我係90後，父母和自己都是土生土長香港人，受純正廣東話教育，由細到大都叫手提電話做手機。
估唔到個留言引起咗咁多熱烈反應。其實同一件物件，可以有唔同叫法，而眾多叫法裡面，冇話邊個優越啲，邊個劣質啲。而我提出自己背景同埋自己點樣叫「手提電話」呢件物件，係想提出一個反例指出，有啲我哋以為嘅外來用語，其實係一啲同我哋同一背景成長嘅人一直都用緊。以前資訊冇而家咁發達，主要靠傳媒傳播資訊，即使係同一社會，唔同圈子都可以發展出唔同嘅詞彙。
我都係喺網上先知道，原來咁多人以為「手機」一詞係入侵語，但確係有一班土生土長嘅香港人沿用嘅詞彙。
咁係你太年輕，連大哥大/流動電話/智能電話都未聽過🤭
99年都可以叫90後，唔好扮老
一係手提，一係電話，一係全講手提電話
mk仔女想潮啲就手電
手機一定係再後期
80後表示，由細到大都係叫「手提」，「電話」係屋企條線。 不過而家都冇咩人有屋企電話，就直接用「電話」。
見證「手機」係一個大陸term由大陸傳過來再慢慢成為香港日常。
但係我同屋企人&朋友現時為止都少用「手機」。
你身邊啲人去開大陸 / 大陸來扮香港人吓嘛。
1997 startac user 路過
90年代絕對係「打你手提」 「打我手提」，如果「由細到大」都咁叫即係你父母非本地人
80後表示由細到大都係叫「手提」，連電話兩個字都唔講
因為當時講「電話」兩個字大家都會意會到係屋企landline
而我第一次聽到手機呢個Term係睇台劇
後來喺香港再聽到呢個Term就係因為越來越多大陸人
我土生土長八十後，父母都係純正香港人，九十年代屋企開始用mobile，屋企都係一直叫手機。成日比人話我講大陸用語，我都係心諗why???
老豆再早期啲係用call機，屋企公家嗰部叫電話，但真係冇叫過mobile 做大哥大/手提，真係家家習慣唔同啫⋯
明明就「手提」定「手機」都通用
但齋講「電話」就係指屋企個座頭機
以前大家屋企都有電話，一般叫屋企電話，而手提就叫手提電話。所以區分就用手提或者手提電話。
但今時今日大家屋企都冇電話，所以用返電話就得，又依家多咗嘢可以手提，就少咗用手提嚟講手提電話。
手機由來都應該係跟咗大陸叫法，叫智能手機，所以就簡稱為手機。
我80後，未叫過電話做手機！我都見證住叫「手機」係大陸叫法，慢慢傳到黎香港
以前我細個時”電話”係屋企有線個部電話☎️
手機就係指私人手提電話
btw而家唔知幾多人屋企仲會有電話☎️了
電話已經變成手提電話了
Cls 早期係叫手提,只能夠講一係你太細未經理過,一係你圈子都係新香港人
手咩機。。
用電話打上台覆call 機
大哥大，即手提電話，唔識嘅睇返80中後期嘅港産片
和記天地綫系列爆紅，香港人開始可以以平民價用手提😅
2000後家用電話開始息微，電話都代表埋手提
91年表示 以前家用電話叫電話 拎得出街叫手提/手提電話/大哥大
手機係後來大陸人講先叫手機
上世紀印刷嘅公司咭片，
係寫手提電話：98765432
拎得出街叫手提電話 拎唔出街既叫直線電話 所以咩係手機 電話就係電話
你同啲一樣惹只有一種叫法嘅人無得拗㗎！你永遠只有係錯
我信你講嘅野係真
咁支語文化入侵得真係好勁
勁到90後都被人入咗都唔知