終於係社工到收到屋企張相
事隔4個月終於知道少少屋企嘅情況
朝早仲滿懷希望話要揹1袋抽2袋返落嚟
得1次機會 要擸得幾多得幾多
3個鐘之後見到張相就將我打咗落地獄
事發後1路都有諗過真係可能會咩都冇晒
但係1方面又覺得可能情況未至於咁差
只要1日未知情況都仲可以安慰自己仲有希望
結果最後只係見到屋企變成頹垣敗瓦
局長話要斷 捨 離
只可以講場火已經幫我斷 捨 離咗
1出世就已經係係到住
我人生嘅全部都係係晒呢個屋企入面
依家覺得人生好似歸零咁
到底呢個世界仲有咩係屬於我嘅呢??
我明白呀🫂
我都起到諗，我仲有咩「證據」去證明我嘅過去 。
相片應該變左灰，隻ssd都凍過水
他朝一日我想搵返「過去」，又應該點搵 。
好似淨低嘅，就只有腦海裡面嘅 。但呢啲記憶只會越嚟越模糊 。
我社工叫我地怕唔夠時間搵嘅，就起平時放貴重物品嘅地方鏟灰袋走，出去再睇 。
當然明白荒謬嘅唔係佢，佢都係起限制內比個方法我地 。

大力抱抱你🫂🫂
希望未來每一日你都過得開心
一切順利❤️
你係當事人
勸你任何野都只顯得我完全不明白你心情
只希望時間和繼續向前行令你再重拾一切
人有命就有可能性
明，真係明🫂
但就算無燒都唔代表帶得走，我宏盛閣中高層仲要排到最後一日5月4日最後一個時段先比上樓，即係差唔多大火後近半年先有得上樓睇下…😑 我個社工仲要放緊大假出咗國，間屋目前實際係點都唔知…🤷♂️
大力抱抱你🫂🫂
明白無可能安慰到你
只想講屬於你嘅珍貴回憶無人拎得走
希望你未來每一日都過得開心
一切順利❤️
明白呀，間屋真係我地既全部，e. 鑊真係傷身又傷心，我都係住左42年，所以真係好明白你呀。。。我自己都安慰唔到自己，不過話你知，大把人陪你慘。。。大家加油
🫂🫂
或者會覺得唔啱聽，不過人生就係不停咁喺失去裏面度過，唯一唔會失去嘅，就係你嘅記憶，好好記住你開心嘅記憶，用嚟滋養你未來開心嘅日子。！
唯有自我安慰一句最緊要係自己人冇事，我個女細個時的合唱團指揮姐姐在呢場火走咗，冇咗命仔，父母本身唔係同住，白頭人送黑頭人咪仲慘。
另外仲有朋友屋企裝修借迷你倉，點知遇上大火，有消防員殉職，朋友個太太好似你咁會覺得冇曬重要野覺得可惜，但佢都move on到，依家佢一家三口移曬民，唔會再諗返轉頭。
明白你未必有惡意，不過呢種比較式安慰對受影響嘅人嚟講幫助唔大，甚至對當事人嚟講會幾刺耳
見到樓主自怨真係好大感觸，有命仔都仲可以move on諗將來，冇咗命仔就真係乜都冇。所以我都希望樓主早日走出陰霾。
問一問那位算術高明 (4X3=12) 的政府高官吧，他叫什麼名字？不記得了，反正不重要，因為今日香港的高官只有一名名字，是北京老版賜封他們的，统一都叫 "奴才"。
唔知講咩好…
希望你未來嘅日子會順順利利
可以有返個安樂窩落腳唔駛搬嚟搬去
皮膚可以唔再敏感
俾個擁抱你🫂
你還有自己健康和生命
可以考慮下照樣去幫其他人搬嘢
唔好同情緒摶鬥, 如果覺得難受既, 逃避一下先, 無話一定要面對既.
見到你的帖文都覺得大火超級恐怖！ 一定要拉鳩班食煙工人！