純粹想記錄一下今日亦記念一下呢條小生命🕊️

1/4/2026 上班途中, 係公司樓下見到圖二（血腥慎入）呢隻咕咕固有異樣，細望底下見到佢對翼滴血🥲！礙於當下完全唔知道可以點幫佢,所以決定先番公司！

就係上Office個程Lift, 實在於心不忍😭
所以決定上網/問朋友/問同事/入Fb 救鴿group睇下可以點幫佢
最後決定左係揾SPCA, 致電左幾次比SPCA既結論都係建議我親自送受傷既咕咕固過去！原因係佢地需要最快2-3個鐘先派到人黎救佢…可能佢會失救🫠！

講真…從來無點接獲過雀仔既我堅驚！好多謝同事們特別係 @elma_lm @dreamhigh__jumphigh_sera 既幫忙！即使你地覺得微不足道！🥹

準備好紙盒,紙碎,口罩手套！
我地落到去公司樓下,試圖去接近隻咕咕固,但因為佢好驚😭
滴住血咁行左去軒尼斯道小學門口, 而我對於點樣可以將佢放入嗰都完全無從入手😭😭！好彩當我地無助之際,有嗰準備入學校既爸爸（應該係爸爸）伸出左英雄之手！真心多謝佢！好人一世平安！

最後9秒9截的士送去SPCA!!!!!

可惜…最後收到醫生電話…醫生話佢雙翼受傷,肚都有傷口,比佢離開最適合！當下聽完,完全唔識反應🫠 只係覆左句：哦..好啦！（彷彿好似「哦好啦」呢三嗰字就帶走左呢個生命）…明明我最後見到你嗰陣你仲識行識走😭😭😭

5分鐘之後突然覺得心情好沉重！

可能好多人會覺得一街都係咕咕固,又唔係咩名種雀,野生雀條命就係咁架啦！但我依然覺得生命無分品種同貴賤！

佢用佢短暫既一生，比我係呢幾個鐘感受到香港近年好小見到既「人性光輝」.

最後，希望你（咕咕固）會知道,今日曾經有幾個女仔幫過你,我珍惜過你, 有個好爸爸幫過你,有的士司機肯車你去SPCA,有護士醫生睇過你！

下輩子記得要平平安安🕊️🕊️!!

🥹好人一世平安

😭可惜…