老公受咗傷，又發燒，所以我叫佢入返房瞓。明明由始至終都係佢自己走落去廳瞓，我都冇唔畀佢入房，今日叫佢入房瞓，驚佢瞓梳化會再傷啲，佢竟然讕係猶豫咁問「咁我喺房，你會唔會瞓唔到？我驚我入去你會唔開心，會唔會呀？」唉～然後我又守唔住惡毒嘅舌頭回佢「啱啱係我主動叫你入房瞓覺，你又問呢啲問題，究竟你係想聽乜嘢答案？我叫得你入去，瞓唔瞓到，開唔開心，我自己會處理。你做乜嘢要引導我去講啲委屈我自己去減低你內疚嘅說話？再係咁，以後唔需要再去婚姻輔導。依家我係話，我唔想你瞓梳化砸住令個傷更痛，咁你入房定唔入房？亅我老公話「入」，然後即去玩具房攞枕頭入咗房。聽日佢本身放假，我哋約咗婚姻輔導，我尋日見佢好似幾痛咁，提議改期，佢唔肯。臨瞓前，佢話聽日佢一定會好返，陪我去婚姻輔導。我知道佢都係想表達關心我感受，但係我又好䒐䒏。可能因為係我累到佢受傷，我已經好煩燥，想佢快啲休息好啲，佢仲要講咁多無謂嘢。