📌 終於打敗心魔夠膽自己
共 52 條紀錄
終於打敗心魔夠膽自己一個人去旅行
嚟緊會去台北旅行，第一次好緊張
想問有咩要注意😭😭🙏🏻🙏🏻🙏🏻
啲Threads友幾有心，like俾大家。
樓主玩到開心啲！
我唔知自己會唔會係最後一次獨遊
月尾 我都獨遊台北
慶祝自己70歲生日
我一個人獨旅都係揀左台北
我諗唯一要注意係去夜市真係太多選擇
自己一個人真係食唔到好多野
要鎖定2-3樣最想食嘅買😂其他想食都要忍口如果唔係會浪費
1. 唔好逗留喺北車附近太耐，好多街友，女仔略危險
2. 如果酒店唔好彩喺中山區林森北路附近，好好保護自己，唔好亂開門，早少少返、早D休息
3. 依家酒店唔提供牙刷牙膏等等一次性備品，記得自己買😗我會自己帶多對拖鞋慎防佢連紙拖鞋都唔比同埋方便落便利店😂🙏🏻
4. 記得開境外提款功能，方便隨時提現金，如果入境嗰日係星期六同日最好喺機場拎夠錢先🙂↕️
5. 如果打算再去台灣既話推薦可以去便利店物色張靚靚悠遊卡用。
機場既便利店通常冇咩靚野，可以用現金買機捷/客運飛去到市區先慢慢去便利店物色更多款式。悠遊卡同一卡通都可以搭公共交通，悠遊卡可以搭埋的士（但依家較少的士有悠遊卡機），一卡通通常有更多特別造型，例如五月天枝螢光棒😗
6. 搭機捷既話首選普通車普通車普通車！！好重要要講三次，直通車快少少但D位少到傻，隨時喺北車企足九個字去桃園，情願耐少少搭多位D既普通車🙏🏻（直通車既座位分佈係東鐵頭等咁、普通車係普通地鐵觀塘綫嗰種多位既車）
台北真係可以放心獨旅, 記得睇清楚好多嘢唔帶得入境~
台北 輕鬆喇 同去旺角無分別😆 有地鐵真係好好好方便。hope u enjoy ur trip!
目的地係邊度都好，首先放鬆心情，台灣我唔熟，如果當地仲係用cash 比較多，除咗帶cash 之外, 記得activate 埋個海外提款，帶埋張卡去。Solo travel, 錢就係定心丸。可以慳住使，但個袋一定要預多。
佢都好多電子支付喇，不過夜市同小店用Line pay多，如果冇嘅就要cash，商場就就可以揀銀聯或者Apple Pay之類
因為大份50
細份好多時30...
搏老命50好似好抵
台北可以零plan，去到邊都有嘢食，不過好多夜市都貴咗好多，閑閑地買一份小食都要$50-60港紙起
Btw一定要去士林夜市飲2碗「十全排骨湯」😋😋
只要多留心四周圍，一個人去係安全既
（利申：獨遊過台灣）
記得要book間好少少嘅住宿 台灣好多住嘅地方都伏
Call車可以揀line go or白牌,平過uber
但首先你要有Line
大陸出生定香港出生？
大陸出生以前冇去過既話記得預早整台證
台幣開定海外提款落左地先撳錢方便d
自己去最好買張電話卡有電話number，用黎book餐廳或者求救
過馬路記得睇車，d車唔讓你過馬路既拎起手機影住d車黎過
夜市5點去少d人
佢地捷運入左閘就唔可以食野飲水，會被好多「熱心市民」提醒
記得打彈珠，好玩🤤
我第一次獨遊目的地都係台灣呀！放心，不困難的，萬事小心就得架喇，祝願旅途快樂 🥰🥰
記得出發前一日登記機埸抽獎，抽中有5000台幣，準備定休悠卡，好彩中到可以入曬落去用
有人叫人捐錢或借錢，唔好理，好多都呃人既。
但見到殘疾人士賣野，可以幫襯下，因為呢啲人比較有需要幫忙。
直接買高鐵飛落高雄或台南
對台北0好感
食嘢貴又劣食旅館又殘又污糟
而家唔係有演唱會/追星活動我唔會去台北
其實高雄才是適合獨旅新手 因為淨係條捷運規劃都比台北有系統得多
放鬆心情，帶齊証件入台證同現金，台北全部中文字唔難，有乜問題問下路人就得，開心去玩下啦😉
我其實想去台中找朋友，有一位相識很久的朋友還沒相見
去台北嘅同時，約你呢位朋友，然後搭高鐵去台中搵佢。
一個去先正😂我女朋友成日就唔到我放大假。唯有一條友去
我舊年飛咗8次台灣😂台北，高雄，花蓮，台東去哂
一個人去旅行，想點就點。其實好爽
第一次一個人去夜市，每樣野都又平又大份，一個人食到好無助。
一個人去bar hopping，杯杯都400台仔起跳，但杯杯都想試，hop下hop下飲左4000幾蚊台仔，飲到好無助。
不過勝在uber夠平，去邊都即call即有車。
唔洗緊張嘅。
一般黎講都係會去台北101，中正紀念堂、xpark、西門町等旅遊熱點and去夜市飲飲食食。
交通方面搭捷運就好。
另外買定張悠遊卡，喺台北果幾日會好方便👍🏻👍🏻👍🏻
祝你玩得開心
🚦🚦🚦記得紅綠燈即使係行人綠燈都唔係完全無車，會有汽車可以紅燈左轉，雖然大部份司機都會禮讓，但係都要格外留神，最好跟住人一齊過
記得print 彩色入台證，機場check-in 要比櫃檯睇。一日未返到香港唔好亂咁放
顧好belongings is ok, 去之前搵定想去嘅地方點樣去，做好準備，就期待旅程啦！台北算安全，夜晚唔好走太靜嘅地方. enjoy~
台北係我18歲後第一個獨遊城市～落機即刻去刮個刮刮樂先🤣有咩可以問路人，台灣人好熱心的！
我上年都去左 好正 唔駛緊張 食多d野
唔好怕浪費 唔好食就放低 quota有限 （我試過唔好意思就轉外賣）
入台證買保險