經常聽到人講以下金句：
”係讀到書嘅，去咩學校都會讀得好”
現實係唔係真係咁？

最近聽到有個朋友的真實經歷，
佢小朋友原本在一間學校讀書，
佢屬於努力讀書嗰隻，
成績叫做中規中矩，
但因為學校讀書壓力比較大，
同學比較勁，
朋友因為唔想小朋友咁辛苦，
就同佢轉咗一間叫做banding低d的學校,
諗住可以畀小朋友輕鬆啲愉快學習，

點知事實唔係想像中咁美好，
新學校每一日上堂，
老師都要用半堂時間整理課室秩序，
朋友的小朋友屬於努力讀書型，
在新學校努力讀書原來會畀同學笑，
成班大概得幾個人認真聽書，
努力讀書嗰批就成為咗被笑的對象，
返學變咗好孤立。
另外，因為要就大部分人的進度，老師教學速度可以用龜速嚟形容，真係好攞命。

而家騎虎難下，真係唔知繼續好，定係再轉校好？

讀到書嘅 去邊間學校都讀到書
讀唔到書嘅 去邊間學校就關鍵

有啲學校係衰過唔讀

走啦。
身心受創，價值觀崩壞，
一世都追唔翻。

我兒子去了一個好的班，大部分同學都是認真讀書，成績好. 一起做project 你遲啲做都會俾人催，係自然會提高對自己的要求同標準.

咁因為你孩子唔係天才，天才真係自己睇書/老師講一次就明。
大部分孩子都係容易受環境影響。
家長讀過書應該明自己孩子係咪天才。

呢啲鳩up聽吓算，校風出事，幾努力都無用

我信孟子嘅娘親⋯⋯

我同你調轉，依家想轉去banding 高嘅學校，十五十六，好煩！擔心轉咗校成為新生，資源未必輪到我哋，都想聽下大家意見，成功的話明年插班小四

有好成績就轉去Band 1B 呢啲唔係最chur 嘅學校

睇落似係要教小朋友，唔好咁易受人影響。太勁又驚有壓力，周圍多人唔讀書就驚冇朋友，俾人笑。其實佢肯讀書，係優點。佢讀得好，就幾年後考到好中學，唔會見到呢批同學。

不如同學校溝通下，同級入面會唔會有學習氣氛好啲嘅班？
banding低嘅學校應該都會有學習氛圍偏好嘅班

我幾時都唔信呢句野。

如果去到邊都讀到書，學校就唔洗分banding啦
而家係想入間有學習氛圍嘅高banding學校呀

真係以為band1成績係老師教出黎🙄 岩岩先睇完QC拎U個案

找合適的學校轉校，宜速；轉去較低Banding的同區同背景的學校多屬取禍之道。