睇返自己十幾年前寫嘅嘢，尷尬到想直接 del account。

琴晚清緊舊 email，無意中㩒入去自己個陳年 OpenRice 帳號。見到 2013 年讀大學嗰陣寫落啲千字文食評，真係睇到打冷震。

去深水埗食個 $38 嘅沙嗲牛麵常餐，我竟然用咗「牛肉嘅油脂同花生香氣喺口腔交織出豐富層次」、「炒蛋呈現完美嘅半熟狀態，堪稱藝術品」呢啲字眼去形容。

最癲係嗰陣覺得用 iPhone 影相唔夠專業，次次去茶記都要孭住部單反，仲要企起身「高抄」影足十分鐘，搞到對面啲 friend 碗公仔麵發漲晒都唔敢起筷。

到底當年班朋友點解頂得順我無同我絕交。有無人以前都做過呢啲扮食神嘅 kam 行為？