究竟點先可以有自信啲
好想個人可以做到閃閃發光咁
一向個人都係冇自信 睇到自己好低
由細細個已經係咁🥲
無論感情 朋友 工作上都係

初中有人同我表白，但因為我成績好差全班尾幾而佢係頭三，覺得自己襯唔起佢所以冇一齊(當然冇咁同佢講原因)

人大左又驚做錯野講錯野咁，返過3份工，3份工啲大粒都話叫我俾啲信心自己，唔知點解好多時一有問題出現嗰陣，第一時間我都會諗係咪自己做錯🫨

同一啲成就比較好嘅朋友一齊或者出席佢哋搞嘅活動嗰陣 ，又會怕自己會唔會影衰緊佢哋，或者送禮物俾佢哋嗰陣時，會唔會覺得我好 cheap ，此終唔係啲咩名貴野

而自己樣同身材都唔好，因為大咗先箍牙所以有牙套臉，但箍完一年塊面都依然好凹，老咗10歲咁，面又唔對稱，所以都會有容貌焦慮，仲努力緊接受自己咁嘅面形😔至於身材方面，基本上係平胸咁滯，好羨慕啲大波妹，亦都因為唔想咁平，有試過食藥 搽 cream 出去按胸做機 全部都唔見效😮‍💨其實我只係想有返啲胸形睇落唔好咁平，著衫又好睇啲🥺🥺 同老實講邊有男人唔中意個大波嘅女仔，同視覺上點都好睇好多…

真係覺好難做到愛自己接受自己嘅一切，成為一個有自信嘅人😮‍💨😮‍💨

我覺得提升自信嘅方法可以start with欣賞自己嘅小事，一兩件事就夠，好細微都唔緊要
also接觸多啲野/唔同風格/圈子可能會令你自信啲

多謝你cm🙏🏻我會多啲試下肯定 欣賞自己

成日咁樣諗自己好攰㗎
每個人都一定有佢嘅優點 你都一樣
淨係睇呢篇文我都睇到你
善良 乖巧 謙虛 會為別人着想
淨係呢啲已經好過好多其他人喇❤️

多謝你咁都睇到我嘅好🥹

淨係一個po都睇到你幾個優點
我相信你成個人應該有多好多其他優點㗎
可能已經閃閃發光緊
只係你自己唔覺啫✨✨

有人向你表白，即係人家都覺得你冇襯佢唔起，唔需要亂諗。

你要知道如果佢哋因為咁＂話＂你，其實係佢地＂品格問題＂。
亦唔需要稀罕呢啲朋友，因為呢啲本身就唔係你朋友。

每樣野都有好處同唔好處。
例如：平胸睇起上來瘦D，著某啲衫會好睇D型D。你睇下有啲model都係平胸就係咁解。
又例如：胸比較豐滿，會容易遇到變態佬望。
有時你以為係好事，其實唔一定，
因為每樣野都有佢嘅代價。

心靈婆婆上

多謝心靈婆婆開解🫶🏻