📌 突然諗起一件唔知算唔
共 56 條紀錄
突然諗起一件唔知算唔算遺憾嘅事。
我 18 歲，剛做完一間 startup 嘅暑期實習。
公司喺我走嗰陣問：你願唔願意留低做 full time？
大學 defer 一年。
我問咗我媽。
佢話：「讀書就只有嗰四年。你只可以喺嗰四年讀書。」
我聽咗。
入咗大學兩個禮拜，我已經後悔。
---
前幾日我哋再傾起呢件事。
我媽停咗一停，話：
「我承認，我當時真係唔理解 startup 嘅機會係咩一回事。
我係用我嗰代人嘅思維——讀書最穩陣——去幫你決定嘅。」
佢唔係唔愛我。
佢係唔知道。
呢兩件事我一直搞唔清楚係唔係一樣嘅嘢。
阿媽冇內疚 確實我都有責任 依家長大左 知道最後都係要自己承擔責任
信我 香港啲start up 99.99%係scam, 為佢defer係唔會值得
唔係香港startup 不過香港嘅startup都唔係99.999% scam 只不過香港嘅人鍾意踩其他人 所以先過分報導scam嘅startup
咁係你接捉得香港start up 太少 香港start up 成個制度度令你變成scam
視乎係乜start up, Space X, Open Ai 同anthropic 都係start up。就算係毛記電視，東方昇都做到有二千幾萬股票。
留意返佢話香港的start up 😂😂 你攞silicon valley比
同埋無人會話毛記係start up 🤣🤣 你頂多話Casetify 9Gag 但係好明顯樓主講嘅並不是
係外國嘅startup 過黎香港expand market
當時如果留左 依家應該唔使再返工
不過經一事 長一智 依家知道自己想做咩 就可以
Startup 請人有幾種，一種係核心員工，公司會畀股份、期權。根據公司成長，定期向員工回購股份，令員工感到、得到公司成長嘅好處。
另一種，就係普通員工，普通嘅員工合約。
照你嘅故事內容，好高機會係普通員工身份。即間公司同你無乜關係。
無論邊一種，就你嘅故事，其實也不必過多嘅多愁善感。首先，你成篇野都無落墨係間startup 嘅「特點」、「吸引力係邊」，亦都無講公司入面咩人，睇中你咩嘅能力。
最後，你對於startup 同入大學讀書，由18歲到依家28歲，都仲未有個人嘅睇法或定義。
你更多係Fantasy Startup 劇本依個幻覺，令自己感覺良好。
「佢唔係唔愛我」 - 依個對白就更加奇怪，經歷10年人生後，還覺得當年阿媽嘅判斷係有負面責任。
我做intern 個陣
學校professor 千叮萬囑 好多公司請完intern 就會無啦啦問不如唔好讀留係度做野
佢叫我地千祈唔好濟
一間好公司最應該係 offer parttime 位 或者留位等你返黎
就永遠唔會有要係放棄學業去佢度做野既option
你一諗到你未有大學學位去佢度做野 做有大學學位之後去佢度做野 之間佢個offer 可以差幾遠 你就知點解d 公司會咁講
另想知：點解你讀完書冇去返個間start up
因為有另外一間startup請我 前景更加好 仲要係美國
除非你係畀橋做startup嗰個，如果唔係冇人值得花青春去做startup
你阿媽只係俾咗個意見
聽唔聽、做唔做都係你自己決定
點解要將自己後悔嘅情緒反彈番去阿媽到？
自己負番個責任啦
咁當日嗰間start up有冇搞得起？而家重健唔健在？
另一樣嘢，當日係你自己決定聽你媽媽講，而唔係媽媽幫你決定咗，責任在你，成件事亦同愛唔愛無關。
如果間startup一年之後玩完，你可能有唔同睇法，不過遲一年畢業其實唔係咩大件事，但全天下老豆老母應該都唔會明/支持
利申：大學defer過一年
你自己都18歲，你自己都諗唔清楚 背後原因和風險？？
你講到人地要你defer 咁勁，你應該係醒目仔。
應該比你父母醒目啦~
你自己都揀聽佢聽講，係你自己決定。
如果一陣阿媽話你可以defer左，間公司做唔住，你又怪阿媽？阿媽聽你講咋禾。
1. Start up 夭折率高，你後悔只可能你做過果間做大咗冇執笠冇走佬。如果你 defer 做多幾個月佢執咗，你就後悔點解嘥一年陪佢傻。
2. 你 defer 一年响裏面做，咁一年之後引點？
2a. 放棄份工返入大學，咁同你唔 defer 有乜分別？搵過一年錢要變返零收入唔係咁易。
2b. 唔再讀只得高中學歷，响呢間 Start up 陪佢哋一齊開荒，由低做起。
3. 當間公司真係做大咗，再請返嚟嘅人就唔係高中學歷、甚至有工作經驗。你嘅經驗只係响自己公司，冇出邊有、呢間公司冇嘅經驗，你就開始唔值錢。
4. 公司大咗，老闆好容易安排親戚朋友嚟，變咗家族遊樂場，你嘅下場可能好慘。
5. 打一份工有25%係入去試下適唔適合、間公司係唔係真係掂，25%考慮長做，最重要50%係邊做邊了解出邊仲有冇好路。老闆唔會照顧你一世，佢高興時可以有情有義，佢反面時你為佢燃燒10年青春，佢只會講句：呢10年我有出糧俾你。
6. 公司與員工係商業服務關係，從來唔係感情，你放棄自己學歷令自己冇更多更好選擇。就算唔係老闆反面而係時代變咗，你果行冇前景萎縮，公司清盤你條路可以點行？
叫你defer唔讀書ge startup真係累人累物害人精，用市場價請唔到人就想呃細路
我發覺留言嘅人，大部份都同你阿媽思維一樣，所以你都唔好怪你阿媽，歸根究底社會上80%嘅人不是庸才就是蠢材。你而家學到嘅第一個教訓，就係唔好隨便聽人意見。
但從好嘅方面睇，大部份人都仲未適應到甚至發覺到新嘅社會形態，或者競爭模式。第二個教訓就係，盡早嘗試盡早犯錯，提高自己學習速度就會拋離其他人，而且大部份人跑嘅方向都係錯，你也不一定對，但不要跟他們一起錯。
你連佢依家應該要學識嘅嘢都教錯。叫佢“唔好隨便聽人意見“，係到美化佢呢種唔敢負責任嘅行為，將當年嘅責任轉移喺佢阿媽到。佢第一樣野要學識嘅應該係做返個膊頭硬啲嘅人。
其實你都係想顯得自己清醒過人姐，又唔使話人老母係庸才嘅。阿媽嘅意見係行穩陣嘅路，穩陣係因為容錯率高，唔係因為蠢。
唔講以為係Google Tesla 定nvda 想留你做full time
認真，佢真係有心留你，會俾你一路讀書一路返pt，然後畢業再比return offer 你
再瘋狂d，見過有公司肯請大學生做full time，返工時間flexible d，就day off 同weekends，或者com 一星期返4日、人工低d
人往往會對錯過左嘅野諗what if, maybe? 通常幻想都比現實美好。
大學畢業系呢代人嘅最低要求
startup公司要你做多一年，對你無好處
你媽最後咁講，系你埋怨佢太多，迫佢講啫
當然，人生系你嘅，你可以自決，吾讀都得
其實本身你應該清楚媽媽嘅出身/教育程度等等
你問得佢即係你相信佢會為你做最好嘅決定
當然, 最後決定權其實都喺你度, 你要DEFER 其實佢都阻唔到你
唔好後悔自己做嘅決定, 大個仔, 讀到大學啦, 學識為自己做嘅決定負責。
唔好將自己嘅決定賴落其他人度, 只係顯出你嘅裙腳
1. Startup唔一定成功
2. 如果真係做得起，一年就夠？到時佢哋想你放棄學位咁你又放棄？唔放棄返去讀的話早一年遲一年有關係？
3. 如果你真係咁sharp 醒咁幫到公司，我係嗰間公司的老闆會ngai你做PT，或停薪留職等你讀埋嗰一年大學再第一時間招你返嚟（就算請咗其他人，都一定留位俾你做其他嘢，大佬呀你知唔知sharp醒的人係幾珍貴同罕有？）
4. 承2、3，如果你返去讀書咁正當的理由都唔俾、一年都等唔起，假設佢唔係一年玩完，而係請咗其他人就唔需要你，一年都發展唔到請得起多一個人咁都幾霉，或你根本可有可無佢哋只係懶得再請新人再train過，咁佢哋心地都幾差，完全唔為你的個人發展考慮
5. 你咁大個人自己可以為自己做決定，你選擇聽你媽講都係你自己決定（除非佢以死相迫你返去讀書），否則呢個決定一對你有益二係你自己揀憑咩怨/賴你阿媽？
香港Startup（初創企業）的3年存活率普遍被認為較低，根據不同市場分析和觀察，首3年內的倒閉率可能高達 70% 至 90%，只有約 50% 至 60%的初創能在激烈的競爭和高昂的營運成本中存活。
即係你未畢業佢隨時都會無左😆
如果今時今日有咁樣嘅Offer我會去做，然後defer一年。首先Defer一年真係好小時22歲同23歲畢業係冇乜分別。而且你Defer嘅理由好合理,唔係因為肥咗要留班而係你去做嘢, 而你做嘢呢一年嘅工作經驗對一個freshgrad嚟講搵工好有用。作為管理層，如果俾我揀F G，睇高一線。不過都過咗去就唔好諗啦。或者今日份工更加好呢。
所以遺憾什麼？那間9up上咗市每個員工派9％股權？
你果陣都成咗年喇，你媽都係俾個意見，你唔聽佢會點？最多咪唔幫你交學費，咁你做一年野都儲唔到學費？ 跟本你當時就係未成熟到自己做決定，用亞媽做藉口～
「老闆真係唔想你走」可以有好多解讀，唔好太浪漫。無謂用呢樣咁唔肯定嘅野埋怨阿媽。
香港start up定已經入咗Y combinator 啲start up 先？搞清楚！仲有而家嗰間start up 賺咗幾十億未？定仲R 緊funding？如果都係間公司仔，梗係讀書啦！咁多個steve jobs 咩
Start up, 一年都唔知捱唔捱到, 你話自己創業就話啫
咪搞笑啦
你start up又幾可做得大
要我曬青春一年同你博
錢最後就你揾
輸就當發場夢
28歲咁後生，就已經悔恨緊10年前嘅決定。38歲48歲咁點？
其實佢又無迫你揀
俾咗句意見 你就塞佢食晒
佢有冇話唔讀書就唔好認佢先？
其實佢阿媽俾既意見到而家都啱用，去start up只係賭博，間嘢做大既咪叫賭贏，間嘢摺咗係賭輸。
而且香港好似無幾間start up真係做到好掂。
不過佢讀兩個星期就後悔，係咪揀咗垃圾科？定啲同學好勁，自己墊晒底無心情？
其實覺得有時揀咗某條路 係會一路懷疑自己 遇到衰事係會諗如果另一條路實日日開心前途光明 但現實只可以繼續玩嗰game 人人際遇唔同 做人開唔開心都係睇心態
我最覺得古怪一野推晒落老母🤡
Startup 只有少於 1% 機會才能成功，而念大學最重要是邏輯思維，而不是課本知識，眼界開濶，日後才走得遠。尤其是 AI 世代，怎樣突破自己，才能面對新的挑戰。擁抱你的媽媽，她是世界最愛你的人，可惜我媽媽已不在。
一係得，一係唔得，都係賭大細，我覺得你阿媽決定無錯.
Startup 港資公司 = 伏到仆街兼冇度縮良心
我都好奇到底嗰間startup公司俾咩offer你，令你至今念念不忘？（純好奇）
至於你最後嘅問題，我冇答案，但我覺得諗黎好似冇乜意義。以前我都會諗，如果嗰時唔聽邊個邊個講，唔揀呢個選擇可能會好d。但而家我會覺得都係自己責任，因為最終選擇權其實一直係自己手到，當初係我揀聽人講。所以我接受現實，今後做決定多問自己個心想點，人地講乜都只係意見。
其實我覺得重點唔係放係個startup掂唔掂 而係媽媽其實都唔太理解個機會究竟係咩機會 但就作出左提議 而最後都聽左媽媽既提議
18歲就讀大學
你嗰個年代嘅startup全撚部把撚
冇乜幾間過到2年
你話你當年on99推咗amazon offer就話
唔係話大學有幾值得讀，但可以教到你同中學全然不同的學習模式同人際關係。累積多幾年可能會延遲左你成功年齡，但係唔會埋沒你才能，人生流流長，持續學習能力先係立身之本，大學就係學呢樣嘢。機會唔會得一次。有足夠沉澱等下一次到了可以飛得更高
當你提到「唔知算唔算遺憾」個刻就已經代表你覺得遺憾啦
你只係幻想當日做另一個決定時會過得更好，但呢樣野係冇保證，你有冇諗過依家已經係你最好嘅結果
1. 間startup仲健唔健在？
2. 唔做full time可以做part time
3. 入咗U兩星期就後悔，可以quit U搵返間startup
如果個機會咁重要，其實你都仲有好多選擇
其實個遺憾你自己有份造成
當日間start up成為獨角獸未，開始融資被高價收購未？未嘅話無咩好後悔，完成學位有沙紙先可以見大公司
大學生活係人生一整個經歷，並唔係普普通通一個學歷或者一張入場券。Defer一年好大機會令到你同而家啲friend有好唔同嘅路，係幾冒險