美容院仲剩5次，但唔想再見到嗰個美容師了，次次都催我買套票。
講咩大家都係做業務，唔洗我講咁白呀嘛。我心諗你冇業績關我咩事？
試過去一間暖宮店試做完一次，買左10次package，第二次上去就叫我買多十次話佢當我係佢個女咁叫我幫下佢業績！？我即刻黑面話你唔係阿嘛我岩岩先買完十次你咁快叫我買
有時情願仲有都唔去，因為我知一上到去我又會洗多啲錢，同埋佢又唔係做得特別好，我而家出咗去做單次收費輕鬆好多，鍾意就做，同埋單次收費我覺得美容師姐姐真係用心做好多，因為想keep住啲客你下次再嚟，買套票嗰啲你已經俾咗錢佢已經冇咩所謂有時真係好Hea，同埋單次收費IG都有價目表，唔會海鮮價，就算蝕咗package比之前嗰個美容師，計返條數都係抵咗
係，你講得好啱，一買咗套票，佢收咗錢就變得好hea，同時又覺得我好似冇佢唔得咁。