睇The Super Mario Galaxy Movie，
喺觀眾入場期間，有一班細路入嚟，
大家都興奮傾計，其中一個就話：
我地開始咗就唔好講嘢啦。
到開場，真係冇細路大聲討論劇情，亦冇電話響，
突然感到香港有希望。

我坐嗰場都係，
啲小朋友只有笑嗰陣時才有聲，
真係祝福嚟的😌

我睇廣東話啲細路都無嘢
反而早幾個禮拜睇高達至少有5個大人拎手機出嚟睇
仲要有人開聲鬧都唔收

最怕呢啲以為自己睇緊netflix嘅人

我尋日下晝喺德福睇英文版4d場，雖然有幾個細路，但都好乖唔嘈，睇到最後仲一齊鼓掌添，成場氣氛好好。

真心，我睇完都想鼓掌！for the good vibe and the movie.

唉，反而睇我們不是什麼，有個大叔唔較靜音，成場鄧櫈登咗幾十次，火都嚟🤬
（響到四五次我已經出聲叫佢較靜音，條PK唔理我）

你會出聲，好勇敢🥹

我通常會喺一開場就KO晒啲旁白L電話L，先用眼神殺，再噓，唔得先開口講，盡量唔騷擾其他觀眾。但今次阿叔同佢女伴太遲入場，處理唔切。我覺得戲院禮儀係不容退讓的，佢唔識就教到佢識。呢期多咗好普通人落嚟睇戲，太多痴鬼線行為，我照用爛爛的港普開佢拖。

10 後整頓世界🙂‍↕️🙏🏻

得罪其他後？

你就好，我嗰場阿媽同仔，身邊前排後排一齊討論，前面條pk仔一見到mario佢地揮手佢又揮埋一份，開場同去到字幕等彩蛋仲企埋起身。附近又有搣膠袋聲，最pk係有唔知咩人偷影咗幾分鐘。

我反其道而行
同媽咪睇戲專揀早場
主要原因係老人家好鍾意邊睇戲邊大大聲討論劇情
早場嘅氣氛好正
全部都係兩蚊車
大家暢所欲言
邊個都唔嫌棄對方

最近幾次睇戲啲細路仔都幾乖
反而係啲中坑中女最鍾意一路睇一路傾偈

我睇𠴱場係愉景新城， 𠴱場係小朋友friendly , 入場時有班小朋友係門口好嘈，嘈到小賣部職員都要出聲話佢地會嘈住其他院既觀眾（有家長陪同）。
入到場都嘈， 但一開場就冇嘈。係耐唔耐有一兩句好興奮咁見到啲角色出場。 大致上都ok. 反而聽到個男人耐唔耐就同佢小朋友討論劇情😂

我睇果場小朋友全部靜
反而隔離兩條女一路睇一路傾計講劇情

你呢排係咪有做善事
所以遇到d有家教既家庭

可能係

我睇果場係：左邊，阿母親開場叫個小朋友「唔好食啦」叫到散場，右邊人哋個小朋友就猛咁喺度人物介紹，左前方嘅父母就比較日理萬機，不停咁睇手機，一個價錢，多種娛樂🤣

佢地完場應該全部都好攰

我個場都係，好多小朋友，但佢地只係會間唔中笑下（好唔好笑都笑個隻😂😂），但真係冇人會傾計

有時大人騷擾過細路
又睇電話又傾計

今日睇都係只聽到笑聲

想分享相反嘅😂😂
我之前睇狸想世界 隔離位坐咗一對父子 6-8歲咁
我已經做定心理準備 未必能夠安靜睇
點知!!!!
套戲開始咗之後 個老豆嘈過個仔😊 個老豆會大聲同仔仔討論劇情 但個仔問老豆嘢 反而係細聲問.....

老豆好失禮呀

#不是所有細路

至少仲有細路有禮貎

但我今早睇 Hopper 一班2 蚊係咁傾計

🤬

前排睇hoppers有一大班細路，喺出面等嗰陣吵到我耳鳴，應該睇戲太興奮😂😂😂
但入到去只有笑個陣有笑聲，好乖😭👍💖

講真
岀返戲院睇吓外面發生緊咩事
就知呢度完全冇希望