老豆出殯個日，就算見到遺容，我都係崩潰左一秒又好翻，留左兩滴馬尿咁。但係過左兩三日，我d情緒開始控制唔到⋯ 人地問起會表面冇野轉頭，偷偷行開喊，依家搭緊地鐵一路搭一路喊，我都唔知可以點好。做人都係睇開d，可能一時間又真系好難睇得開。
好難一個個回覆！ 但係多謝大家關心！ 琴晚同朋友傾過，雖然老豆唔係度 但係佢好鍾意拍抖音/短視頻，世界上影像唔算太少，親戚都可以講到好多往事，有時將起老豆以前嘅野，感覺佢仲係度咁。
可能真系去左旅行咁，第二個世界同人間應該唔同 ，佢個邊會開心過係呢邊，有時人間都係好苦。
過左14年都仲係會自己呢埋喊 唔會好返 只會收埋係心 深處
如果未睇得開，唔好迫自己🫂🫂
親人離世真係好難過好難接受
無論你有咩情緒，或者有冇情緒，都要接納自己
Take care
呢個係正常
當年我爸過身係我被求婚之後4日
當時疫症黎～ 我爸入院搶救之後要入隔離病房，醫生打黎問如果爸心跳停仲救唔救，我好記得我求醫生盡快比我地可以入房見爸爸，斟埋最後一杯茶比佢。
最後當晚未斟到茶，我爸就已經離開左。 斟唔到茶係我一生人嘅遺憾。但同時我又好感恩呀爸離世的當日，我全日都陪住佢，由早上食早餐到下午返屋企瞓覺。
呀爸離世，我每次去掃墓我都係流眼淚。
呢家佢離開左5年了，我都會掛住佢 諗起佢。
所以時間比較長先會放低，但希望你唔好鑽牛角尖。加油👏🏻
唔需要夾硬迫自己扮無事，慢慢嚟，試下出外走走 去個短途旅行 會舒服啲
親人離世傷心一定會、可以傷心但不要不久！ 一定要從悲痛中走出來！保重🙏
佢只係先走一步, 到你百年歸老
係天堂就可以再見返佢😙