頂得住🙏
最重要係人平安，其餘慢慢嚟。
我覺得政府安排太缺乏人性，每一個單位逗留時間應要彈性處理，有啲單位如上述，已經燒到乜嘢都冇無需執拾，有啲冇燒的單位，居民真係有嘢需要執走三個小時完全係唔夠。
既然政府已經有照片可以預先睇到單位情況，有啲人亦未必想返去單位，就應該人性化處理，給想返去嗰啲居民，有選擇逗留時間長短的權利
Sorry to hear that
但可能有啲好珍貴嘅嘢係個底到，唔好放棄，要拎定好啲嘅口罩同手套呀
帶定兩個IKEA大藍色袋，勞工手套幾對，濕紙巾，口罩，紙巾，仲有單位號碼打格啦.
臨床心理學家對災民重返屋企時嘅建議
https://www.threads.com/@clinicmind/post/DWilGc-jUnG?xmt=AQF01LX8ha_iobTwePJ0YOkM84L2xiq32L6Ae5PL_9tGYK5CSAYn3KXNv0hOJWyLZoDe2KA&slof=1
隔住芒睇見呢啲畫面⋯我理解唔到點解有人講得出「貪得無厭」呢四個字。 災前所有投訴不獲處理，居民預視到有危險郤又束手無策，到事情真係發生攪到家破人亡，唔聲討相關部門果個都唔係正常人啦！
唔好意思，雖然我唔係住喺嗰度，但係見到張相，我頂唔順，已經喊咗！居民真係要拎出極大嘅勇氣無比嘅決心，祝平安，保重🙏🏻🙏🏻🙏🏻
好難想像
本身間屋應該放滿傢俬，梳化，餐枱，電視櫃，而家被火燒到好似人地全爆裝修咁，得番頹垣敗瓦…
屋主去番現場，要心理幾強大先頂得住😭
唔俾人翻去又唔得
俾人翻去，睇吓呢個單位，簡直係二次傷害。就算係我睇到，個心都沉一沉。
真係進退兩難
做咗而後悔
總好過未做再後悔
上到去就算咩都攞唔走
都要好好咁多謝依間屋俾你嘅回憶
之後在其他地方繼續堅強地生活🙏
Good idea 買個go pro 先 唔該師兄🙏🏻
防割手套，袖套，
種花果類工具/細剷仔，
密實袋（毛掃或毛巾清理表面塵，然後擺入袋，落樓後先再詳細清潔。）
護膝（預要跪低整理）
安全鞋+鞋套，
口罩，
護目鏡（驚塵入眼），
頭盔，頭燈，
後備衫褲鞋襪，
番現居地前，
去其他地方沖一轉涼同洗鞋，
然後換哂成身衫褲再掉走，
要預果日用同著嘅野都會掉。
我所屬嘅部隊準備好陪你一齊上返單位，有需要幫手嘅話，即管開聲，幫到就盡幫
一定要！我相信仲有一啲重要嘢！就算一個門鎖都要拎走，最緊要做足安全措施，手套、口罩、鐵鉗、環保袋、安全鞋甚至細細個嘅鏟，我明白要面對嘅唔止係環境，更要有強大嘅心臟同埋極高嘅心理質素，萬事小心，加油！撐住！辛苦你了！街坊！🫂
樓主，如果可以…上到去每人放低一樽水俾佢哋🙏🏻
世界上好多慘劇發生，但未聽過好似呢件事搞到咁低能。
所有消防，警察，維修，政府部門上過樓無數次。
其實留在單位的親人😭🙏🏻，等的只是家人返去見最後一面，咁簡單既事，要等4個月先比人上樓！
你估人地真係想返去執野咩？ 家人們只是想講聲「大家保重😭一路好走😭」