1. 唔好同周圍既人太熟，年代唔同。
2.有事唔好同人嘈交，一轉身就可以永世不見，唔好嘈交，蝕底係自己。
3.閘外留隻細尿袋，安全位置收條後備key
有以上三點
夠保平安。
淨低就係開始選朋友隊友。
然後係長氣野
記住唔好亂插電
要學計火數
手濕唔好掂電制
食好d 唔好捱麵包捱杯麵
太濕就開抽濕
太熱就開冷氣
我2012-2019租湯房
26歲搬出黎無依無靠
頭頭尾尾都交左一百萬租😂
心得：
尺數細無問題
最緊要命仔得一條
當年我都係同你一樣咁setup
租細細地，儲旦藥
總有出頭天
終有一日捱得過
(一個人起步，其實交租都幾好。）
如果自己一個人搬出去住，環境又許可，
而你又有心負責任，可以養隻貓！
一個人住，多隻貓爭好遠。
首先張床搵人砌 同你同款
我上次戇鳩自己砌 冚親個頭 即刻變咗初生大人
恭喜🤤
1. 無事唔好亂開窗，尤其出左街個陣同埋廁所個窗，會飛蟲入屋
我同我d fd講曱甴係飛入屋嘅，無人信🤷🏻♀️屋企係唔會無啦啦有曱甴，自己諗
2. 抽濕機
3. 洗衣+乾衣二合一洗衣機
4. 買家居保，跌爛ipad有得claim😞
換鎖膽/配多抽後備匙俾信得過嘅人keep或放office自己櫃桶/電筒擺係方便拎嘅地方/留意邊度會show幾時停水停電/留意樓上有冇倒水掟煙頭習慣/如果樓上冷氣滴水除左投訴，亦可以揾師傅加塊3m墊上機頂隔音/同樣留意自己部冷氣有冇滴水落樓下/天陰出門閂窗小心撇雨
無事無幹就唔好洗冷氣，Google評分再多都不能盡信。
全新冷氣公司，洗完半個月壞曬2 部機，機財兩失。
希望張床實淨少少
激烈起上黎eateat聲 好影響氣氛
我有一條鎖匙係門口附近收埋
一條係我媽屋企
同埋享受下獨處
唔好成日俾人上黎
僕街支持抽埋咗條鎖匙喺門口 上面都畀人拎走咗 但係屋企冇發生過任何事
記得裝個cctv,要有錄影功能。。，門框貼個開門警報器。返工吾駛心掛掛。。👍
1.留意吓樓上樓下/隔籬左右出入嘅人係咩質素。
2.如果可以就同樓下看更混熟，將來會有好多睇唔見嘅好處。
看更=公司reception , 明嗎？
我而前都係瞓下底鏤空嘅高架床，感覺好搖好唔穩，因為無咗下底果層。定期檢查並收緊啲螺絲吧🙏
我23歲已搬出嚟一個人住，而家50+退休了，生活無憂。你可pm我，教你。
冇乜用，都要人地本身都係好人先得，我搬過幾次，有次住村屋，我去申請公屋，有d野填漏左，佢會寄返返黎，點知比個鄰居直接拆左封信睇
1. 裝cctv，以前我住劏房俾人爆過兩次門鎖，好在最後都唔成功。第一次話要報警俾業主阻止咗，第二次照報但最後都拉唔到人。
2. 同看更打好關係，至於鄰居有冇必要自己觀察完再決定，可以問下業主同看更收集情報。尤其看更，可以得到好多實用情報。試過住唐樓，另一邊係另一個業主租咗單位俾巴基，佢哋搬走嘅時候我部外置分體式都消失咗🤡
3. 打多副鎖匙放喺住得近d又信得過嘅人度，我試過11點幾打俾老細問佢借公司鎖匙返公司拎屋企鎖匙🙈
4. 出trip或者幾日唔喺屋企嘅話記得記得要熄非必要嘅水電！！試過返到屋企水浸，嗰時冇買床架直接將床褥放喺地板度瞓，嗰晚我抹嘢抹地同嘗試整乾個床褥玩咗成晚🫠
5. 每個月留意下自己個水電錶，以防俾人偷電或者業主作大數。
6. keep住身體健康，真係大病起身自己一條友喺屋度郁唔到其實幾慘㗎🥲
呀… 準備個方便接觸到嘅藥箱，如果自己住更加重要。仲有準備定乾糧，病咗煮唔到飯都可以頂吓。利申我都新新哋手，希望啱用
家務冇人幫你做
冇人煮飯
冇人等你返屋企
要自己執屋
冇人吚吚哦哦
放工食d野做埋家務唔小心碌吓手機眨吓眼就1點🫠
除左自律之外，冇乜特別要注意了
自己一個住真係好Happy！！！！
Enjoy😆我都好幫住自己一個住嘅時光
我都係自己一個人住，但唔係搬出去的，係老人家入咗老人院之後，我終於可以享受一個人住嘅氣氛，自由自在。
我自己經驗係（just for 生活便利）
1. 藥箱
2. 相熟鄰居，熟到可以收快遞
3. 要有煮食用具
4. 枱同凳高度要啱，使錢買都抵
出門前記得睇下有無關水喉,有無關窗,媒氣有無未熄火，關門前睇下有無帶銷匙
帶鑰匙 帶備用鎖匙 帶備用鎖匙唔見後備用嘅備用鎖匙
一部新洗衣機，平有平買好似頂蓋式1800 都有。皮膚健康，日日洗衫。速洗。要加柔順劑，18蚊一碌
日日洗衫，室內浪衫。一樣清新，人香，個心都識笑，貴氣d, 撜錢都好d。
真心。我個時土瓜灣高樓底，門口有短走廊，開風扇打個天。一晚直接掛到天光乾晒，香既👍🏻
砌完張床Keep返好啲五金工具，螺絲批+士巴拿+膠布+WD40可以解決90%常見問題。有條件嘅話最好準備多張可以用嚟踩嘅凳或者梯。
自己一個人住，尤其是如果要返工，做清潔嘅時間一定唔及屋企有阿媽／工人姐姐幫手。
如果請鐘點姐姐，你要有啲準備，有啲櫃要有鎖。始終如果唔見嘢對大家都唔好。如果自己做家務嘅話，其實真係每個禮拜都有家務做，例如第一個禮拜洗廁所浴缸、第二個禮拜係清潔廚房、第三個禮拜可能係洗床單窗簾嗰啲、第四個禮拜可能就係通吓渠嗰啲，然後又去返第一個禮拜😅，其實都好攰⋯⋯如果你係請鐘點姐姐，例如每一個月嚟屋企清潔一次，但係你自己會喺屋企嘅話，佢哋覺得呢啲客係唔係常幫襯，你可能要出高少少時薪佢哋先至肯接，同埋唔好過年前搵佢哋，佢哋一定唔做。
除咗疫情嘅時候，如果自己一個人住，鞋擺喺門口位，又真係唔會每日都拖地，建議買一啲消毒濕紙巾係可以攞嚟抹下地下，一嚟去咗啲污糟嘢，二來會吸起晒啲塵同埋頭髮，之後先至再用毛巾去抹。如果次次都直接落毛巾嘅話，條毛巾都好難清理。但係如果你唔每兩三日搵啲濕紙巾抹吓地下嘅話，一個半個月後要拖地就好辛苦，洗兩轉個水桶都係黑色
記住記住，唔記得山燈或抽氣扇係好小事，下次熄翻就得，唔好太上心太自責😂
但唔記得熄火好大電視！
或者用梗發展中 國家出嘅電器一定要停咗先出門口，隨時噴火舌 燒後欄。
上次買咗部印度、印尼定菲律賓 熨斗，我媽用用下噴火；
呀妹果個尿袋充充下又噴火。
仲有廚房燈。開咗半個鐘爆咗，個燈罩黑曬。
中國貨都安全過佢地。我個哪吒仔 又噴火。
•買定藥箱
•手機set得信得過嘅人急救
•整多條匙放係得自己知嘅位
•附近有咩事搵看更投訴唔好自己沖過去
•Set CCTV 除咗屋企入邊 最好門口都有 但最好出去先開 
*記得check下屋企啲電器係幾多級能源 唔係嘅話電費好揦脷
1）注意聲浪，自娛又好、講電話都好，都要注意。
2）要留時間做家務，同一機衫洗第N 次你都會笑自己柒。
3）食物、廚餘、垃圾要小心處理。
4）留意去水、渠位，間屋乾爽人都病少d。
https://www.threads.com/@extdreamy/post/DVc2NfFj9CY
我有幾個post有講自己少少心得🙏 分享吓參考吓🙏 祝你事事順利
中級大人：記得擺定士啤匙
記得留意電箱係邊跳fuse reset用