📌 究竟男性有咩困境？佢
共 72 條紀錄
究竟男性有咩困境？佢地講既要番工要ot要養家，女人都要做。咩女人結咗婚唔洗做靠男人，又唔係全部女人都係咁，更多既係兩公婆都要番工。供樓壓力，係你地自己要買樓，關女人咩事？e+都愈來愈少人要買左樓先結婚。
講結婚，要大攪細攪全部都係豐儉由人，香港都無彩禮ed野，大家傾點數去做。
ed根本唔係男性困境，係經濟壓力，係窮。
至於男人不擅表達/溝通，ed困境唔係女人造成。咩男人要堅強，硬淨，女人咪一樣比人要求要溫柔，善解人意？ed刻板印象人人都有，點解要講成係男性困境？
究竟有冇人可以講比我聽咩係男性困境？
男性困境就係男人講男性困境出嚟
會被人質疑返男性有咩困境
認真答
男性困境有90%都係同求偶焦慮有關
- 要搵得多錢+卷事業/status，買車買樓通常男人負擔大部分
- 唔可以軟弱（無聽過女人鍾意emo嘅男人）
- 離婚custody+alimony+child support通常都係asymmetry（當然可以話男人搵有錢婆，離婚唔會輸，現實係1%都唔知有無）
- 事業唔順利嘅時候身邊嘅人會睇唔起你/離開你，包括另一半，要長期perform
呢啲都係假設男人好想搵另一半嘅問題，如果個男人肯自己賺自己洗，fing曬去旅行，住公屋，同啲哥布林friend 9fing，完全可以opt out呢啲困境
講返剩低無得opt out嘅10%
- 發達國家 讀書+career早期係slightly favor女性，某啲行業男人被stigmatized（childcare，上門補習，美容，幼教）
- 男性自殺率高好多，social safety net比較少（例如男人被家暴係無shelter）
- 某啲國家要當兵/打仗
結論係一個男人如果選擇躺平，唔求偶，就可以opt out大部分困境，女人有更多無得opt out嘅困境
基本認知
feminism 去到依家大家已經認知到問題係gender norms 性別定型
由第一次女性主義思潮開始到依家其實好多真正嘅feminist都有意識地擴大理解受影響嘅群體 由形式上嘅爭取選舉權 到考慮多多元性別 意識到男性都受影響等等
男性困境唔係女性造成 本質上任何性別嘅困境都唔係任何其他性別造成 而係父權制度本身
你話父權咪就係男人建立咩？ 問題係哩種制度係人類係農耕時期幾乎必然會形成嘅制度 例如奴隸制 封建制度 係民智唔高 科技水平不足嘅情況下 哩種制度就係最好嘅制度之一
所以我地一直講緊嘅係進步 唔係批判過去 討論邊個性別造成
我地需要認知到制度嘅問題係邊and改變千年以黎嘅認知 裡嘅都係白水嘅初衷
所以首先答你嘅係 男性困境由哩種原始嘅父權制度造成而唔係女性
1. 男性普遍收到嘅情緒關注不足 男性自殺比例係香港同台灣都多出女性一倍 義務兵役 男性困境有時就係死亡本身
2. 普遍上男性價值會同職業成就綁定
3. 男性嘅女性化行為係社會上比起女性嘅男性化行為有更大阻力 因為女去男係向上流動 男去女係向下流動
女性困境又係咩呢咁？
乜淨係女性要驚畀人性侵咩？男人都可以畀人雞姦㗎喎。任何手無串鐵嘅人，甚至動物其實都有畀人性侵嘅風險㗎喎，呢個係治安問題，點解要誇大做女性困境呢？
任何畀人杯嘅人都會有玻璃天花板㗎喎，任何唔合群嘅人都唔會上到位㗎喎，任何有心要打扮好自己嘅人都要服美役，所有fashionable嘅嘢其實都唔舒服㗎啦，唔係淨係女人獨有嘅困境嚟㗎喎？
你話女人有月經唔舒服，每個月都要畀錢買m巾都係一個困境，但係男人食量大，都要食得多嘢喎，都係要洗好多錢㗎喎，即係因為自身生理需要所以要花多啲錢，呢個就唔係女性獨有嘅困境，咁點解女人又要投訴呢？
咁我又好想知講完呢一堆嘢之後，其實女性困境仲有啲咩剩？會唔會係女人為咗攞好處而誇誇其詞，想男人提供好處，或者佔領道德高地？
同埋呢，男性困境加害者大部分係男人的話，咁女性困境加害者大部分應該都係女人。雌競is not a joke.
如果你覺得我荒謬，三言兩語就invalidate女性困境，不如你又諗下自己講緊啲乜？
有d特質要某個年紀先明顯
男人唔可以喊，會被問「你係咪男人黎」
甚至會訓練到唔再識喊既男人
當喊出黎女性又覺得你無用
擇偶條件上
女性有傾向搵比自己優秀既人做男友
男性搵比自己更優秀既人叫食軟飯
男女性於追求時
更明顯牽及AA制、主動權
當講結婚禮金習俗
又或者父母過世要長子出錢
又好合理化習俗係咁
好老實男女性擇偶權
女性會比較有利，市場供需問題
現時既女權主義都建基於父權主義
唔會解決到男性問題
無一個人再提過平權
男人困境就是
1.男生需要卷事業因為需要穩更多的錢，結婚所需要的車房大部分都是男方需要全付（香港不清楚，大陸很少女生會願意跟你一起還貸）
2.男生從小教育就是男兒有淚不輕彈，要堅強。而且在外面受了委屈，欺負，回到家是沒有人會安慰你，尤其是妻子，她們會說我沒有義務安撫你的情緒。遇到事想跟妻子商量妻子會嫌你沒有能力解決，沒有解決問題的能力，當父母都死去之後沒有其他人會幫助你。
3.離婚男性需要給出的成本會更多，例如孩子的撫養費，買的房子等等，甚至孩子都未必是你的（國外國內親子鑑定是非常難的）
4.事業不順，或者被炒魷魚，第一個離開你的就是你的妻子（國內這種事例非常多，沒有被報導出來罷了）
5.當然男的選擇不婚不育以上問題都能解決，但係要面對自己父母的壓力，尤其是所謂獨生子女，而且還要面對當父母死後你在這個世界已經沒有任何直系親屬，病了老了甚至你活在這個世界上已經沒有任何意義，這時候的心理疏導誰來做。
6.在擇偶拍拖時候，確實有一些男性荷包沒有那麼鼓，要求女方分擔一點也無可厚非。但是一旦提出aa或者ab就會被掛脆
6.還有很多國家的男性需要強制服兵役，很多國家的服兵役的環境是非常惡劣（韓泰）
7.男性工作以粗重工作為多，壽命會比女性低7-8年以上（香港不清楚，大陸男性72 女性80）而且因為男的在職場，生活受到的壓力太大，往往伴隨著自殺甚至是犯罪（犯罪生意回報高，來錢快，甚至是釋放壓力）
8.某些國家或地區的法律和司法系統偏袒女性，但這個屬於見仁見智（這裏只打個例子，內地強是沒有女強男的，即使發生了下藥強也只能是強制猥褻罪）
9.目前網絡輿論和社會輿論都不斷吹捧女性的付出，但是沒有人肯定男性的付出（例如國內38節，婦女節的宣傳文案鋪天蓋地，一到父親節就全部啞火）
男性困境多數都係因為要溝女
唔溝女就免去咗99.99%煩惱
btw, 唔係話關女人事，呢啲都係男人自己攞嚟
可以睇下依位女記者Norah Vincent寫 嘅《Self-Made Man》。佢用「Ned」呢個男性身份，長期以男人身份生活約18個月，包括：去健身室、參加男士保齡球隊、去男性聚會、夜生活、甚至參加男性支持小組。佢嘅結論就係你講嗰句：佢覺得做男人其實好辛苦。
呢啲我只係覺得當花生睇下ok，真人show咁了解下都可以。
比我試做有錢佬CEO生活體驗下，都唔會覺得輕鬆一樣。
自己能力經驗未試過嘅野，一定難同辛苦
我唔可以話完全關事，但作者本人寫完書之後，無耐就因為情緒問題自殺死咗，而且係用安樂死嘅方法，所以就唔會覺得當花生睇OKAY。
自己能力試未試嘅野係唔係一定難同辛苦就有待商榷，都可以係興奮同快樂，例如做愛。
佢本身有長期depression 同anxiety, 只可以話個實驗有correlation ，但唔係causation
所以我講咗「唔可以話完全關事」，都唔會當係花生咁睇。
其實啱，你講嘅現象係近來先越嚟越常見，所以男人越嚟少困境，而且女人都因為以上改變而越嚟越少困境
你呢番說話有個隱含前設，就係所有男性都非常enjoy父權社會帶比男性既優勢。實際上點都會有一定數量既男人認為呢種優勢係一種負擔，先會出現啲你聲稱話唔明既「男性困境」。而男性困境既本質上其實同女性困境一樣：不論男女，出世後就要跟隨父權社會既定既劇本大綱進行角色分配，個社會同你講「要做個男人」/「要做個女人」，以致出現主觀角度下既「無得揀」（當然實際上係有得揀，但個成本極高）。所以與其係到爭論「男性困境」定「女性困境」合理啲(aka. 鬥慘）而產生性別對立，點解唔將個矛頭對準「父權社會」呢個「社會文化現象」而非廣大男士？
女人就算唔返工都要管理家庭、做家務、煮飯、照顧男人起居、幫男人處理瑣事，仲要好多係underpaid又唔受尊重。
冇錢咪唔好結婚，男女都係，唔結婚會死咩？
男性困境咪係男性製造出黎，男人表現軟弱笑得最大聲嘅係男人，男人畀人性侵又係畀男人笑，男人性方面唔活躍無論係咪自願都係畀男人笑得多。
正如父權之下會同時出現「男性受害者」和「女性受害者」，自然也會同時出現「男性加害者」和「女性加害者」，只不過當我們用到「男性困境」「女性困境」這樣的名詞時的語境中，會自動將其歸類為因性別不一致而導致的困境，所以會把同性之間的壓迫略過不談。而由女性導致的男性困境大多是經濟有關的、由男性導致的女性困境則大多是與自主權有關的，兩者之間不同會令我們一般會認為「兩者之間不能類比」，所以傾向把對方性別所受的困境輕量化。
例如男性一般擁有更強的戰鬥力、更高的痛苦耐受性、面對著更極端的競爭壓力，自然不會把「身體自主權受侵犯」這件事的比重看得太高；而女性在文明的社會中成長時，只要你願意，一般都能利用父權紅利獲得一定程度的利益，而且由於暴力遭到法律禁止，女性也比較能規避掉因身體能力較差帶來的競爭劣勢，自然也不會在「經濟競爭」這件事上感受到和男性一樣的壓力。不管男女經受的困境都是真實存在的，分別只是兩者各自更看重的事物不同所導致中家會著眼於不同的方面。
而在談父權之前，資本主義才是更加根源的社會構成的邏輯，畢竟你可以透過完全放棄性別附帶的社會權力和責任來一定程度逃避，但沒人可以逃開賺錢這件事。
條片有d可以參考嘅地方，比啲時間聽下
另外其實唔係只關工作養家
(呢兩樣只係社會結構再延伸出嚟嘅野）
普通，大家出個街，成條街都係性別符號
亦好多幸福家庭點樣/成功係點樣定義嘅marketing無處不在
(呢啲都係種潛意識)影響思考
由人類延續壓史開始就劃分咗你要點點點佢要點點點。
到近現代社會開始提倡兩性平權，先叫做有意識去反思/提高意識去逃離個框架。
兩性困境最近可以觀察嘅對象其實係父母
父母係承載住世代影響嘅循環
父母都影響住大家點樣成為自己同到社會面對嘅困境都有唔同
wow 佢講得好深入，咁好似解釋左好多男人既心態。我的確唔明果種競爭既心理係邊度出現/點解佢佔男人既世界咁大比數。我都覺得人係應該多啲提升覺察，無論係身體訊號/情緒/想法，而唔係好急咁歸因。其實唔係男人，女人都要。好多時講起aa問題，好多女人都將aa=唔夠愛掛鉤，因為係舊世界既框架，男人的確係會為女人買單，的確係=唔夠愛，但e+係新舊交替，所以又未必。
雖然有啲長 但佢舉嘅例子都幾易明白
/
因為愛好難係用質量化嘅嘢
再加你留意下個社會上面廣告對男女個刻板印象強硬到
比喻啲賣珠寶嘅廣告 都係會叫人送珠寶=錫
樓盤廣告係成功人士
再外加網上分享每對情侶之間表達愛嘅方式唔同就會有比較。只係送禮同肯唔肯洗錢係對方身上都係衡量愛有幾深嘅 淺層標準。
呢句唔知會唔會比人打，用防劇透先🙈
例如：安全套戴唔戴都竟然係用嚟衡量愛嘅表現
再深入諗點解呢啲會咁嘅，點解以前男性經濟條件咁重要，到一路刻畫到成為一個父親形象喺點
過程就都屬於男性困境。
你會發現啲嘢最終喺圍繞住個命題喺關於生育
咁點解女人有困境就關男性事
你講not all women就得
男人講not all men就推卸責任？
男性困境是確實存在的，但困境不在於「是否由女性造成、不是由女性造成」
這些困境更準確地來自一整套長期運作的性別規範，而這套規範同時由社會、男性與女性共同維繫；男性既是承受者，同時作為一個群體，在某程度上也參與了這些規範的再生產
典型例子例如情緒表達的壓抑（男性長期被要求「要堅強」、「不要示弱」）、價值與成就的高度綁定
這些困境的關鍵在於，它們並不是單一性別對另一方施加的結果，而是被整個社會結構長期塑造、並在不同群體之間反覆強化
雖然咁講，但男性的確係有困境
女人被要求溫柔係女性困境一種，男人被要求強硬都係男性困境一種
不過男性困境同樣由其他男性i.e.父權社會做出黎
更加貼切係女性係父權社會下primary victim
男性係secondary victim
可能對於部分女性黎講，女性作為primary victim，女性困境都未解決時，部分（擺明自作自受）男性就係度呻由男性做出、冇咁嚴重的男性困境，最後又要都喺係困境入面+辛苦過你男性困境嘅女性，去cater去體諒你男性困境先，的確令人幾不爽...
不過就算有時會令人覺得煩都好啦，男性困境就係存在，又唔需要全面否定
係父權社會下，除咗有錢白人順直男老登，冇一個係受益者，全部人都係受害者，只係受害程度有分別
女人向上求偶
但大部份女人平庸
結果就係top 1%男人任揀任食
然後嗰班女人又以為自己值得top 1%男人
剩餘男人就等同隱形
咩叫自己要買樓？ 買樓女人冇份住？？我見到好多都係男既賺錢養家，女既唔洗做，然後個男返到屋企都要做埋家務再俾情緒價值個女😂
1、「至於男人不擅表達/溝通，ed困境唔係女人造成。」
即係你都承認係有困境。
2、「男人有困境」嘅意思唔係「女人冇」/「比女人多得多」
只係「其實我哋都有」。
只要有心，呢嘅都唔係困境，但當每日面對呢一堆事情，恐怕就很難有心去跟另一個人相處了
男性困局，就係面子工程，男人尊嚴題目
係職場上，女性面對辦公室政治多於男性，因為普遍女人喜愛對付及欺負女人。
女人被人求溫柔，善解人意，都算係一種困境
你可以話點解女人一定要溫柔一定要善解人意？
你可以唔認為係困境，唔代表對某啲人唔係
你接受你需要被要求溫柔善解人意，唔代表人人都需要接受，總唔可以講「我都係咁，有乜問題」
因為人唔係為左迎合刻板印象而活，佢有唔遵從既自由及「被尊重」 ，唔關男定女事
尊重係，有100種度，而你只係活緊其中一樣態度，但都要知仲有99種同你唔同既態度，你需要包容其他99種…困境就係…個刻板令事主得唔到大眾包眾，你一個包容佢無用喎，文明社會係…應該整體性都包容佢
我認同係困境，問題係有d男人一講起，就好鍾意拎女人唔洗點點點去講，唔明白點唔可以正視問題既核心，係都要踩底一邊抬舉另一邊。最鍾意講錢講供樓供車，ed野大把人aa又視而不見。跟著又講女人可以拎到多啲attention，果d只係佢地乎合男人審美咋wor😂，d attention係男人有份比。
嗱…你講左好觀點
//我認同係困境，問題係有d男人一講起，就好鍾意拎女人唔洗點點點去講，唔明白點唔可以正視問題既核心，係都要踩底一邊抬舉另一邊。//
後面果堆係無乜關係…每個人都係獨立segmentation, 總唔可以呢個男人咁就當所有男人都咁
所以真係每個人都當獨立case看待，先係「尊重」佢既獨特性同獨一無二，generalism 只係吹水
又咁講，而家個個人都係attention seeker, 本身呢個行為已經扭曲左價值觀
咁本來既價值觀同扭曲左既價值觀有幾大差別？ 甚至大家對本來既價值觀，係咪都一致同一個基礎先？
我會話每個人都有一定既困境，視乎
1. 係咪真係好困境先
2. 人本身心態係點看待
而男女有無絕對既平等/相對既平等先？
不如大家搵一男一女重演jack同rose係沉船後果幕，rose係咪會迫鳩jack上木板？
Rose做唔到…咁講經咩
又咁講，男既講車講樓，女既就無show off？
Fuckbook興起期啲女日日post旅行美食性感相（近年仲有埋onlyfans)，何嘗唔係toxic，自我物化
男同女咪又係一鳩樣
「又唔係全部女人都係咁」
係囉，你自己都識講啦，都唔係全部男人都係咁
exactly所以講成係男性獨有困境會唔會太誇大其詞
以你邏輯
女性困境都唔係所有女性都有
即係女性困境都係誇大其詞？
再次強調
我係根據你嘅邏輯
美國有個好出名既女權作家 Norah Vincent，佢本身係一個女gay，用左18個月既時間扮男人，進行社會實驗，最後出左本書叫Self-Made Man，你可以睇下
唔睇佢本書都唔緊要，你可以search 下佢生平，好快就有你所想知既答案
我覺得
係可以認爲所謂男性困境係父權社會所延伸嘅價值觀問題（例：情緒支援不足，某d特定責任（特別係經濟責任）普遍社會價值觀都認爲應該係男性負責...），我亦唔認爲可以好簡單咁話「咪又係男人造成」，呢個社會大家都共同存在，有呢種期望嘅女性都存在。
都係嗰句，活係呢個社會要滿足呢種性別角色其實除咗極度少數人之外大家都唔係贏家，係可以acknowledge男性都有面對困境而唔係「大家都咁辛苦」，面對嘅處境唔同，個struggle唔同，所以個標籤唔同啫。
個stuggle唔同既位，好多男人既舉例都只係來自刻板印象，佢地成日就係拎錢出嚟講，而e點係說服唔到我。不過都有人回，可能就係男性困境，令佢地講唔出口自己既情緒需要。
每次一攞錢出嚟講我都覺得好攰
我係個唔捨得洗愛人錢嘅人
就連去餐廳原本一人一餐 我想叫多杯嘢飲貴少少佢唔叫嘅話我都主動埋晒成張單
因為鍾意飲可樂 想佢長期擺一支喺雪櫃後備
同佢講買超市off brand都無所謂
平日同過節我都會送禮 手織 外國訂 佢點名話要通通都送過
我只係想佢一次過節可以送價值同我送過比佢嘅嘢差唔多嘅小首飾
但諗諗吓佢一向咁慳又唔捨得佢洗錢
每次見到啲男人話女人拜金我都覺得一頭霧水
你上面講嘅女人都要做嘅野, 女人可以選擇躺平唔做, 社會上冇人會指責你, 甚至認為理所當然. 只要你搵到個好歸宿
男性困境就係永遠只可以成為果個好歸宿, 所有責任最後都會落到男人身上, 唔可以拒絕, 唔可以失敗, 唔可以做唔到, 否則會同時社死. 無論為自己或者為家庭, 永遠都唔會有退路. 女性中可能只有單親媽媽先明白呢種感受
其實係 如果男人表現得善解人意啲 有邊個唔鐘意？ 佢地知道個社會需要啲咩 但唔想放下身段同時間係其他人身上
講到女人溫柔善解人意係天生 唔使努力去學翻黎咩 咪又係人一個
你嘅言論正正表達，你唔明原生家庭對一個人嘅影響，亦都唔明白社會對一個人嘅塑造。
如果性別對調你段野就會變成咁：
如果女人表現得理智啲獨立啲溫柔啲有邊個唔鍾意? 佢哋知道個社會需要啲咩 但唔想放下身段同時間喺提升自己上面。
講到男人獨立堅強抗壓係天生 唔使去學返嚟咩 咪又係人一個。
Ps: 我係讚同你言論當中人嘅需要學習， 但係我唔讚同你上升到性別
即係咁講 原post 上升到女人天生多人關心easy mode啲 我先用翻性別黎回應
我唔認為我既意論同唔明原生家庭/社會對人既影響有咩關聯 我就係明白當中既影響先提出要學習要改變
一個人意識唔到自己想成為點既人
意識唔到需要改變討論黎無意思
但係你會唔會對一位女性， 當佢面對生活不如意是， 首先係教育佢?
社會上唔係都教男性面對女性嘅時候唔好理 道理行先要先搞掂佢嘅感覺， 佢嘅情緒?
女性呢個性別天生係比人關心多啲， 呢個係父權社會下嘅角色定型引致嘅， 你如果明白當中嘅影響，你應該會認同呢個結論係冇乜需要爭拗。
各有各睇 我唔覺得係教育而你覺得係指責
1）社會上都教男人面對女人時要情緒行先
我對朋友 無論男人定女人都會照顧情緒先 相信唔關「社會教男性」 事，你呢個講法同一時間標籤咗女人更情緒化 男人要用更多effort去deal with 女人既情緒 可能你重新整理下想講咩先😂
但當對方只係一個網上既陌生人 佢係無義務去安慰人地架喎 我見到既係 白水下意識用左自己更常用既思考方式（邏輯導向）去諗個post 講啲咩 而佢吸收到既係post講既女人easy mode啲 男人俾社會壓逼緊 佢就話其實唔係 女人都好辛苦架
2）女人呢個性別天生比人關心多啲
睇到呢到即刻覺刻自己覆你都多9餘
都唔洗叫你變性做男人，試下開個男既交友app ac玩下再講
其中一樣好唔明，係點解男人咁焦慮無人要。可能女人都會，但男人似乎更擔心e樣，好似無人要=社死咁。
如果你真係做到男女平等而唔係自助餐的話（我相信三觀正常就唔使特別解釋個分別），的確係無男/女性困境。而性別困境（咁講會簡單d)一般都係對性別嘅印象所造成。
其實你啱架～ 關於錢嘅壓力從來都係唔夠錢多嘅問題，未必係性別問題。只不過係身邊人（通常愈唔關事果d愈多野講）有過多嘅說話造成壓力。
如果你嘅疑問係你配偶承受緊壓力而佢俾倒情緒你所致，你要好好同佢溝通下，大家互相扶持。加油！
好多時人於壓力之下好多野睇唔清... 會鑽牛角尖...
女人問男人有咩困境，同男人問女人生仔有幾痛，我覺得有啲類似。
純粹得個知字，冇可比性，亦代入唔到
跟住又loop返，梗係生仔辛苦過男人啲emo野啦。生仔緊係辛苦，但emo都唔會enjoy，都係冇可比性
咁又咁講
女性要求溫柔係女性困境
咁相對男性被要求陽剛係男性困境
係完全可以各有各困境
唔代表兩邊都有就打和啦super 架喎
同埋兩邊要求既唔同野
會做成既結果, 經歷, 同邊類型人會更受影響都唔同
大家各有困境，係人類生存就有，唔係好明點解要整一個男性困境既term，好似好勁咁。
我覺得只係任何人都有軟弱嘅時候，或多或少。或長或短。
唔係永遠。
男人都有成功失敗，女人都有。
溝女問題，遇到乜嘢人？自己人生經驗，
人人都有順風逆風。
頭先睇左其中一個reply既影片，講左好多男性既心態同埋困境。好有啟發性，我都覺得係成長既路線，就睇大家可唔可以跨越到，明白到自己既心態造就左好大部份既困境，同時要由自己開始擺脫舊框架。
你可以睇吓下面個串文。入面太多數男性困境係由父權制度壓迫造成。父權制用二元性別嘅方式把所有人定型為「男性」和「女性」，並為佢哋設定咗唔同嘅社會規範同期望。所以唔止女性會受到性別規範嘅限制，男性喺呢個制度之下同樣會被規範要展現陽剛氣質。例如，有毒的男子氣概（toxic masculinity）指嘅係一種被社會鼓勵嘅男性氣質模式，強調支配、壓抑情緒，同埋排斥陰柔特質，並可能導致對他人或者自身有害嘅行為，例如壓抑自己情緒、恥笑具陰柔氣質嘅男性、或者出現仇女同恐同嘅行為。
男性困境就係好多男人都有抑鬱症
但一說出來就被人說那麼小事為什麼會抑鬱呀 男性怎會有困境呀
男性的困擾恐怖到連提出來的環境都沒有
冇男性困境架。多一根爽一生。
你都不妨買返支裝落自己度，保證一裝上去就多吧安胺直衝大腦，馬上享有特權。