我係90後，父母和自己都是土生土長香港人，受純正廣東話教育，由細到大都叫手提電話做手機。
呢個廣告真係成陣白花油味出晒嚟，咩叫我哋呢代人廿零歲。。。
暴露年齡bro,我淨系聽過手提電話同手機 ,咩叫手提好怪
電話可以包晒屋企電話公司電話手提電話，但係手機就好specific一定係手提電話。其實幾時開始連手機都係錯：0
家父約八〇年代開始用手提電話，佢話最初係叫手提電話、大水壺。後尾先變成手機。但幾時開始叫手機、詞源從何而來就不得而知了。不過手機呢個字都用咗開多年了，難考究邊個發明邊度傳入。
佢成日話電話始祖係摩托羅拉生產，以前一部手提電話好貴。
電話同手機根本兩樣野，宜家有幾多人用手機講電話，大多數人用手機上網WhatsApp同影相。
我96年擁有第一部手提無線電話
當時我哋係叫手提 唔知幾時先至叫手機 可能跟得鄰近地區有關啩！？
香港人一定叫電話📞！
但近年跟左大陸叫手機📱！
其實好合理
講"大哥大"亦都唔錯
我都唔知點改台灣人亦都習慣講"手機"嗰個名🙄🙄
以前大陸/台灣叫寫字樓枱面電話做「座機/枱機」，流動電話出現後就叫手機。
以前一係叫電話，一係叫手提
「你手提幾多號？」
「我跌左部電話呀」
嗰啲有返咁上下年紀，話由細到大都叫手機既人大概唔太在乎用字
有時叫仔女唔好睇咁多電話，自己都覺得唔通，但又改唔到
我明明有無限數據，
但係始終會用電話功能打電話。
唔鍾意用app嚟處理事務，
係要同真人對話，有晒錄音，問埋對方職員號碼同埋名，mark低先至收線。
真人對話，比起用app安全好多。
用app capture都可以話你AI.
70後，一直都係叫手提，但唔知由幾時開始啲人開始叫手機。。。
80後，係電話！真係電話！ 初代水壺叫大哥大，之後出嘅就叫手提電話，但香港人唔會用4粒字，精簡下就變電話
OK明白😉
「這號碼應該 長眠於手提電話 就算死 亦別 再騷擾你」🎵
手機呢個term，應該係由第一代智能手機（aka初代 iphone）開始
算啦，依家啲marketing綁手綁腳乜都驚踩紅線係咁上下㗎啦
我一直都係叫手提電話或者電話牌子名，我教我兩個細路都係叫電話，之前大仔用手機我唔會刻意糾正佢，呢啲係時代嘅轉變形成，不過我依然都會用電話呢個詞語答返佢。久而久之，依家佢同細佬都係講電話唔係手機
以前d 人有分屋企電話同手提電話，
用手提電話仲要計分鐘。
而家好多人都無屋企電話
以前： 打我屋企/ 打佢手提/我部手機呢
而家：打俾我/ 我個電話呢？
我淨係叫過電話/手提/手提電話
手機呢個terms到而家我都覺得廣東話講出黎好Kam