📌 第一次同女朋友去旅行
共 57 條紀錄
第一次同女朋友去旅行，plan行程plan到火都嚟
一開始就話信晒你㗎，你plan就得㗎啦
好啦，plan完之後酒店訂4星，喺度問4 星會唔會好渣？不如訂5星啦？俾5星價錢佢睇，我話5星要咁貴喎，睇完又鳩縮
有啲景點，我做完攻略精華咁玩大概玩半日
你老母又話住當地嘅friend話呢度要玩2日喎
你住當地friend呀嘛，咁多時間梗係玩兩日啦當初我話book 8日你又話自己唔夠假
咁去得4日我地點玩2日呢？
係咪要cancel晒2日嘅行程淨係去一度呀？
然後唔知聽邊個屎忽鬼講
話邊間邊間餐廳好食，問我點解唔食
你老母間餐廳離我地去行程地方淨來回要成兩個鐘頭時間
係咪為咗間餐廳半日時間唔要先？
我俾佢睇話如果食呢間就唔要某啲行程
最後又係縮
plan完之後，問問問問問問問問問
plan之前又完全唔參與
我死忍爛忍
諗住今次去旅行屌完佢之後返香港就分手
廢事嘥機票錢
呢啲想free Ride但又質疑你既人真係麻撚煩
支持分手，唔plan行程仲要唔識感恩仲要麻撚煩，完全係我老母黎既，如果我有得同我老母分手我都分，所以你快逃，救得一個得一個
我係女，都覺得你條女好撚煩，最憎呢啲人，plan行程之前，就乜都冇所謂，之後就嫌三嫌四話呢樣話嗰樣，煩！
我係負責plan行程個位
我男朋友係個種「你話去邊就去邊啦」
完全唔會有反對意見
因為佢知 佢唔負責plan唔應該嘰哩咕嚕
我前世都唔知扶咗幾多個阿婆過馬路， 買咗幾多支旗， 今世娶多一個會幫我plan曬行程， 唱埋錢， 喺我做司機嘅時候仲會喺側邊做人肉導航， 都算贏咗99%老公。
我只需要提供情緒價值
好呀去呀
好食呀你食唔食呀食多啲呀
嗌啦唔緊要㗎我食得曬㗎你每樣試一啖都得， 其他我包底
你慢慢揀啦我喺門口等你得㗎喇
建議你哋一到步就自由活動啦
咁大怨氣，睇嚟一齊行動結果都係炒大鑊收場😂
呢個0分freerider frd都唔會咁….
小弟freeride開我啲朋友但佢地都會繼續叫我去旅行 原因係我唔會多嗲 乜都食 乜都話好食 情緒價值爆晒棚
雖則你女朋友係麻鳩煩，但都唔見得你好佢幾多… 嚮自己條女背後屌蝦拆蟹，咁撚不滿當初就咪撚一齊害鳩人
師兄，問題係
佢唔係旅行中途呀支呀左
係旅行前已經同你呀支呀左
女仔concept: 逢係旅行前呢段時間都係plan緊
對佢黎講，佢都想plan, 但你唔聽佢意見，又話遠，又話耐，瘋狂嫌棄佢既「貢獻」
咁你係咩？渣男lor, 唔體貼呀！
除非你女友真係低低b 唔用腦，search 個車程都會做個種人啦
否則佢一定覺得你專制，你都未必岩晒架。
趁仲未去旅行，最好就成熟d大家傾下4日trip 有咩期望
否則真係旅行先分手，道德高地你未必企得穩架。
就字面睇，樓主都幾大男人，plan左既野就唔改得，覺得自己plan 4日行程好辛苦，改佢既plan 即係challenge 佢。
其實呻下覺得女友麻煩都無咩所謂，但佢講到咁就要分手
其實都幾red flag...
即係咁如果plan緊時你有意見佢唔聽 咁佢係幾大男人 但依家係人哋plan完你先嚟challenge 唔識尊重對方 你先係red flag
咩叫plan 完？呢個係個point.
一日未出發，女方又咁多idea，個plan 都可以執，都可以叫「未plan 好」
咁大個人lor, 互相尊重啦。
男友視覺：
落機》午餐》床上運動》晚餐》床上運動
床上運動》早餐》床上運動》午餐》床上運動》晚餐》床上運動
床上運動》早餐》床上運動》午餐》床上運動》晚餐》床上運動
床上運動》早餐》床上運動》上機
番到香港：
酒店四星已經幾唔錯
去旅行比例上多數都出咗去
如果我冇參與嘅話
就唔會咁多嗲
支持你要呻下🫠🥹
要分手就唔好屌啦😂
簡單既溝通問題唔想fix就諗分手
一次旅行已經可以睇清一個人適唔適合一齊生活😂
同唔合適嘅人一起旅行 其實好影響心情
一路上都唔講野 或者忍住扮唔嬲
如果我係你 我寧願自己去啦
後生仔，都知到你plan到好嬲～
可能會覺得自己辛辛苦苦做plan好左之後，佢先至講lee樣講果樣，破壞哂個完美計劃～
如果抽開情緒，件事可以咁睇：
佢有要求，你提出不可能的証明，而佢又唔堅持，咁佢都係一個合理嘅人。
對於女朋友仔，耐心d同佢傾下，得閒又同佢講下，lee個都係plan行程嘅部份，有d係你好想去，有d係佢好想去，又有d係調動得嘅景點～
男人個膊頭當然要頂起成個行程安排啦，但如果又可以頂起女人溝通方式，所有女人都可以俾你溝哂～
正確嘅freerider係唔可以提出任何意見 唯一可以畀嘅反應就係讚賞同感恩
你女朋友要學吓😮💨
擺上網屌自己條女人品都唔好得去邊。 講真佢想點咪點嚕，去旅行尋開心 就下啦 酒店貴咪搵多d 嚕 。果個行程要玩兩日嘅，其他咪唔去囉。鍾意食嗰間餐廳既 你話遠 但有時來回一個鐘其實係好正常嘅事嚟㗎，最多咪早啲起身囉。如果佢唔肯早起身或者唔準備得快啲 你再話佢呀嘛。如果佢願意為咗食呢間餐廳早啲起身準備嘅又唔怕攰嘅 咁咪去食嗰間餐廳囉，難得去旅行。兩個人自己又唔傾好佢，其實相處最緊要有一個人識得妥協。 你哋兩個根本性格根本就唔匹配又或者咁講，你做唔到遷就。無需要屌你自己女朋友。 你覺得佢麻煩咪拒絕囉，咁睇吓你拒絕咗佢後，佢有啲咩反應或者佢會唔會有其他建議 又或者佢好堅持嘅 睇吓你願唔願意妥協囉。下下都擺上網公審自己女朋友，你呢啲男仔要唔要都罷啦講真。
屌完一次就分手好似好渣，建議唔分手住、唔去旅行，喺香港屌多幾次先分 。
去前話同佢講下行程又唔洗，去到當地又話唔去呢度嗰度，唔食乜唔食物，我屌啦，好嬲
去之前話自己去邊同食乜都冇所謂
點知去到係另一件事😂
所以我plan行程會plan多一兩日做spare
我同老婆去旅行一定係我老婆去plan，我只負責俾錢、玩同埋食
我唔識plan行程，但會表達意見，雖然老公會直接話我煩9，但最後都會plan好，從你文字中係真心厭惡。
所以結論係: 你地唔夾，完。
其實佢都唔想完全free ride ，都想參與下plan 你哋第一個trip啫， 但講乜都俾你ban 曬。 雖然啲提議完全幫唔到手得黎，仲好廢，聽到想反佢白眼，但起碼佢畀你拒絕時至少冇發脾氣，都唔係你講到咁差。
反而如果你咁不滿佢，又咁霸道，旅行咁小事plan 咗，未去都唔可以改，仲要上網公審人，就建議你哋快啲分手啦～ 你放生佢啦，唔好拖喇～
我明你喎 事前話就晒你 定左之後又講呢樣果樣真心煩，
如果樓主係基本plan好左，女友先講話去邊d餐廳，請女友自己都睇下餐廳地址同距離先/交俾女友改之後既行程 。假設改附近既餐飯景點，我信樓主唔會嬲同埋願意改行程lor
當然最好大家Plan 行程前最好定左去邊幾區，budget幾多，想去邊到
分得
同朋友有類似嘅經歷，返到嚟之後其實開始半絕交狀態😂
然後每次去旅行都係自己一個 廢撚事煩
好彩我從來唔會質疑我老公plan既行程，真心覺得plan行程好煩😟
「你plan就得」 呢句真係唔係人人做到，除非你地兩個個興趣好接近，如果唔係都係伏
無論同屋企人定朋友自由行
基本上都係我plan行程
plan完再俾佢哋過目下
我就唔太介意佢哋之後再提出意見
如果個意見係唔合理
只要我解釋返其實點解唔可行之後
對方冇再反駁再反駁
其實就OK
你個case
酒店佢可能冇諗過差一粒星個價會差咁遠
俾佢睇完佢有冇堅持要5星？
半日精華遊同2日深度遊其實又冇對錯之分
只係要溝通點取捨
餐廳個度，有人又真係會為左一餐唔介意路程同排隊，只係未必人人都覺得值
返工都有人來回屋企公司要2個鐘
其實又唔係太誇張
去旅行都係求開心啫
唔使咁忟喎
**
想問話對方完全唔可以出聲或質疑既人
萬一，萬一你個plan係有缺陷
比如某景點或餐廳係你計劃去個日其實係休息日
咁，對方發現左之後仲可唔可以提醒下？
**
兄弟你輸經驗
同女人第一次旅行
一定要book 5星top brand酒店
唔好問點解
錢就係用嚟解決麻煩
你po上脆不如直接同條女講啦..
係佢面前死忍爛忍 然後擺上黎搵認同感..
以下為J人意見
-我Plan得,就唔好問太多,因為4同5星,有陣時真係差少少野姐
更何況唔係全日係酒店,有得訓,所有野正常就好
-你老母要去朋友度玩,可以
但係因為唔係係我個行程度,所以有兩日,我,自由活動
-如果你認為唔滿意
建議你同你老母,另外組定一個Plan先
然後我再夾點樣Join(or 直接唔去)
伏到咁仲點一齊去？
改行程獨遊一定仲開心。
除非你為咗其他嘢。
個人認為質疑咁多唔合理嘅嘢嘅人，IQ同EQ都係有限，走得唔會遠。
分手未？ 同另一半去佢plan 同朋友去我plan。大家都會事情比好意見有商量，如果途中發生意外都唔可以責怪對方，一律旅途上發生嘈交唔尊重都可以分手。同呢啲人一齊只會累鬥累。