純呻 唔啱聽唔好留言
有時係啲考小谷入面真係好忟
今日港同公佈簡介會抽籤結果
佢本身分咗簡介會/ 簡介會+資訊日兩部份去抽籤
結果公佈喇
個谷就開始有班唔識字嘅家長係度問問問
連自己抽中啲咩都唔知！
大佬呀，報名嗰陣又唔睇字
到出結果都唔睇字！
點解偏偏係呢啲無腦嘅家長就會抽中？
係呀
本人就係做足功課但偏偏抽唔中嘅家長！
我係妒忌呀！
大把呢啲家長
所以唔怪得，有啲家長咩都唔想講
因為有啲人唔做功課，伸手牌
到升咗小學之後，你會發覺家長group入邊好多人都係咁
例如明明學校出晒通告講某日有活動 放幾多點
有啲家長share埋張通告出嚟
都仲會有家長喺個group度問 咁嗰日即係放幾多點
有陣時答都廢鬼事答
好運好緊要
識一個媽媽
大陸落嚟嘅
鄉音都仲未除
幫佢對小朋友揀升小
兩間都係名校英文小學
又俾佢大抽獎抽中
但讀到咁上下就話佢對小朋友跟唔上
其實無心/無能力去幫個小朋友
點解要咁樣浪費一個個大部分人都吼住嘅學位呢
升中谷仲忟呀！拎左offer先問呢間學校有咩好？偏偏呢啲功課都唔做嘅伸手黨拎到offer
到面試嗰陣佢張通知上面有3個時間
報到時間
面試時間
解散時間
見過面試時間先去到然後就無然後嘅細路
唉，我明，真係好忟
伸手黨咩都問問問
有時個group
每日都有人問相同問題
D人答完又答
嘥人時間
小學谷嗰啲家長連聽日着咩校服、？使唔使返學都問
甚至乎六年小學都仲係每個禮拜問送飯時間
家長你好，我曾經係名校嘅面試老師。其實學校簡介會只是一個大型嘅宣傳活動。同本身面試係完全無關㗎，去露個臉，唔代表任何嘢，老師同校長都唔會記得你。聽完個結果無非係：「我更加想入」係「想」姐🤣
如果你有問題，都可以PM我或者follow下我，聽吓我哋升小講座。
總之：唔使灰心，真正嘅機會係會留俾有準備嘅人。希望你入到心儀嘅學校💕
見慣不怪
由考幼谷已經有呢類家長
自己唔識睇
永遠用把口都搵嘢問嘢
考幼group都係咁
拎埋offer都仲有人問緊上/下午班返學放學時間，問校長叫咩名，偏偏呢啲人有offer🫣
利申有offer,只係不解點解咁基本資料都唔知既人都竟然被取錄🙈
同意，升中重嬲呀！明明小朋友排名高佢同學多多聲，但竟然自行收左佢唔收自己小朋友。呢樣你重嬲呀！
我識個人由小朋友初生問到而家4歲仲係未明考小係考乜 同大抽獎有咩分別 叩門係點
連直私津都分唔到
但又會叫小朋友去學野儲profile ？.？