終於有時間睇「風林火山」

我記得套戲一上個期
成個threads都話「睇唔明」😂
當時個風向係咁，屌Juno 垃圾富二代、靠老豆、學下做編劇先….

王sir係警匪片迷，港產片我最鍾意係陳木勝嘅《衝鋒隊：怒火街頭》，當年我諗都算大製？大場面？大家可以睇下，96年嘅戲。老實講我覺得陳木勝遺作《怒火》係垃圾。我好睇重電影對白，《怒火》甄子丹： 「對於任何目無法紀，公然衝擊法治的人，警方絕對不會容忍」。🙄老實講聽到呢d作狀對白令人好出戲，因為大家都知警察唔會咁講野、人平時生活係唔會咁講野😅鄧炳強開記招就會講呢d😂

《風林火山》入面連鮑姐都講粗口，d對白好地道，好香港。警匪片，警察、黑社會，無粗口不如講國語啦😂，無乜刻意作狀偉大嘅對白，聽得好舒服，特別係有幾幕，角色開緊工無野做無聊緊，幾個係到屌來屌去講笑，呢d位同我地平時生活好似，有feel 🫂

呢個陣容我諗有生之年都好難再見到，連d配角都有麟有角，鮑姐、盧海鵬、盧冠廷、杜德偉…..不能盡錄
Respect👍

老實講，怒火、海關戰線，我一路睇一路玩電話。呢套《風林火山》兩個幾鐘，我無玩過電話先😂

真正睇戲嘅人
只會睇果套戲嘅製作
根本唔會同任何電影比較

你不如認真啲講吓劇本
分場
鏡頭
剪接
節奏
如果識嘅話

有睇到呢套戲
網上睇
不過不失啦

我入咗戲院睇左三次，第三次仲要唔聽佢D對白台詞，自己載住耳機聽歌嚟睇。
其實成套戲一D都唔難明，睇一次基本明哂。睇多兩次主要係我幾鍾意juno用個色糸組合同埋佢用咗好多藝術元素係入面。
鍾意藝術嘅人，睇完套戲應該點都唔會屌，最多話佢貪心。
不過，唔同人睇有唔同見解，我只能說，如果成套戲唔聽台詞，整套戲會產生唔同感受。當然，唔係第一次就冇台詞。

我都好鍾意juno嘅美學同埋暗示
D戲下下畫公仔畫出腸就無癮

呢套好嘢嚟🫶🏽

警匪片我鍾意非常突然，暗戰，神探（呢套唔知算唔算警匪）😄

我覺得幾好睇 。唔講太多 上次喺 FB 話尋x記係垃圾 即刻比人小 。

太零碎啦 佢應該要整成一套劇就真🤦🏻‍♂️🤦🏻‍♂️🤦🏻‍♂️
古天樂戲份唔算特別重要 佢講多啲梁家輝仲好

贊同👍🏻應該分上下集或成劇

依套真係唔差，希望有足本版

我都好鍾意

老劇本想玩啲新嘢，點知用錯功。淨係浮於表面啲嘢。洗盡心思想拍出唔同感覺，結果搞到九唔搭八。杜琪峰幾十年前嘅<鎗火>都叻過佢呢套風林火山。佢始終都唔係專業電影導演，唔夠專業。

唔知係咪導演有意為之
睇《怒火》會覺得班「好人」勁惺惺作態

因為要爭大陸市場
一定要拍到警察係超級正義

我覺得好睇！唔明點解啲人係咁鬧？！

我諗Juno 係想拍到Sin City嗰種冇時空冇地點feel,不過中港合拍夾硬要加字幕話係1994年

係呀 有黑警只可以97前😂😂
我好鍾意Juno 用嘅美學
Sin city 黑白灰
我覺得好正

幾鐘意呢場delete scene
https://youtu.be/3iges_2QN6U?si=4Pfe62qNpg8gjC9K

你講嘅海關戰線同怒火,我淨係諗到一個共通點~~~扮野王有份做

好似叫阿關

其實我想Juno 喺隔離講解每幕重點

銀河嘅警匪片都好出色！超正！

《怒火》真係唔好睇，劇本其實就根本係廿幾年前杜德偉主演嘅《重裝警察》。

怒火 一味追求大製作
無計啦 咁先上到上陸

怒火又唔算太差，我比較係同期個堆垃圾😆，至少啲角色交代都算清楚，忠奸分明。其餘好多係懶係複雜咁忠奸不分，但劇情又勁多犯駁位。海關戰線😮‍💨學友拍都算係佢既污點。的士陳個部又係，伊沙貝拉復出個套又係，爛到我都唔記得劇情。風林火山未睇，睇完再講

我覺得而家d警匪片
玩得太複雜，又追求大製造 飛機大炮
劇情要反轉再反轉

你睇下怒火街頭就明
一套96年嘅戲
我諗當年都算係大場面

有個4小時版本未公開

期待

技術係高質
但所有嘢夾埋就..唔識點講
但睇完真係會明白點解會鬧出一啲疑似演員不合作風波，冇一定執導功架，都好難拍得掂套戲

怒火應該係近年打片最好
如加埋政見去睇 當然覺得膠

關咩政見事呢🙄

呢套係零碎，應該唔會睇唔明

如果足本真係六個鐘剪到兩個鐘，我覺得己經好流𣈱

怒火相對嚟講算ok
但你話戲中照返現實既話當然唔會咁講野。一於屈得就屈砌得就砌

我覺得係因為要上大陸
所以開口埋口 都要講為正義而戰，香港核心價值😅
講真d對白好kam

呢套我覺得大家期待度太高
先搞到佢評價變成咁

係

內地睇？