📌 終於嚟料，政府無啦啦
共 57 條紀錄
終於嚟料，政府無啦啦喺上年24年開始話87年前起嘅公屋唔符合07年嘅消防條例要封曬啲氣窗！
咁班友有冇諗過點解叫氣窗啊？！氣窗咪就係透氣通風用嗰囉！24年先話唔符合07年條例係咪有病？本身我哋呢座超通風，逢單數層都會直情會空埋𨋢口位，但之前幾年全數封曬做單位，呢兩年連樓梯口都唔放過！有冇諗過嗰陣點解要咁設計咁樣起？遲早嚟多單宏福苑啊咁搞法！
Sor係喎政府係無腦唔記得咗添，點諗到嘢㗎？只係想多啲工程多啲錢錢收咋嘛～🙄🙄🙄🙄🙄🙄🙄🙄想咁玩下話？！我就同你玩落去！🤬
首先好多謝咁多位對呢個post嘅關注。呢件事影響緊全港 53 個屋邨、幾萬戶街坊嘅屋企，見到大家願意討論，真心多謝各位！🙇♀️
不過見到留言區有唔同聲浪，我想喺度統一回應同埋定個「場規」：
1. 拒絕無理謾罵：我唔接受任何發洩式、邏輯跳板、或者同件事無關嘅人身攻擊（尤其係嗰啲粗口或者歧視公屋居民嘅言論）。住屋權益同消防安全係嚴肅嘅社會問題，唔應該將「業權」同「發言權」炒埋一碟講，更唔應該變成階級標籤。如果真係要講業權，業主有改動權利都同樣地有處理出租單位問題嘅義務啦~🤷♀️ 總之我會將啲太粗鄙只有發洩嗰啲留言刪除🫰
2. 歡迎理性交流：好感激好多朋友提供咗好專業、好持平嘅資訊，無論係建築防火規格、舊式公屋設計嘅特性嘅見解，定係分享自己屋邨嘅情況~ 呢啲唔同面向嘅觀點，對我哋去理解成件事好有幫助🙌
3. 想深度討論/行動嘅朋友：如果你對呢個議題有更深嘅諗法，或者有相關專業背景（建築、消防、環境監測等）想分享或者幫手，歡迎直接dm我。我好希望能集結大家嘅智慧，睇吓點樣可以喺維持消防安全嘅同時，亦唔洗犧牲街坊（尤其係長者）呼吸通爽空氣嘅基本權利
再次多謝所有真心交流嘅朋友~~🥰
通氣就係唔附合消防安全囉，任何一戶起火，全層每戶都一鑊熟 。唔係好難明啫，你思想仲停留喺幾十年前？
覺得值得開新reply講下，其實個關鍵係火燭果陣啲煙點樣走。以你住南安樓呢類舊長型公屋嚟睇，個設計係單位連走廊、走廊再連樓梯，本身係一條好好嘅氣流通道，加埋單位啲氣窗喺平時幫到通風，但一有火警就會變成好有效嘅smoke spread shortcut。因為呢啲氣窗當年無考慮太多smoke control去設計，無論位置、面積都冇計過，反而有機會造成turbulence甚至backlayering，令到本身可以作為避難嘅屋內更快失守。
而家嘅消防安全最重視嘅就係compartmentation，同時保護走廊同梯間作為clean escape path，所以封窗本質上係cut走一條smoke path，而唔係單純為封而封。當然，如果係淨封窗而冇其他measures例如staircase protection，咁效果就值得質疑（但其實前後樓梯已經逐層裝緊防煙門）。
你有冇試過對面屋火燭，個氣窗可以將啲黑煙攻晒入你間屋，你幫手散下煙
佢哋應該禁大陸電車風火輪，淘寶電器，好多單係呢啲引起火災。 不過禁呢啲會冇得搵水
今時今日仲要靠氣窗，呢啲係40-50後嘅思想。熱就開冷氣啦窮撚
乜思想同安居嘅需要都有分年紀同時代嘅咩？🤔鍾意開氣窗定開冷氣又關窮咩事？🤔咁我都覺得你話唔想開冷氣就係窮、靠氣窗就係4、50後嘅思想都幾單一同無邏輯喎🫡
我都係住呢種公屋，我勁唔鍾意個氣窗，我希望佢快啲嚟封添呀
我最多接受到細細個嗰啲氣窗，大大個嗰啲我接受唔到 好似咁
24年先話唔符合07年條例係咪有病？
俾你用多咗咁多年先叫你改仲想點？好明顯係宏福苑之後無得再搵籍口啦。
有冇諗過嗰陣點解要咁設計咁樣起？
大佬40年前啦！當年直頭消防條例都未有啦！
40年前都大部分人冇冷氣，所以通風好重要
依家除咗老人家之外，相信唔會有人唔裝冷氣
現代的防火概念是每個單位都要有耐火能力 逃走唔到時可以走返入去暫避 氣窗存在就完全違背呢個原質
通私窗你又封左佢，你又唔俾安裝冷氣，因為話電力唔夠每戶安裝冷氣，咁係咪想熱輪死人
你住公屋炸，間屋你嫁咩？
聽日政府話收返要你搬去天水圍都得
你啱呀，大家咁諗政府都咁諗，大家就繼續硬食啦～就算你買咗樓，間屋都唔係你㗎，呢個世界冇嘢係自己㗎，除咗自己嘅思考同感受意識之外～🤗
個氣窗封咗你屋內都可以開窗㗎嘛。同埋時代係會不斷進步條例係不斷會修改㗎。配合一下唔會死嘅🧐
日間開門口（屋企有人係度的話） 2對門的單位都係咁做。
你唔封，大把人封，過時設計，冬天凍過人，又唔隔音，蟲蟻走入去，把撚
其實舊公屋單位就係因為要自己間房而房又無窗，呢隻氣窗就係比佢地通風抖下氣，當年設計一定有佢原因，而家封咗佢即係代表呢堆舊樓已經唔適合現代居住，快快脆拆晒佢重建吧
偏偏對好多住戶嚟講最耐用最住得舒服就係呢啲舊屋邨。新嘅係咁好嘅話我諗大部份人都會好想住新
其實睇啲Facebook公屋輪候group真係大部份人都想要新
條例會更新，所以舊樓盡量配合新條例係好正常。
以消防喉轆系統作例子，舊樓當年起樓係冇呢樣野，而家因為消防安全條例，變相要在天台加水缸同水泵之類設備。
層樓火燭 出面周圍都係煙走唔到
依個時喉你好聰明咁攞濕毛巾封住門嘅四邊
但係發覺本身用你通風嘅氣窗好多罅 d煙不停谷入間屋度
好死唔死你屋企一卷膠紙都無 然後你就會話 點解房屋署唔跟消防例去封返隻窗 點解租又個個月準時收我但係又唔做野 點解無巡查 點解無人發現問題 係咪因為我地係租戶 無錢買樓就忽略我地
然後你就焗死左
租客有乜資格反對？
租客 同 業主只有 租約關係，唔鍾意咪唔租囉
就算私樓，改法例業主都要跟，
如依家改劏房條例，業主都要自己俾錢裝修過先可以放租
投訴就同立法會講， 上網講，想軟對抗？
關咩事？發現好多人都話租客唔係業主，so？個邏輯喺邊？宜家講緊業主同租客問題咩？同埋宜家原來仲有人信立法會做到嘢，有趣～🤭上網講係自己想表達，當然都歡迎合理又有邏輯嘅討論嘅🤗
私樓如德福花園呢啲舊樓做大維修時都要將走郎啲生窗轉死窗啦，有啲嘢要與時並進嘅……
與時並進⋯⋯嗯07年嘅例同24年先話要做嘢，用返07嘅嘢落26年，都幾～～與時並進🙂↕️
如果咁講，上環，上海街，灣仔，好多都係無跟07年消防條例，你又點解決佢，夾硬拆晒佢囉⋯⋯係咪呀
係㗎，不過嗰啲好多私樓未郁到你住，未郁啲好蝦個囉，邊個叫你班人要租我啲屋啫？唔gur 就退租，褪出嚟俾啲大陸親親同胞囉
永遠都係歷史問題
杯蓋
大媽區新活圈
生實年大圍收
玩爛晒的鎖匙
佢未叫我封我自己都封左，個設計好奇怪無啦啦有隻窗對住個走廊，就算唔打開都好嘈
咁閣下本人唔鍾意係一回事嚟嘅～而當初要咁整係有原因亦都配合到呢種情況嘅需要。防火係咪剩係咁做先安全？令其他有氣窗需要嘅住戶要被動配合犧牲係咪必然呢？
以前有氣窗呢個設計會唔會因為冷氣未全面普及，所以先用氣窗嚟通風🤔。其實都無得好講，房署要咁做，你都無權阻止，因為佢係業主，你係租客。呢個年代仲有溝通協商呢樣嘢？
你係應該屌9個政府，07年就有既例，點解要等到26年先執行，原來無關心過你19年你唔投訴，去投訴唔通風🤷🏻♂️
呢度要強調一下，火警時煙既危險性經常被低估，一隻手指咁多既膠，燒起來放出既毒煙，足夠把一間成千尺密閉屋企嘅金屬腐蝕到表層溶解，而且呢啲煙係有毒同埋高熱，仲可能包包含各種令人窒息嘅氣體。煙如果通過氣窗滲入屋企係非常危險。你諗下我哋環境週圍有幾多膠製品。
某程度上講煙比火更致命,因為煙係一種無孔不入嘅流體
我住緊嗰座樓，主任話暫時唔使封，喺名單入面，因為成座樓廚房啲抽氣扇位都係裝喺氣窗位置
如果封咗嘅話變相成棟樓嘅廚房都冇曬抽氣
氣窗救咗好多老人家，街坊見老人家突然間冇出街就係靠隻氣窗裝入去睇吓佢咩事
舊式公屋每戶有氣窗是因為走廊唔會封死，十分之通風，因此其中一戶起火濃煙都唔會停留響走廊。相反後期建的新公屋同居屋效發私樓建築，密封走廊、走廊內沒有排水系統，早前東張報導有一個公屋5樓外爆鹹水喉，鹹水流到2樓走廊，然後停留在2樓地下，可以養魚。
向來政府做事都離地慣，佢地都唔駛住，唔關佢地事呀嗎。
我條村有兩座係你呢款
真係頭戶煮餸，尾個戶都聞到
之前唔做算係灰色地帶，而家突然做似因為大埔件事
係好阻你
試試過一排靜靜雞搵人改做可推式
其實上面都有人答左你，舊屋要跟新例就係要搵野去跟，但班友只會諗點實行到，但唔會諗點影響到人
係，所以呢個先係我不滿嘅點，冇任何一個方案可以完滿解決問題或完全滿足咁多人需要，但佢哋唔會去諗點樣聆聽同按唔同需要去作出調整
所以我明你不滿咩，有啲野係受影響人士先知，睇你同其他人傾，你係明白要守例嘅人，但守還守都要諗下可行性同點令人方便啲
所以覺得而家班官係冇腦
多謝你嘅理解！好好咁平等交流討論先有意義，尤其宏福苑事件真係全香港人嘅痛，正如啲受訪居民咁講，我哋都只係好愛自己嘅家啫，佢哋都有好多係租嘅，咁唔通就因為唔係業主就無得say？特別睇到啲由小細睇到我大的公公婆婆街坊，好靠個氣窗但又無得say，問管理處、搵居民聯會、親身出席居民大會都係冇人聽冇人理真係好心痛。嗰個年代需要唔同、對應嘅問題唔同，所以只係唔希望一刀切，用所謂宜家嘅概念（仲要條例都成19年無更新）去處理往日設計嘅嘢，而係搵個真正根源去平衡防火安全同生活質素啫，完全唔明關咩業唔業主事🤷🏻♀️
政府D人坐寫字樓的，不諗D嘢出來邊好意思袋咁多人工吖
其實既然是唔啱07年的消防條例
點解現在的舊公屋還原的單位又唔封左個氣窗先派給人，