突然諗起一件小時候「搞笑得來又幾sad」嘅事。
話說，我哥哥寫字好醜，所以中文寫字練習成日攞「丙」。
我爸爸媽媽好唔滿意，會體罰。
於是，我哥哥忽發奇想-
叫工人姐姐幫佢做功課。
點知攞「丁」！
比人打得仲甘。
哥哥出嚟做嘢先發現，原來佢係「讀寫障礙」，所以寫字成日漏筆畫，作文詞不達意。
細個嘅時候哥哥成日因為學業問題俾人打，真係好冤枉。
到我大個去美國讀讀寫障礙治療嘅時候，
哥哥有問過：「可唔可以幫吓我呢？」
我答：「可以啊！」
咁哥哥就做咗我第一個實習嘅client。
後來，哥哥因為公務繁忙（佢好勤力，一個人打幾份工）所以都冇完成讀寫治療。
不過，因為科技進步，而且成年人嘅世界唔需要再抄寫背誦，所以佢都過得好好。
只係，兒時比人打嘅陰影同埋各種創傷，就揮之不去。
所以，如果小朋友讀書唔係太叻，嘗試了解吓係咩問題，佢哋都唔想「學極都唔識」㗎！
以前嘅細路，乜嘢情況都係得2個。蠢同埋懶，一味話勤力啲就得，牛點勤力都唔會變成馬囉
我覺得我都有讀寫障礙
但除左學背寫比較難
另外我覺得比較麻煩係廣東話白話係點配搭都得 冇咩文法上既錯 但功課係好確定既對與錯
都唔係架
廣東話語法都係有規律
只係我哋講嘢時思考較快，會將對方既錯誤自動補完
類似一句嘢，如果我將d字掉亂，或者拎走幾隻字，你都睇得明咁上下
嚴格黎講跟正grammar講／寫口語，係會容易d令人理解
係 所以學習上會難理解
因為細個d大人都係咁講野 但到做功課d重組句子成日錯
我中文 、 中史從來都無超過49 分，永遠差一分先合格。但我其實最花時間就係中字頭嘅科目…
用英文/計數為主作答嘅科就完全無呢個問題。
其實我都有懷疑過自己係讀寫障礙中，寫中文嘅問題～ 其實呢個問題有冇分中英。
我都覺得細時，讀書唔叻、寫字唔靚就俾人打鬧嘅細路好慘，明明自己父母都唔係識得幾多字，讀咗好多書，佢哋只係將自己嘅擔憂發洩响細路身上。
中文科無問題，
英文科都無問題.........就假。
因為對英文同數學一視仁，
所以全部考試變紅。
肯定係智力問題。
Howard Gardner 1983已經提出「多元智能」概念，語文只係智能表現既其中一個strand。
中英文科屬語文strand, 而數有「文字題」所以同語文又係有關，所以理論上只要語文strand 一弱，數都有機會差。
但智能要睇whole picture。
讀寫障礙就係IQ average or above, 但語文特弱。
工人姐姐幫手點解攞丁？老師知道字漬不同所以懷疑唔係佢自己做？
其實呢個都係正常既社會現象，當人類接觸一啲自己未涉獵到既嘢，就會用自己現有既嘢去斷定行事，就好似天花病咁，未發現到原因又醫唔到嗰陣，連巫醫都會俾人接納。