笑死 如果白水挑起性別對立
咁原po樓豬講「多一根苦一生」嘅意義何在？

原po純粹表達個人情感？
咁點解佢要講「做男」真係好能慘
而唔係「我」真係好能慘

白水最尾都講咗句冇否認原po樓豬嘅感受 都要被人圍屌
不過至少多咗人realise父權文化下受壓迫嘅不限於女性
白水老師辛苦晒🙏

我覺得兩邊都冇錯 （樓主同白水）
樓主只係呻緊作為男性嘅無奈 想圍吓爐
白水只係跳出個框框 去點出令男性有呢個困境嘅原因；
一個係講緊感受
另一個係用理性講緊個原因
其實呢啲情況喺其他post/日常生活都成日見 又唔見反應咁大
比白水更無視感受嘅大有人在 又唔見啲人咁大反應
（我唔覺白水無視原po樓主感受，純粹佢比較直白）
個人覺得可能係白水作為哲學人 又係kol
啲人期望佢可以企喺樓主角度共情一下 喺指出背後原因嘅同時都起碼錫返啖先 但佢冇咁做到就令人失望；
其實佢唔可能都冇必要去滿足所有人嘅期望 佢都只係一個普通人 都只可以揀一個立場去表達意見啫

而我會覺得啲人攻擊佢嘅背後原因係以上，係因為純討論佢論點上嘅缺憾，其實唔需要上升到呢個程度，個人覺得係有情感投射先會群起而攻之，當然呢啲只係我主觀覺得

而如果返返佢講法嘅本身
最大嘅「錯誤」係佢太抽離
一個人呻「窮人好慘、有錢人生活幾好」
然後佢講唔好怪有錢人、有錢人都有有錢人嘅煩惱，呢啲係資本主義嘅錯、唔係有錢人嘅錯
咁縱使佢講嘅係咪事實都好，俾人感覺就係冇體諒到窮人嘅處境，而佢亦係一個「有影響力嘅窮人」 所以咁大反應

首先多謝你用心留言

回應返期望白水企喺樓主角度共情呢一點
我個人認為白水補充「我明白你係有你嘅困境」已經足夠顯示出佢冇忽視樓主個人感受
白水作為KOL係哲學出身
我諗期望佢有過多情感說話有啲不切實際
期望佢從哲思角度出發作理性分析合理啲
而佢亦都道出咗樓主有此感受嘅成因

退後一步，即使此期望合理
但係有如此巨大批評都好似不合比例
所以我認同你講嘅情感投射
或者係隨著熱潮借勢踩兩腳
（至於啲argument實在可笑先出個threads 9up下）

至於窮人同有錢人嘅比喻
有錢人好似真係冇喺資本主義制度下受苦嘅一面
係純粹嘅既得利益者
而男性女性各自都有被父權文化壓迫嘅面向
所以我諗呢個類比不太適合

yes, 我覺得好多人係冇睇到之後白水嘅補充同道歉,
就好似如獲至寶咁往死裡打。

窮人同富人個比喻我喺原po下面有補充了（因為唔夠字所以我喺reply度加咗）
所以我就唔回應了
我睇法同你大致一樣 就唔多補充了